Marka 13:24 - Tedim Bible Revision 2017

²⁴ “Tua haksatna hun khit ciangin ni hong mial dinga, kha hong taang nawn lo ding hi.

Tedim Bible

²⁴ “Tua gimna khit ciangin ‘Ni hong mial ding a, kha a hong tang nawn kei ding hi;

Marka 13:24 Referans Kwoze

Isaiah 13:10

Bang hang hiam cih leh vantung aksite le amauʼ aksi honpite in khuavak pia khia lo ding hi. Ni a suah tung a kipan mial dinga, kha in zong khuavak taang khiasak lo ding hi.

2 PETER NIHNA 3:10

Ahi zongin theih kholh lohpi-in guta bangin Topa hong pai ding Ni hong tung ding hi. Tua Ni ciangin nakpi takin a ging in vantungte maimang sakin, vantung nate mei in kangtumin maimang dinga, leitung le a tunga om na khempeuh a mangthang ding hi.

Amos 5:20

Topaʼ ni pen khuavak ni hi loin khuamial ni hi a, maitaina a om lo lungzin ni ahi hi.

Joel 3:15

Ni le kha mial ta a, aksite zong taang nawn lo hi.

Mangmuhna 20:11

Tua ciangin tokhom kang a lian khat le a tungah a tupa ka mu hi. Ama omna panin lei le van leng khia mang a, a tunna mel uh kithei lo hi.

2 PETER NIHNA 3:12

vantungte mei in kangtumin, vantung nate sa lua-in a tui mang ding hun Pasianʼ Ni hong tun baih theih nadingin na hih theih zahun hanciam unla, na ngak un.

Joel 2:10

Amauʼ mai ah leipi liing a, vanpi nangawn liing damdam hi. Ni le kha zong mial ta a, aksite zong taang nawn lo hi.

Daniel 12:1

Tua ciangin saihadial puan a silh vantungmi in, “Na mite a cing, a lian vantungmi Mikhael hong kilang ding hi. Tua ciangin leitungah mihing a pian zawh a kipan a nasia penpen gimna hun hong tung ding hi. Tua hun a hong tun ciangin Pasianʼ laibu sungah a min a kigelh na mite khempeuh kihon khia ding hi.

Daniel 7:10

tua sung panin meikuang a hong leeng khia niloh hi. Ama nasem ding mihing tul za tampi om a, a mai ah mihing tul za sawm tampi a ding uh hi. Thukhenna ding hun kipan a, laibute a kiphen hi.

Ezekiel 32:7

Nang kong suksiat ni ciangin vanpi ka khuhcip dinga, aksi ka mialsak ding hi. Ni, meiipi ka liahsak dinga, kha, ka mialsak ding hi.

Jeremiah 4:28

Tua thu hangin leitung kap dinga, vantung mial ding hi. Bang hang hiam cih leh ka gen sa, ka khensat sa hi a, ka kisik loh bangin ka lungsim zong ka kheelkik kei ding hi,” a ci hi.

Marka 13:23

Tua ahih manin kidawm un! A hun ma-in kong gen khin hi.