Marka 13:9 - Tedim Bible Revision 2017

⁹ “Limtakin kidawm un. Note hong kimanin thukhen zumah hong kipaipih dinga, kikhopna inn sungah zong hong kisat ding hi. Ukpite le kumpite mai ah keima thu gen nading hun na ngah ding uh hi.

Tedim Bible

⁹ “Ahih hangin na kikem un. Bang hang hiam na cih uh leh, amaute in upa vaihawmte’ thukhenna sungah note hong pia ding uh hi. Kikhopna inn sungah satna na thuak ding uh hi. Tuate mai-ah teci na pan’ nadingun mangte leh kumpite mai-ah keimah hangin na ding ding uh hi.

Marka 13:9 Referans Kwoze

Johan 16:2

Amaute in a kikhopna uh innte panin note hong hawl khia ding uh hi. Note hong that mite pen Pasianʼ nasemin a kingaihsut ding uh hun hong tung ding hi.

Marka 13:5

Jesu in amaute kiangah, “Kuamah in hong khem zawh loh nadingin na kidawm un.

Mangmuhna 2:13

Satan in a kumpi tokhom a phuhna munah a om na hih lamtak uh ka thei hi. Keima thu citakin teci a pang cinten Antipas, Satanʼ omna munah a kithah hun laitak nangawnin kei na hong upna uh na khahsuah kei uh hi.

Mangmuhna 2:10

Na thuak ding uh haksatnate kihta kei un. Dawimangpa in note pawl khat thong sungah hong khia-in hong ze-et ding hi. Gimna na thuak hun ding uh ni sawm sung bek hi ding hi. Na sih dongun kei tungah hong citak un. Tua hileh nuntakna lukhu kong pia ding hi.

Mangmuhna 1:9

Noteʼ sanggam keimah Johan in Jesu tawh kipawlna hangin note mah bangin bawlsiatna thuakin, Pasianʼ Ukna sungah omin, lungduai takin a thuak mipa ka hi hi. Pasianʼ thu le Jesuʼ hong gen thumante ka genna hangin Patmos a kici tuikulh-ah kei hong kikoih hi.

2 THESALONIKA NIHNA 1:5

Tu-a na thuaknate uh hangin Pasianʼ Ukna sungah a om dingin a kilawm mi suak na hih manun Pasianʼ thukhenna a man ahihna hong kilangsak hi.

Filippi 1:29

Bang hang hiam cih leh Khrisʼ na sep nading hunpha zong note tungah a hong kipia hi a, Khris upna tawh ama na a sem hi bek loin, thuakna tawh zong a sem ding na hi uh hi.

Sawltak 21:11

Koteʼ kiangah amah hong pai-in Paulʼ kawnggak hong laksak a, tua kawnggak tawh ama khut le a khete a gakcip khit ciangin, “Kha Siangtho in, ‘Jerusalem khua sungah hih bangin Jew mite in hih kawnggak nei pa hencip dinga, Gentail miteʼ khut sungah pia ding hi,’ ci hi,” a hong ci hi.

Sawltak 9:16

Keima hangin a thuak ding thu khempeuh zong, kei mahmah in ama tungah ka gen ding hi,” a ci hi.

Sawltak 7:54

A kikhawm uliante in Stefenʼ thugen a zak uh ciangin nakpi takin heh uh a, a ha uh gawi san uh hi.

Johan 15:20

‘Sila pen a topa sangin lian zaw lo hi,’ ci-in ka hong thugenna phawk un. Amaute in kei hong bawlsiat uh leh note zong hong bawlsia ding hi. Ka thugente hong zuih uh leh noteʼ thugente zong hong zui ding hi.

Luka 9:5

A inn uh ah a hong tunsak nop lohna khua peuhpeuh panin na paikhiat uh ciangin amaute hilhkholhna in na khe uh a leivui baangte sinsan un,” ci-in a vaikhak hi.

Marka 6:11

Na paina uh khua khatpeuh in note hong sang loin, na thuhilhna uh hong ngaih nop kei uh leh, tua khua nusia-in, na khe uh a leivui baangte sinsan un. Tua pen amaute adingin hilhkholhna ahi hi,” ci-in a vaikhak hi.

Marka 1:44

“Hih thu kuama kiangah gen kei in. Siampipa kiangah paisuak pahin amah kivelsak in. Tua ciangin na damsiangna thu mi khempeuh in a theih nadingin Moses thupiak sa bangin biakpiakna bawl in,” a ci hi.

Mattiu 5:22

Ahi zongin keʼn note kiangah kong genin ah: A sanggampa tungah a heh mi in thukhenna thuak kha thei ding hi. A sanggampa kiangah, ‘Bangmah a kimang lo,’ ci-in a ko bawl mi in uliante mai ah thusitna thuak thei dinga, a sanggampa kiangah, ‘Mihai,’ ci-in a simmawh mi in hell meikuang sungah khulna thuak thei ding hi.

Marka 13:8

Minam khat le minam khat, kumpi khat le kumpi khat kido ding uh hi. Mun tuamtuam ah zin hong liing dinga, kial zong hong tung ding hi. Hihte khempeuh pen gimna kipatna hi pan hi.

2 JOHAN NIHNA 1:8

Tua ahih ciangin na sep sa uh thuman taan kha loin, a kimtakin na ngah theih nadingun limtakin kidawm un.