Marka 14:27 - Tedim Bible Revision 2017

²⁷ Tua ciangin Jesu in amaute kiangah, “‘Tuucingpa ka sat lum dinga, tuute a kithehthang ding hi,’ ci-in Lai Siangtho sungah a kigelh mah bangin note in kei nong taisan ding uh hi.

Tedim Bible

²⁷ Tua lai takin Zeisu in, “Tuucingpa ka satlum a, tuute a kithehthang ding hi,” ci-a Lai Siangtho sunga a kigelh bangin, note na vekpi un na lungkia ding uh hi.

Marka 14:27 Referans Kwoze

Zekhariah 13:7

“Namsau aw, ka tuucingpa a su dingin kipan inla, kei tawh nasem khawm pa langpang in. Tuucingpa sat in. Tuute kithehthang dinga, ka tuute gim ka pia ding hi.

Johan 16:32

Note khempeuh kithehthangin na inn ciat uh zuanin kei bek na hong nusiat ding uh hun a hong tung ding hi bek loin tu-in a hong tung hi ta hi. Ahi zongin kei guak a hong kinusia hi lo a, Pa in kei hong ompih hi.

Mattiu 26:31

Tua ciangin Jesu in amaute kiangah, “Lai Siangtho sungah, ‘Tuucingpa ka sat lum dinga, a tuute kithehthang ding hi,’ ci-in a kigelh mah bangin note khempeuh in tu nitakin kei na hong taisan mang khin ding uh hi.

Johan 16:1

“Note na puk khak loh nadingun hih thute a hong gen ka hi hi.

2 TIMOTI NIHNA 4:16

Keimah kihut nading thu ka gen masak ni-in kuamah in hong kop pih loin hong taisan mang uh hi. Tua thu hangin mawhsakna thuak kei beek uh hen!

Mattiu 11:6

Kei hong umte pen a lungdamhuai mahmah ahi hi,” ci-in a dawng hi.