Marka 14:22 - Tedim Bible Revision 2017

²² Tua bangin an a nek laitakun Jesu in anlum la-in lungdamna a koh khit ciangin balnenin a nungzuite tungah pia a, “Ne un; hih pen keima pumpi ahi hi,” a ci hi.

Tedim Bible

²² Amau in an a nek laitakun Zeisu in khomun la a, hehpihna a phat khit ciangin khomun balnenin, “Hih khomun in ka pumpi ahi hi. La un,” ci-in a nungzuite a pia hi.

Marka 14:22 Referans Kwoze

Marka 14:24

Tua ciangin amaute kiangah, “Hih pen mi tampite adingin a luang, thuciamna thak a kipsak keima sisan ahi hi.

Luka 24:30

Amaute tawh an ne dingin a tut ciangin Jesu in anlum la a, Pasian tungah lungdamna a koh khit ciangin balnenin amaute a pia hi.

Johan 6:23

Ahi zongin Tiberias khua panin gunkuang dang tampi hong pai a, Jesu in lungdamna a koh khit ciangin an a nekna uh munah hong tung uh hi.

Marka 6:41

Tua ciangin Jesu in a anlum nga le a ngasa tawn nihte la a, vantung lam en to-in Pasian tungah lungdamna a ko hi. A anlumte balnen a, mite tungah a piak dingin nungzuite a pia hi. Tua mah bangin ngasa tawn nihte zong amaute khempeuh a hawmsak hi.

Mattiu 14:19

lopa tungah mihonte a tut nadingun a sawl hi. Tua ciangin anlum nga le ngasa tawn nih la-in vantung lam en to a, Pasian tungah a lungdamna a ko hi. Tua ciangin anlum balnenin a nungzuite pia a, a nungzuite in mihonte mai ah a lui uh hi.

Zekhariah 5:7

Tua ciangpi siin pen haknaw tawh a kibawl ahi hi. Tua bangin ka et laitakin haknaw kibawl tua ciangpi siin pen kidom to a, tua ciangpi sungah numei khat a tu hi.

Piancilna 41:26

A hoih bawngpi sagihte, kum sagih hi a, a hoih buhvui sagihte zong kum sagih mah ahi hi. A mang khiatna a kibang ahi hi.

Galati 4:25

Arabia gam a om Sinai Mual lim ahi Hagar pen tu laitakin a mite tawh salin a om Jerusalem khuapi a cihnopna ahi hi.

1 KORIN MASA 10:4

a vekpi mahun kha tawh kisai tui na dawn uh hi. Bang hang hiam cih leh amaute a tonpih, kha tawh kisai suangpi panin tui na dawn uh a, tua suangpi pen Khris ahi hi.

Marka 10:16

Tua ciangin naupangnote la-in a ang ah tawi a, a tung uh ah a khut nga-in thupha a pia hi.

Marka 14:21

A kigelh sa mah bangin Mihing Tapa ahihleh si dinga, ahi zongin a lehhek paʼ thuakna nasia mahmah ding hi. Tua mipa a piang ngei het lo hileh ama adingin hoih zaw tham ding hi,” a ci hi.

Marka 14:23

Tua ciangin hai la a, lungdamna a koh khit ciangin a nungzuite tungah pia a, tua hai panin a dawn kim uh hi.

Luka 22:17

Tua ciangin Jesu in a hai sang a, Pasianʼ tungah lungdamna a koh khit ciangin, “Hih hai hong sang unla, na vekpi-un na gual dawn un.