Marka 16:19 - Tedim Bible Revision 2017

¹⁹ (Tua bangin Topa Jesu in amaute tungah thu a gen khit ciangin vantungah kila to-in Pasianʼ tak lamah a tu hi.

Tedim Bible

¹⁹ Tua ciangin Topa Zeisu in amaute kiangah a gen khit ciangin, vantungah kila to a, Pasian’ ziat lamah a tu hi.

Marka 16:19 Referans Kwoze

1 PETER MASA 3:22

Tu-in vantungah tua Khris pai khin a, Pasianʼ tak lamah omin, vantung mite le ukna aana a neite khempeuh tungah a ukin a om hi.

Hebru 1:3

Tua Tapa in Pasianʼ minthanna vang hong taang khiasak a, Pasianʼ lim taktak mah hong pua-in, ama kampauna tawh leitung vantung buppi pai-in a kip hi. Mihingte a mawhna panun a siansak khit ciangin Vanglian pipa Pasianʼ taklam, vantungah a tu hi.

Hebru 12:2

Eite hong makai-in i upna a hong cingtaaksak Jesu mitsuanin nei ni. Mai lamah a ngah ding lungdamna hangin maizumna kihta loin singlamteh tungah sihna hong thuak a, tu-in Pasian tokhom tak lamah a tu hi.

ROM (Romans) 8:34

Tua ahih manin kua in amaute tungah thu khen thei nawn ding ahi hiam? Eite adingin a hong thumsak pa pen Pasianʼ tak lamah a tu, a sih khit ciangin sihna panin a kihingkiksak Khris Jesu hi lo ahi hiam?

Late 110:1

Topa in ka to kumpipa tungah, “Na galte nangma khengakna-in ka bawl matengin ka tak lamah tu in,” a ci hi.

Sawltak 2:33

Amah in Pasianʼ tak lamah omna dongin liatna ngah a, ama tungah Pasian in a ciam sa Kha Siangtho zong a ngah khin hi. Tu laitak a na muh na zak uh nate pen kote tungah a hong piak tua Kha Siangtho ahi hi.

Hebru 8:1

Tu-in i gen nop thu pen hih bang ahi hi: Vantungah Pasianʼ tokhom tak lamah a tu tua bang Siampi Lianpen khat a nei ihi hi.

Kolose 3:1

Note pen Khris tawh a thokik khinte na hih manun, Pasianʼ taklam a kumpi tokhom tungah Khris a tutna mun vantung thute ngaihsutin nei un.

Johan 20:17

Tua ciangin Jesu in, “Kei hong lenlen nawn kei in. Ka Pa kiangah a pai to nai lo ka hi hi. Ka sanggamte kiangah va pai inla, ‘Keima Pa le noteʼ Pa, keima Pasian le noteʼ Pasianʼ kiangah ka pai ding hi,’ ci hi, ci-in va gensak zaw in,” a ci hi.

Hebru 6:20

Tua lai munah eiteʼ tangin Jesu na ma tun khinta a, siampi Melkhizedek gui zui-in a om tawntung ding siampi lianpen a suak hi.

1 TIMOTI MASA 3:16

I biakna pen a thuthuk a thu lian taktak ahihna thu hih bangin i thei hi: Mihing lim pua-in amah hong kilang a, a man taktak ahihna thu Kha Siangtho in kilangsak a, vantung mite in a mu uh hi. Mi khempeuh tungah ama thu kihilh a, mun khempeuh ah ama thu ki-umin, vantungah amah kila to hi.

Johan 6:62

Mihing Tapa ama omna ngei ah a ciah tokik a mu hi le-uhcin bang na ci ding uh hiam?

Luka 9:51

Jesu vantungah a kilaktoh ding hun a nai kuan ciangin Jerusalem khua manawh dingin a ngaihsun hi. Ama mai ah nungzui pawl khat ma paisak a,

Hebru 9:24

Tua ahih manin a lim ahi mihingteʼ bawl Siangtho Mun sungah Jesu pai lo a, vantung mahmah ah va pai-in Pasianʼ omna ah eiteʼ tangin tu-in amah a va kilaak ahi hi.

Hebru 7:26

Tua bangin a siangtho, paubaanna a nei lo, vantungah a lian penin a kikoih Siampi Lianpen Jesu i neih a hoih mahmah ahi hi.

Hebru 4:14

Tua ahih manin eite in Pasianʼ omna vantung a va tung khin sa, Siampi Lianpen ahi Pasianʼ Tapa Jesu nei khin ihih manin i san sa upna thu kip takin len ni.

Sawltak 3:21

Pasian in ama kamsang mi siangthote tungtawnin tanglai-in a gen kholh sa bangin, na khempeuh a thakin a kibawl hun dong mateng vantungah Jesu a om ding ahi hi.

Johan 21:22

Jesu in, “Ka hong paikik mateng amah a nungta dingin ka deih nakleh nang bang phamawh sa na hi hiam? Nangmah in ka nung hong zui peuh in,” ci-in a dawng hi.

Johan 21:15

An a nek khit uh ciangin Jesu in Simon Peter kiangah, “Johanʼ tapa Simon aw, hih a dang khempeuhteʼ hong it sangin kei na hong nak it zaw hiam?” ci-in a dot ciangin amah in, “Topa aw, ka hong it zaw hi. Nang ka hong itna na thei hi,” ci-in a dawng hi.

Johan 17:13

Tu-in nangma kiangah a hong pai ta ding ka hih manin keimah bangin amaute in lungdamna cingtaak a neih theih nadingun leitungah ka om lai-in hih thute a gen ka hi hi.

Johan 16:28

Pa kiang panin hong pai-in leitung a hong tung ka hi a, tu-in leitung nusia leuleu-in Pa kiang a zuankik ding ka hi hi,” a ci hi.

Johan 13:1

Tu-in Paisan Pawi hun ding ni khat bek in sam a, Jesu in hih leitung nusia-in a Pa kiangah a pai ding hun a tunna thu a thei hi. Hih leitungah a om ama mite it mahmah ahih manin a hih theihna zah ciang tawh a itna a lak hi.

Marka 16:20

Nungzuite zong mun khempeuh ah pai-in thu a hilh uh hi. Topa in zong amauteʼ nasep seppih a, a thuhilhnate uh man hi, ci-in a lahna-in amaute tungah vangliatna limte a pia hi.)

Luka 22:69

Ahi zongin tu a kipanin a Vanglian Pasianʼ tak lamah Mihing Tapa tu ding hi,” ci-in a dawng hi.