Marka 12:43 - Tedim Bible Revision 2017

⁴³ Tua ciangin a nungzuite sam a, “A dangte khempeuh sangin hih mizawng meigongnu in tam khia zaw hi.

Tedim Bible

⁴³ Zeisu in a nungzuite sam a, “Ke’n aman takpi kong cih-inah, sumkholna sungah a khia mi khempeuh lak panin tua a zawng meigong in tam a khia bel hi.

Marka 12:43 Referans Kwoze

2 KORIN NIHNA 8:2

Amaute in haksatna a tuamtuam phukha-in nakpi takin ze-etna thuakin, amaute zawng mahmah hi ta se le-uh lungdam mahmah uh ahih manin piakna lamsang ah cingh thei mahmah uh hi.

Sawltak 11:29

Tua lai-a om thu um mite in amau hih zawh zah ciat hanciamin Judea gam a om thu um mite kiangah huhna a puak nading uh a vaihawm uh hi.

2 KORIN NIHNA 8:12

Piak nopna lungsim na neih nak uh leh na neih lohnate uh siksan hi loin na neihna uh tawh kizui-in na piak uh Pasian in hong sang ding hi.

Mattiu 10:42

Keima nungzui mi a neu pen khat nangawn, keima nungzui ahihna hangin tuivot hai khat bek a suahte nangawn in pel loin thaman a ngah ding lamtak phawk un,” ci-in a vaikhak hi.

Marka 12:42

A zawng meigong numei khat zong hong pai a, sumnen tang nih hong khia hi.

Marka 12:44

Bang hang hiam cih leh a dangte in a neih val a lam val sung panun a khia uh ahi hi; ahi zongin amah zawng mahmah napi-in ama kivak nading nangawn siit loin a neih khempeuh a khia khin ahi hi,” a ci hi.

Johan 8:20

Jesu in hih thute pen sumpi khiatna kuang a kikoihna biakinn dei sungah a gen hi a, ahi zongin ama hun tung nai lo ahih manin kuamah in amah man lo uh hi.