Marka 15:14 - Tedim Bible Revision 2017

¹⁴ Tua ciangin Pilat in, “Bang hangin tua ci na hi uh hiam? Bang siatna bawl ahi hiam?” a cih ciangin, “Singlamteh tungah that in,” ci-in a kinakko zaw semsem uh hi.

Tedim Bible

¹⁴ Pilat in, “Bang hang hiam? Amah in mawhna bang takhial ahi hiam?” ci-a a dot ciangin, “Singlamteh tungah that in,” ci-in nakpi-in a kiko uh hi.

Marka 15:14 Referans Kwoze

Luka 23:41

Ei tegel pen i gamtatna tawh kizui-in thu hong kikhen ahih manin ahi ding mah ahi hi. Ahi zongin amah in khialhna bangmah nei lo hi,” a cih khit ciangin

1 PETER MASA 1:19

tuuno bangin paubaanna a om lo, a manpha mahmah Khris, biakna-in a hong kipiakna tawh Pasian in note a hong suaktasak ahi hi.

Hebru 7:26

Tua bangin a siangtho, paubaanna a nei lo, vantungah a lian penin a kikoih Siampi Lianpen Jesu i neih a hoih mahmah ahi hi.

Sawltak 19:34

Ahi zongin Jew mi ahih lamtak a theih uh ciangin, “Efesa khua miteʼ Artemis lianpen hi,” ci-in a kituakin nai nih sung a awng uh hi.

Johan 19:6

Siampi liante le biakinn cing palikte in a muh uh ciangin “Singlamteh tungah that in, singlamteh tungah that in!” ci-in a kiko uh hi. Pilat in amaute kiangah, “Na ut uh leh paipih unla, singlamteh tungah that un! Keʼn ama khialhna ka mu kei hi,” a cih ciangin

Johan 18:38

Pilat in, “Thuman na cih bang ahi hiam?” ci-in a dong hi. Tua ciangin Jew mihonte kiangah Pilat va pai khiakikin amaute kiangah, “Ama khialhna bangmah ka mu kei hi.

Luka 23:47

Galkap mangpa in hih thupiang a muh ciangin Pasian phat a, “Hih pa, mihoih taktak khat ahi hi,” a ci hi.

Luka 23:21

Ahi zongin mihonpite in, “Singlamteh tungah that in, singlamteh tungah that in,” ci-in a kiko uh hi.

Luka 23:4

Tua ciangin Pilat in siampi liante le mihonte kiangah, “Hih mipa mawhsak nading thu bangmah ka mu kei hi,” a ci hi.

Mattiu 27:54

Jesu enin a om galkap bupa le galkapte in zinlinna le a thupiangte a muh uh ciangin lamdang sa mahmah uh a, “Hih pa, Pasianʼ Tapa taktak mah ahi hi,” a ci uh hi.

Mattiu 27:19

Tua banah, thukhen zumah thusitin a om hunsung mahun, a zi in thu zasak a, “Tu zan ka mang sungin ama hangin nakpi takin gimna thuak ka hih manin, mawhna nei lo tua mipa bangmah cih kha kei in,” a ci hi.

Mattiu 27:4

“Mawhna a nei lo mipa a si dingin lehhek kha ka hih manin ka mawh hi,” a va ci hi. Ahi zongin amaute in, “Kote tawh bang kisai nawn ding ahi hiam? Nangma tavuan ahi hi,” a na cih san uh hi.

Isaiah 53:9

Amah in mawhna bawl lo, zuaugen ngei lo napi-in, amaute in migilote tawh sihna a kibang, mihaute tawh hankhuk a kibang a bawlsak uh hi,” a ci uh hi.

Isaiah 53:3

Amah pen mite in simmawhin nusia a, gimna le natna a thuak ahi hi. Mite in en nuam loin a mai uh a hum san uh mipa bangin amah kisimmawh a, eite in amah i thusim kei hi.

Late 69:4

Thu om lopi-in kei a hong mudah mi, ka lu tunga samzangte sangin tam zaw uh hi. Kei a hong susia ding, zuau thu tawh a hong dote hat mahmah uh hi. Keiʼ guk lohpi keʼn loh ding ka hi hiam?

Marka 15:13

amaute in, “Singlamteh tungah that in,” ci-in a awng uh hi.

Marka 15:15

Pilat in mihonte lungkimsak nuam ahih manin Barabbas khah a, Jesu a satsak khit ciangin singlamteh tungah thah dingin galkapteʼ khut sungah a ap hi.

Sawltak 13:28

Amaute in Jesu in sihna a thuak nadingin thukhenna a ngah nading thu mu zo lo napi uh, Pilat in thah nading thu a piak nadingin na ngen teitei uh hi.