Marka 13:15 - Tedim Bible Revision 2017

¹⁵ A innkhum zang ah a om laitak ahi khate zong, a kum suk ciangin a neihsate a taipih dingin a la dingin a inn sungah lut nawn kei hen.

Tedim Bible

¹⁵ Inn khum tungah omte in zong ama inn sungah sum khatpeuh la dingin kumsukin lut kei hen.

Marka 13:15 Referans Kwoze

Hebru 11:7

Noah in zong a upna hang mah tawh mailam a thupiang ding a muh theih lohpi mahin Pasianʼ thugenna na mang a, teembaw khat bawlin a innkuanpihte tawh na suakta hi. Hih bangin a gamtatna tawh leitung midangte a mawh ahihna kilangsak a, a upna hangin mihoih hihna thu Pasian kiang panin a ngah hi.

Sawltak 27:38

Mi khempeuh in an a kinek khit ciangin teembaw a zan nadingin a sunga mangbuhte a lawn khia uh hi.

Paunak 22:3

Mipilte in a lauhuai thu mu thei-in pelh uh a, mi mawkmawkte in phusuakin thuak uh hi.

JOB (Job) 2:4

Tua ciangin Satan in Topa dawngin, “Vun bek in vun mah lei zo bek, ci-in paunak a om mah bangin mi khat in ama nuntakna a hutna-in a neih khempeuh pia ngam ding hi.

Piancilna 19:26

Ahih hangin a nung a om Lotʼ zi nunghei a, amah ci khuam a suak hi.

Piancilna 19:22

Kinawh inla, tua lai ah tai in. Bang hang hiam cih leh tua lai ah nang na tun mateng keʼn bangmah ka hih thei kei hi,” a ci hi. Tua ahih ciangin tua khuapi min Zoar kici hi.

Marka 13:16

Lo lai ah a om laitak ahi khate zong, a puan la dingin a inn uh zuan nawn kei hen.