Marka 15:29 - Tedim Bible Revision 2017

²⁹ Amah a va mu kha mi peuhpeuh in a lu uh singin zahpih bawl uh a, “A! Biakinn susia-in ni thum sungin a lamkik ding pa!

Tedim Bible

²⁹ Lampi-ah a pai mite in, “Hei, biakna innpi susia-a nithum sunga a lam kik dingpa aw,

Marka 15:29 Referans Kwoze

Marka 14:58

“Mihingteʼ lam hih biakinn ka susia dinga, ni thum khit ciangin mihingteʼ lam ahi lo a dang khat ka lam ding hi,” a cihna ka za uh hi, ci-in hong gen uh hi.

Late 109:25

Amauteʼ nuihsatin kei ka om a, amaute in kei hong muh ciangun lusu ngeungeu uh hi.

Kah la 2:15

Tua khuapi a siatna a mu mi peuhmah in awi-in a khut a bet san uh hi. A kisia Jerusalem khuapi a muh uh ciangin awi-in a lu uh pei-in a nuihsan uh hi. “Khuapi it-huai i cih hih maw, leitung bup in a kisaktheih pih hih khua maw,” ci-in a nui uh hi.

Kah la 1:12

A kiim a pam ah a pai mi khempeuh kiangah, “Hong en in, keiʼ thuak zahin gimna a thuak, Topa in a heh laitakin a hong thuaksak gimna a thuak kei longal, midang kuamah om lo hi,” ci-in a kiko hi.

Mattiu 26:61

“Hih mipa in, ‘Pasianʼ Biakinn susia-in ni thum sungin ka lamkik thei ding hi,’ ci hi,” a hong ci uh hi.

Late 69:26

Bang hang hiam cih leh nangmah in na sat gawp mi amaute in bawlsia uh a, nangmah in na liamsak sa mi amaute in gimsak sawnsawn uh hi.

Late 69:7

Bang hang hiam cih leh nangma hangin kona ka thuak a, maizumna in kei hong pumtuam khinta hi.

Marka 15:28

(Hih bangin ahihna uh tawh, “Khialhna a nei mite tawh kisim khawm hi,” ci-in Lai Siangtho sungah a kigelh thu a tung ahi hi.)

Marka 15:30

Singlamteh tung panin hong kum suk inla, nangmah kihon khia tawm in!” a ci uh hi.