Marka 12:6 - Tedim Bible Revision 2017

⁶ Tua ciangin a sawl theih ding a it mahmah a tapa khat bek om lai ahih manin, ‘Amaute in ka tapa na zahtak bawl ding uh hi,’ ci-in a nunung penin a sawl hi.

Tedim Bible

⁶ Lo neipa in a it mahmah tapa sawltak khat bek a neih, ‘Tua mite in ka tapa a zahtak ding uh hi,’ ci-in a nunung penin a sawl hi.

Marka 12:6 Referans Kwoze

Johan 1:34

Tua ahih manin hih mipa pen Pasianʼ Tapa hi, ci-in thei ka hih manin teci ka pang hi,” a ci hi.

Mattiu 3:17

Tua sung mahin vantung panin aw khat hong ging a, “Hih pen ka it mahmah ka Tapa hi a, ama tungah ka lungkim mahmah hi,” a hong ci hi.

1 JOHAN MASA 4:9

Pasian in eite hong itna hong bangci lah hiam cih leh: Ama hangin eite in nuntakna i ngah theih nadingin a Tapa neihsun Pasian in leitungah a hong paisak hi.

Hebru 1:6

Tua banah, Pasian in leitungah a Tapa neihsun hong paisak ding ciangin, “Pasianʼ vantungmi khempeuh in amah bia ding uh hi,” na ci hi.

Johan 3:35

Pa in Tapa it ahih manin ama khut sungah na khempeuh a pia hi.

Johan 1:49

Tua ciangin Nethanel in, “Sia aw, nang, Pasianʼ Tapa na hi hi. Israel miteʼ Kumpi zong na hi hi,” a cih ciangin

Johan 1:18

Kuamah in Pasian mu ngei lo hi. Pasian tawh a kinai pen, Pasian mah ahi Tapa khat bek in Pasian hong kilangsak hi.

Johan 1:14

Tua Thu mihing hong suakin kote lakah hong om a, itna nei-in citak mahmah ahih manin Pasianʼ pianzia a neihna ka mu cian uh hi. Hih pianzia pen Pasianʼ Tapa khat bek hihna tawh a neih pianzia ahi hi.

Luka 9:35

Tua ciangin meii lakah aw khat hong ging a, “Hih pa, ka Teel sa ka Tapa ahi hi; ama thu na ngai un,” a ci hi.

Luka 3:22

vakhu pumpi lim nei-in Kha Siangtho ama tungah hong kum suk hi. Tua laitakin vantung panin aw khat hong ging a, “Nang pen ka it ka Tapa na hi a, nangma tungah ka lungkim mahmah hi,” a ci hi.

Marka 9:7

Meii hong kai-in a liim in amaute hong liah a, tua meii sung panin aw khat hong gingin, “Hih pa, ka it ka Tapa ahi hi; ama thu na ngai un,” a hong ci hi.

Marka 1:11

Vantung panin aw khat hong ging a, “Nang pen ka it mahmah ka Tapa na hi a, nang tungah ka lungkim mahmah hi,” a ci hi.

Mattiu 26:63

Jesu pau loin a om hi. Tua ciangin siampi lianpen pa in, “Pasianʼ Tapa, Khris na hih leh na hih loh nong gen nadingin a nungta Pasianʼ min tawh khauh takin ka hong sawl hi,” a ci hi.

Mattiu 17:5

Tua bangin a pau laitakun meii ngo hong kaai vatin amaute hong khuh a, tua meii lak panin aw khat hong ging vatin, “Hih pa pen ka it, ka lung a kim mahmahna ka Tapa ahi hi. Ama thu na ngai un,” a hong ci hi.

Mattiu 11:27

“Ka Pa in kei tungah na khempeuh hong pia khin hi. Pa sim loh Tapa a thei kuamah om lo a, Tapa le Tapa in a theihsak nop mite sim loh, pa a thei kuamah om lo hi.

Mattiu 1:23

“Nungak khat gai-in tapa khat nei dinga, ama min dingin Emmanuel kiphuak ding hi,” ci hi. Emmanuel a khiatna in, eite tawh Pasian hong om khawm hi, a cihna ahi hi.

Isaiah 42:1

Keimah in ka huh, ka teel, ka lungkimna ka nasem pa en un. Ka kha tawh amah ka kidimsak a, amah in minam khempeuh tungah thuman tungsak ding hi.

Piancilna 37:3

Tu-in Israel in a ta dangte khat peuhpeuh sangin Josef it zaw hi. Bang hang hiam cih leh a teek khitin a neih a tapa ahi hi. Amah in ama adingin puan tualpi bansau khat a bawlsak hi.

Piancilna 22:12

Amah in, “Tangvalpa su kei in. Ama tungah bangmah hih kei in. Bang hang hiam cih leh nang in Pasian na zahtakna tu-in ka thei a, na tapa khat neihsun keima adingin na humcip lohna ka mu hi,” a ci hi.

Piancilna 22:2

Amah in, “Na it, na tapa neihsun Isaac, la inla, Moriah gamah pai in. Tua lai mun a nang kiangah kong gen ding mual khat tungah meihal biakpiakna-in amah hong pia in,” a ci hi.

Late 2:7

Topaʼ thukhenna tu-in kong gen ding hi: Amah in keima tungah, “Nang pen ka tapa na hi a, tu ni-in na Pa ka suak hi.

Piancilna 44:20

Kote in ka topa uh kiangah, ‘Kote in a teek pa khat le a teek zawhin a neih sanggam pasal moi lai khat ka nei uh hi. Ama sanggampa si a, a nuʼ tate sung pan amah bek om lai hi. A pa in amah it mahmah hi,’ kong ci uh hi.

Marka 12:5

Tua ciangin a dang khat sawl leuleu a, a na that uh hi. Tua bangin a dang tampi sawl a, pawl khat na sat gawp uh a, pawl khat na that uh hi.

Marka 12:7

Ahi zongin lo khawhlawhte in, ‘Hih pa pen a gamhluah ding pa ahi hi. Pai un; amah va that huan ni; tua hileh hih ama luah ding gamh eima aʼ suak ding hi,’ a kici uh hi.

3 JOHAN THUMNA 1:1

A khangham bel keimah Johan in Lungsim takpi tawh ka hong it ka lawm Gaias tungah lai ka hong khak hi.