Marka 13:7 - Tedim Bible Revision 2017

⁷ A gamla a gal kidona thute le a nai-a gal kidona huging na zak uh ciangin patau kei un. Tuate a piang ding mah hi a, hun beina ding hi nai lo hi.

Tedim Bible

⁷ Galdona thu leh gal kikapna thu na zak uh ciangin lunghimawh kei un. Tuate a piang ding uh hi. Ahih hangin a beina a tung nai kei ding hi.

Marka 13:7 Referans Kwoze

Johan 14:27

Note tungah keima neih bang lungnopna kong pia ding hi. Tua ka hong piak ding lungnopna pen leitung mite in a piak theih a kip lo lungnopnate pawl hi lo hi. Tua ahih manin lau kei unla, zong lungkham kei un.

Sawltak 17:3

Khris in sihna thuakin, sihna panin a thawhkik ding a kisam ahi hi, ci-in a laktel hi. Tu-a note kiangah kong pulak Khris pen Lai Siangtho sunga kigen Khris ahi hi, ci-in Paul in a gen hi.

Mattiu 18:7

“Tua bangin mi a khialsak thei ding om ahih manin leitung mite adingin a dahhuai mahmah thu ahi hi. Tua bang pen a piang tawntung ding hi a, ahi zongin tua bangin khialhna a piangsak mite adingin dahhuai pha mahmah diak hi.

Jeremiah 51:46

Gam sungah kamdawn a kigen sawnte hangin lungkia kei un; lau kei un. Kum khatin thu khat kigen a, a kum kik ciangin thudang khat kigen lel hi. Gam sungah ngongtatna thu om a, kumpi khat le kumpi khat kidona thu kigen thei hi.

Isaiah 8:12

“Hih miteʼ vaihawmna pawlpih kei un. Amauʼ kihtakte kihta kei unla, lau kei un.

Paunak 3:25

Migilote tungah huihpi bangin siatna a tun ciangin, nang na lunghihmawhna ding bangmah om lo ding hi.

Late 112:7

Amah in thusia zak ding lau lo hi. Topa muang a, ama lungsim a kip hi.

Late 27:3

Mi hon khat in keimah hong langpangin phual a sat uh hangin, ka lungsim lau lo ding hi. Keimah hong langpangin gal hong kuan hangin tua nangawn ah ka lungmuang ding hi.

2 SAMUEL NIHNA 14:14

Eite khempeuh i si dinga, a kikhawmkik thei lo leilak ah a bua tui tawh i kibang hi. Ahih hangin a hawlkhiat pa a kipuasehin a kikoih loh nadingin lampi a zong mipaʼ nuntakna Pasian in la khia lo ding hi.

Johan 14:1

Tua ciangin Jesu in a nungzuite kiangah, “Note lunghimawh kei un. Pasian um unla, kei zong hong um un.

Mattiu 2:3

Kumpi Herod in hih thu a zak ciangin lamdang sa mahmah a, Jerusalem khuami khempeuh in zong lamdang a sa ciat uh hi.

Marka 13:6

Keima min pua-in mi tampi hong pai ding uh a, ‘Keimah, Khris ka hi hi,’ ci-in mi tampi a khem zo ding uh hi.

Marka 13:8

Minam khat le minam khat, kumpi khat le kumpi khat kido ding uh hi. Mun tuamtuam ah zin hong liing dinga, kial zong hong tung ding hi. Hihte khempeuh pen gimna kipatna hi pan hi.