Marka 13:17 - Tedim Bible Revision 2017

¹⁷ Tua laitakin nupi naupaiite le naungek neite adingin haksa mahmah ding hi.

Tedim Bible

¹⁷ Tua lai takin naupai numeite leh naungeek nei numeite in gimna a thuak ding uh hi.

Marka 13:17 Referans Kwoze

Luka 23:29

Bang hang hiam cih leh mite in, ‘Ta a nei ngei lo, naungek nawi a teepsak ngei lo numei ciingte mi hampha mahmah ahi hi,’ a cih hun hong tung ding hi.

Kah la 4:10

Ka mite a cihmawh laitakun, itna a nei nupite nangawn in, a tanote uh go-in beel sungah a huan uh hi.

Luka 21:23

Tua huna naupaiite le naungek neite adingin haksa mahmah ding hi. Hih leitungah gimna lianpi hong tung dinga, Pasian in hih mite gim a pia ding hi.

Hosea 13:16

Israel-te in a Pasian uh lehdo uh ahih manin a mawhna uh thuak ding uh hi. Gal sungah amaute si ding uh a, a naungekte uh lei kidenna dinga, a nupi naupaiite uh kikui kham ding hi, a ci hi.

Hosea 9:14

Topa aw, hih mite tungah na piak ding bang hong ngen ding ka hi hiam? Amaute tatolhsak inla, a nawizu uh kangsak in.

Mattiu 21:16

Jesu kiangah, “Hih naupangteʼ otna na za hiam?” ci-in a dong uh hi. Jesu in, “Ka za hi. Lai Siangtho sungah, ‘Naungekte le naupangteʼ kam tawh a cingtaak phatna na gensak hi,’ a cihna thu sim ngei lo na hi uh hiam?” ci-in a dawng hi.

Marka 13:16

Lo lai ah a om laitak ahi khate zong, a puan la dingin a inn uh zuan nawn kei hen.

Marka 13:18

Phalbi laitakin hih thu hong pian khak loh nadingin thu na ngen un.