Marka 16:17 - Tedim Bible Revision 2017

¹⁷ A um mite tungah hih vangliatna limte kipia ding hi: Keima hangin dawi hawl khia thei ding uh a, pau dangte pau thei ding uh hi.

Tedim Bible

¹⁷ Thu um mite tungah hih na lamdang a piang ding hi: Keima min tawh dawite a hawlkhia ding uh a, kamthakin a pau ding uh hi;

Marka 16:17 Referans Kwoze

Sawltak 5:16

Jerusalem khua kiim a om khuapite panin mite hong pai-in, cinate le dawivei mite hong paipih uh a, a vekpi-in damna a ngah uh hi.

1 KORIN MASA 12:28

Tua ahih manin Pasian in pawlpi sungah mi khempeuh ama panmun ciat dingah a hong bulh hi. A masa-in sawltakte, a nihna ah kamsangte, a thumna ah laihilhte, tua ciangin nalamdang bawl theite, cina damsak theite, midang a huh theite, thu vaihawm a siamte le pau lamdang a pau theite ahi uh hi.

1 KORIN MASA 12:10

A dang khat tungah nalamdang bawl theihna, a dang khat tungah Pasianʼ thu hilh ding siamna, a dang khat tungah Kha Siangtho piak siamna ahi leh ahi lo khen theih nading siamna, a dang khat tungah pau lamdang pau theihna, a dang khat tungah tua pau lamdang tuamtuam paunate a khiatna gen theihna hong pia hi.

Sawltak 8:7

Mi tampite sung panin dawite nakpi takin kiko-in paikhia uh a, khut zaw khe zaw mite zong kidamsak hi.

Luka 10:17

Sawm Sagihte lungdam mahmah in hong ciahkik uh a, “Topa aw, nangma min tawh dawite nangawn ka hawl khia zo uh hi,” a hong ci uh hi.

Sawltak 10:46

Bang hang hiam cih leh amaute in pau lamdang pau-in Pasianʼ liatna a phatnate uh amau bil mahmah tawh a za uh hi. Tua ciangin Peter in,

Johan 14:12

A mantakin ka hong genin ah, kei hong umte in keima sep nate mah sem ding hi. Pa kiangah kei ciah ding ka hih manin keima sep sangin zong a lian zaw sem lai ding uh hi.

Sawltak 19:6

Paul in amaute tungah a khut a ngak khit ciangin amaute tungah Kha Siangtho hong tung hi. Amaute in pau lamdang hong pau pah uh a, Pasianʼ thu zong a gen uh hi.

1 KORIN MASA 14:2

Bang hang hiam cih leh pau lamdang a paute pen miteʼ tungah thugen hi loin Pasianʼ tungah thugen ahi hi. Amauteʼ pau kuamah in thei lo a, Kha Siangthoʼ vangliatna tawh Pasianʼ thusimte a gengen ahi uh hi.

1 KORIN MASA 12:30

A vekpi-un cina damsak nading siamna nei lo uh a, a vekpi-un pau lamdang pau thei lo uh a, a vekpi-un tua pau lamdangte a khiatna gen thei lo uh hi.

1 KORIN MASA 13:1

Keimah in mihingte pau a tuamtuamte le vantung miteʼ pau nangawn ka pau theih hangin itna ka neih kei leh a bil-aphuai zam le daltuah kitum tawh a kibang lel ka hi hi.

Sawltak 16:18

Tua bangin ni tampi sung awng ngitnget ahih manin a sawtna ciangin Paul in nawngkai sa ahih manin kihei-in a dawi kiangah, “Hih numei sung panin na paikhiat nadingin Jesu Khris min tawh thu kong pia hi,” a cih khit phetin, tua numei sung panin dawi a paikhia pah hi.

Marka 9:38

Johan in, “Sia aw, nangma min zangin dawi a hawl khia mi khat ka mu uh hi. Amah, eiʼ pawl hi lo ahih manin ka kham uh hi,” a ci hi.

Sawltak 2:33

Amah in Pasianʼ tak lamah omna dongin liatna ngah a, ama tungah Pasian in a ciam sa Kha Siangtho zong a ngah khin hi. Tu laitak a na muh na zak uh nate pen kote tungah a hong piak tua Kha Siangtho ahi hi.