Marka 13:10 - Tedim Bible Revision 2017

¹⁰ Ahi zongin hun beina a tun ma-in mi khempeuh tungah Lungdamna Thu kihilh masa phot ding hi.

Tedim Bible

¹⁰ Lungdamna Thu a masa belin mipawl khempeuh a kihilh ding hi.

Marka 13:10 Referans Kwoze

Mattiu 24:14

Tua ciangin mi khempeuh tungah teci ahi dingin Pasianʼ hong ukna hangin a lungdamhuai thu, leitung khempeuh ah kihilh ding hi. Tua khit ciangin beina hong tung ding hi.

Kolose 1:23

Ahi zongin note in lungdamna thu na zak cil lai-un na neih uh lametna panin liing het loin, bulkip nei-in citakin na om paisuak ding uh ahi hi. Tua lungdamna thu mah keimah Paul in hilhin ka sepbel hi a, leitung mun khempeuh ah a kihilh lungdamna thu mah ahi hi.

Mangmuhna 14:6

Tua ciangin leitungah a teeng mi namkim, pau namkim a zang mite tungah a tawntungin Lungdam nading Thu gen ding a nei vantungmi khat vankim lai ah a leeng ka mu hi.

Kolose 1:6

Note in Pasian hong hehpihna thu za-in, ahi bangbangin na theih hun uh a kipanin thupha na ngah uh bangin leitung midang khempeuh tungah zong lungdamna thu in thupha tunin, leitung khempeuh ah a kizel ahi hi.

ROM (Romans) 10:18

Tua ahihleh amaute in thu za lo uh ahi hiam? Lai Siangtho sungah, “Amauʼ awgingte leitung khempeuh ah kizel a, a thugente uh in mun khempeuh a ban hi,” ci-in a kigelh mah bangin amaute in thu za khinzo uh hi.

Marka 16:15

Tua khit ciangin amaute tungah, “Leitung khempeuh ah note pai kawikawi unla, mi khempeuh tungah Lungdamna Thu na hilh ta un.

ROM (Romans) 1:8

Jesu na upna thu uh leitung mi khempeuh in gen belin nei uh ahih manin tua Jesu hangin Pasian tungah ka lungdamna thu koh belin ka nei hi.

Mattiu 12:41

Jonah in amaute kiangah thu a hilh ciangin a mawhna panun kisikkik uh ahih manin thukhen ni ciangin Nineveh khua mite in note mawhsakna thu hong gen ding uh hi. Note kiangah kong genin ah: Tu mahmah in note kiangah Jonah sangin a lian zaw khat a om hi.