Marka 15:45 - Tedim Bible Revision 2017

⁴⁵ Galkap mangpaʼ genna panin a sih khitna thu a theih ciangin a luang a lak theih nadingin Josef tungah thu a pia hi.

Tedim Bible

⁴⁵ A sihna thu galkap mangpa kiang pan a theih ciangin, a luang Josef a pia hi.

Marka 15:45 Referans Kwoze

Johan 19:38

Tua ciangin Arimathea khuami Josef in Jesuʼ luang a lakkhiat theih nadingin Pilat kiangah va pai-in a ngen hi. (Josef i cih pen Jesuʼ nung a zui khat hi a, ahi zongin Jerusalem khua-a Jew uliante a kihtakna hangin a sim zuih khat ahi hi.) Josef in Jesuʼ luang a lakkhiat theih nadingin thu ngah ahih manin va pai-in Jesuʼ luang a la khia hi.

Marka 15:39

Jesuʼ mai ah a ding galkap mangpa in tua bangin kiko-in a laitah a muh ciangin, “Hih pa, Pasianʼ ta taktak ahi hi,” a ci hi.

Mattiu 27:58

Pilat kiangah va pai-in Jesuʼ luang a va ngen hi. Pilat in Josefʼ ngetna bangin Jesuʼ luang a kipiak nadingin thu a pia hi.

Marka 15:44

Pilat in a lungsimah, Jesu a si khin takpi mah hi ding ahi hiam, ci-in ngaihsun ahih manin galkap mangpa samsak a, si khinta ahi hiam, ci-in a dong hi.

Marka 15:46

Josef in zong puan pak lei a, singlamteh tung panin Jesuʼ luang la khia-in, a puan lei tawh hoihtakin vialin tuam a, tawh sa-in a om suang han sungah a sial hi. Tua ciangin suangtum khat hualin a kongvang a hu hi.