Marka 15:43 - Tedim Bible Revision 2017

⁴³ mite in a zahtak, ulian vaihawmte lakah a kihel, Pasianʼ Uk ding hun zong a lamen, Arimathea khuami Josef, hang takin Pilat kiangah hong pai-in Jesuʼ luang a hong ngen hi.

Tedim Bible

⁴³ Arimathea khua Josef, a minthang upa ahi, Pasian Gam a lamenpa hong pai-in, Pilat kiangah lau loin va lut a, Zeisu’ luang a ngen hi.

Marka 15:43 Referans Kwoze

Luka 2:38

Tua bangin Jesu a ki-ap hun laitakin hih kamsangnu hong pai-in Pasian tungah lungdamna ko a, Jerusalem a suahtak nading lamenin a ngak mi khempeuh tungah hih naungekʼ thu a gen hi.

Luka 2:25

Jerusalem khua sungah Simeon a kici mi khat na om hi. Amah a thuman, a biakna mi mahmah khat hi a, Israel mite a kihotkhiat hun ding a ngakngak mi khat ahi hi. Kha Siangtho in a ompih mi khat hi a,

Sawltak 17:12

Mi tampi in Pasianʼ thu um a, tuate sungah a cithei Grik numei tampi le Grik mi pasal tampi a kihel uh hi.

Johan 19:38

Tua ciangin Arimathea khuami Josef in Jesuʼ luang a lakkhiat theih nadingin Pilat kiangah va pai-in a ngen hi. (Josef i cih pen Jesuʼ nung a zui khat hi a, ahi zongin Jerusalem khua-a Jew uliante a kihtakna hangin a sim zuih khat ahi hi.) Josef in Jesuʼ luang a lakkhiat theih nadingin thu ngah ahih manin va pai-in Jesuʼ luang a la khia hi.

Mattiu 27:57

A nitak ciangin Arimathea khuami, Jesu thu a um, mihau ahi Josef a kici mi khat,

Filippi 1:14

Tua banah keima thongkiatna hangin hih lai-a om Khristiante a tam zaw in Topa muanna-in nei uh a, lau het loin Pasianʼ thu gen ngamna-in nei zaw uh hi.

Sawltak 13:50

Ahi zongin Jew mite in tua khua sung uliante le Gentail mi numei citheite holhthawh uh a, Paul le Barnabas bawlsiat ding kipanin, tua gam panin a tai khiasak uh hi.

Marka 14:54

Peter in zong Jesuʼ nung gal zuih a, siampi lianpen paʼ inntual ciangah a om hi. Tua lai ah palikte tawh mei awi-in a tukhawm hi.

Mattiu 20:16

Tua ahih manin a neute lian dinga, a liante neu ding hi,” a ci hi.

Mattiu 19:30

Ahi zongin tu hun laitakin a lian mi tampite tua hun ciangin a neu suak dinga, tu hun laitakin a neu tampite tua hun ciangin a lian hi ding uh hi.

Marka 15:44

Pilat in a lungsimah, Jesu a si khin takpi mah hi ding ahi hiam, ci-in ngaihsun ahih manin galkap mangpa samsak a, si khinta ahi hiam, ci-in a dong hi.

Luka 23:50

Tua laitakin Josef a kici mi khat om a, Judea gam sunga om Arimathea khuami ahi hi. Amah pen mihoih, a zahtakhuai mi khat hi a, Pasianʼ Uk ding hun lamenin a ngakngak mi khat ahi hi. Amah pen ulian thu vaihawm sunga kihel hi a, ahi zongin a lawmteʼ vaihawmna le a nasepnate uh thukimpih lo hi.