Marka 14:41 - Tedim Bible Revision 2017

⁴¹ A thum veina a hong ciahkik ciangin amaute kiangah, “Ihmu-in na tawlnga hithiat lailai na hi uh hiam? Pha zo hi. A hun hong tung ta hi. Mihing Tapa mawhnei miteʼ khut sungah hong kipia khinta hi.

Tedim Bible

⁴¹ Thumveina hong paikik a, “Tu-in nuam takin ihmu un. A kicing zo hi. A hun hong tung zo hi. Mihing Tapa migilote’ khut sungah kilehheek zo hi.

Marka 14:41 Referans Kwoze

Marka 14:35

Amah tawm khat pai lai-in leilak ah bok suk a, ahi thei ding ahihleh hih thuakna hun tawh a kipelh nadingin thu a ngen hi.

Marka 9:31

Bang hang hiam cih leh a nungzuite kiangah thu hilh a, “Mihing Tapa, mihingteʼ khut sungah kipia-in amaute in that ding uh a, ahi zongin ni thum khit ciangin hingkik ding hi,” a ci hi.

Johan 17:1

Jesu in hih thute a gen khit ciangin vantung lam en to-in, “Pa aw, a hun hong tung ta ahih manin na Tapa in na pianzia hong kilatsak theih nadingin tu-in na Tapaʼ pianzia hong kilangsak ta in.

Sawltak 7:52

I pu i pate in kamsang a bawlsiat loh khat beek om lo hi. Pasianʼ deihna bangin a gamta a Nasem pa a hong pai nading thu a gen khol Pasianʼ kamtaite na that uh a, tu-in note in tua nasem pa leh hekin na that leuleu uh hi.

Johan 12:27

Tua khit ciangin Jesu in, “Tu-in ka lunggim mahmah hi. Bang cih ding ka hi hiam? ‘Pa aw, hih hun tawh hong kipelhsak in,’ ci ding ka hi hiam? Tua bang cih ding lah hih bang a thuak ding mahin a hong pai ka hi hi.

Johan 12:23

Tua ciangin Jesu in, “Mihing Tapa in Pasianʼ pianzia a ngah ding hun hong tung ta hi.

Johan 8:20

Jesu in hih thute pen sumpi khiatna kuang a kikoihna biakinn dei sungah a gen hi a, ahi zongin ama hun tung nai lo ahih manin kuamah in amah man lo uh hi.

Johan 7:30

Tua ciangin amaute in Jesu mat ding hanciam uh hi; ahi zongin ama hun tung nai lo ahih manin kuamah in va su lo hi.

Marka 14:18

An a nek laitakun Jesu in, “Tu laitakin kei tawh an a nekhawm mi khat in kei hong lehhek ding hi,” a ci hi.

Marka 14:10

Tua laitakin sawm le nihte sung pan Iskariotʼ tapa Judas in amaute tungah Jesu a piak theih nadingin siampi liante kiangah a va pai hi.

Marka 7:9

Tua ciangin Jesu in a thugen zom lai a, “Na khanglui ngeina uh na zuih theih nadingun Pasianʼ thukhamte a nawl khin zia na siam mahmah uh hi.

Mattiu 26:2

“Na theih sa uh mah bangin tu zawh ni nih khit ciangin Paisan Pawi hun hong tung ta ding hi. Tua ciangin singlamteh tungah thah dingin Mihing Tapa kipia ding hi,” a ci hi.

Ezekiel 20:39

Topa Pasian in, “Israel mite khempeuh aw, na milimte uh biabia un! Ahih hangin tu a kipanin keima thu nong man uh kul dinga, na milimte uh letsong piakna tawh ka min siangtho na daisak nawn kei ding uh hi,” a hong ci hi.

Thuhilh-sia 11:9

Khangnote aw, na khangnona uh nuamsa unla, na khangno lai-un lungdam un. Na hih nop peuhpeuh uh hih unla, na ut bangbangun gamta un. Ahi zongin na gamtatna uh tawh kizui-in Pasian in thu hong khen ding phawk gige un.

2 KUMPI NIHNATE 3:13

Tua ciangin Elisha in Israel kumpipa kiangah, “Nang tawh bang kisai ka hi hiam? Na nuʼ kamsangte le na paʼ kamsangteʼ kiangah pai in,” a ci hi. Ahih hangin Israel kumpipa in ama kiangah, “Hi lo hi; Moabʼ khut sungah hong piak dingin ko kumpi thumte a hong sam pa pen Topa ahi hi,” a ci hi.

1 KUMPI MASATE 22:15

Kumpipa kiangah amah a tun ciangin kumpipa in ama kiangah, “Mikaiah aw, Ramoth-gilead ah galsim dingin i kuan ding hiam, ahih kei le i thuak ding hiam?” a ci hi. Tua ciangin amah in dawngin, “Kuan to inla va gualzo ve. Topa in kumpipaʼ khut sungah hong pia ding hi ven,” a ci hi.

1 KUMPI MASATE 18:27

Sun ciangin Elijah in amaute zahpihin, “Amah pen pasian ahih ciangin a gingin kiko un. Amah in thu a lungngaih laitak, ahih kei leh mun dangah paikhia, ahih kei leh khualzin, ahih kei leh amah ihmu-in phot ding kisam hi kha thei ding hi,” a ci hi.

Thukhente 10:14

Pai unla noteʼ teel pasian-te tungah kiko un. Na lungkham hunun amaute kihonkhiasak un,” a ci hi.

Marka 14:40

Hong paikik ciangin a nungzuite na ihmu leuleu uh hi. A ihmut uh suak mahmah hi. Jesu kiangah a gen ding uh bangmah thei lo uh hi.

Marka 14:42

Tho un; pai ta ni. Kei hong lehhek pa hih lai ah hong tung ta hi,” a ci hi.