Marka 14:11 - Tedim Bible Revision 2017

¹¹ Siampi liante in a thu a zak uh ciangin lungdam mahmah uh a, sum tawh kong guai ding uh hi, ci-in thu a ciam uh hi. Tua ahih manin Judas in Jesu a lehhek theih nading a hunhoih a zong hi.

Tedim Bible

¹¹ Amaute’n a zak uh ciangin nuam uh a, “Dangka-in kong guai ding uh hi,” ci-in a kiciam uh hi. Amah in Topa amaute’ khut sungah piak theih nading a zong hi.

Marka 14:11 Referans Kwoze

1 TIMOTI MASA 6:10

Sum deih luatna in siatna namkim piangsak hi. Mi pawl khat in sum deih lua liang uh ahih manin a upna panun pial khia-in gimna lungkhamna tampi a thuak lawh uh hi.

Juda 1:11

Hih mite adingin dahhuai mahmah hi. Bang hang hiam cih leh Kainʼ gamtat bangin gamta-in, sum ngaihsutna-in Balaamʼ khialh bangin khial uh a, Korahʼ lehdo bangin lehdo-in siatna thuak uh hi.

Mattiu 26:15

“Noteʼ khut sungah amah hong pia leng, note in kei bang tawh hong guai ding na hi uh hiam?” a cih ciangin ngun peek sawm thum a pia uh hi.

Hosea 7:3

Amaute in a zuaupi teng uh tawh kumpipa lungdamsak uh a, a khemna teng uh tawh a uliante uh nuamsak uh hi.

2 KUMPI NIHNATE 5:26

Ahih hangin Elisha in ama kiangah, “Nangmah a dawn dingin a leeng tung panin mipa a kihei laitakin nang tawh ka kha om khawm hi lo ahi hiam? Sum le puante, oliv huante le leenggui lote, tuute le bawngtalte, nasem numeite le nasem pasalte san ding hun ahi hiam?

1 KUMPI MASATE 21:20

Ahab in Elijah a muh ciangin, “Ka galpa aw, kei hong mu na hi hiam?” a ci hi. Amah in dawngin, “Topaʼ muhna ah a sia a gamta dingin nangmah kipiatawm na hih manin nang kong mu hi.

Mattiu 26:14

Tua ciangin sawm le nihte sung panin Iskariotʼ tapa Judas a kici mipa siampi liante kiangah va pai a,

Marka 14:10

Tua laitakin sawm le nihte sung pan Iskariotʼ tapa Judas in amaute tungah Jesu a piak theih nadingin siampi liante kiangah a va pai hi.

Marka 14:12

Paisan Pawi an dingin tuuno a kigawh ni, Silngo Sawh loh Anlum Pawi ni masa ni-in a nungzuite in Jesu kiangah, “Koi lai ah pai-in Paisan Pawi an ding hong bawlsak ding ka hi uh hiam?” ci-in a dong uh hi.

Luka 22:3

Tua ciangin sawm le nihte sung panin Iskariot tapa Judas sungah Satan hong lut hi.