Marka 15:26 - Tedim Bible Revision 2017

²⁶ “Jew miteʼ Kumpipa,” ci-in amah a mawhsakna uh lai kigelh hi.

Tedim Bible

²⁶ “JUDAHTE’ KUMPIPA HI”, ci-in a mawhsakna lai a tungah a kigelh hi.

Marka 15:26 Referans Kwoze

Mattiu 27:37

Tua ciangin amah a mawhsakna uh, “Hih pa, Jew miteʼ Kumpi Jesu ahi hi,” cihna lai gelhin ama lutang sanah a suang uh hi.

Mattiu 2:2

“Jew miteʼ kumpi ding ahi naungek a hong suak pen koi lai ah om ahi hiam? Nisuahna lam pan ama aksi hong suah ciangin ka mu uh a, amah a bia dingin a hong pai ka hi uh hi,” hong ci uh hi.

Zekhariah 9:9

Zion mite aw, nakpi takin lungdam un. Jerusalem mite aw, lungdamin awng un. En un, na kumpipa uh hong pai hi. Amah, gualzawhna tawh hong pai hi. Ahi zongin kiniamkhiatna tawh hong pai a, sin nai loh la no tungah hong tuang hi.

Marka 15:2

Pilat in, “Nang, Jew miteʼ Kumpipa na hi hiam?” ci-in a dot ciangin Jesu in, “Nang zong tua mah nong ci hi,” ci-in a dawng hi.

Isaiah 10:7

Ahih hangin a kumpipa in tua bang bek sawm lo a, a lungsim in zong tua bang bek ngaihsun lo hi. Ama lungsim sungah minam tampi suksiat nopna thu om hi.

Paunak 21:1

Topaʼ khut sungah kumpipa om a, lo sunga tui lak bangin a deihna peuh ah hei kawikawi thei hi.

Late 2:6

“Ka mual siangtho Zion tungah ka kumpi ka tusak khin hi,” ci hi.

Isaiah 46:10

A kipat cil-in a tawpna ding thu ka pulak a, tanglai pek panin a piang nai lo nate genin, ‘Ka thugen kip dinga, ka ngimna khempeuh ka tungsak ding hi,’ ka ci hi.

Thu-hilhkikna 23:5

Ahih hangin Topa na Pasian un Balaamʼ thu ngai lo hi. Topa na Pasian un note hong it ahih manin, Topa na Pasian un samsiatna pen note adingin thupha-in hong heisak zaw hi.

Late 76:10

Mihingteʼ hehna in nang hong kiphatna ding piangsak dinga, na hehna panin a suakta mite in nangmah pahtawina pawi a bawl ding uh hi.

Marka 15:27

A tak lamah khat, a veilamah khat, mi thatte nih tawh a kikhai khawm hi.

Marka 15:32

Israel miteʼ kumpipa Khris tu-in singlamteh tung panin hong kum suk leh amah um ni!” a kici uh hi. Jesu tawh a kikhai khawm mi nihte in zong a simmawh bawl uh hi.