Marka 12:36 - Tedim Bible Revision 2017

³⁶ Kha Siangthoʼ sawlna tawh David mahmah in thu gen a, ‘Topa in keima Topa tungah thu gen hi: Na galte, na khe nuai ah ka koih matengin, ka tak lamah na tu in,’ ci hi.

Tedim Bible

³⁶ David in: ‘Topa in, Na galte na khe nuai-ah ka koih matengin, Ka ziat lamah na tu in, ci-in ka Topa kiangah a ci hi,’ ci-in Kha Siangtho tawh a gen hi.

Marka 12:36 Referans Kwoze

Late 110:1

Topa in ka to kumpipa tungah, “Na galte nangma khengakna-in ka bawl matengin ka tak lamah tu in,” a ci hi.

Hebru 1:13

Ahi zongin Pasian in ama vantung mite kiangah, “Na galte na khe nuai ah ka hong sikcipsak matengin ka tak lamah hong tu in,” ci ngei lo hi.

1 KORIN MASA 15:25

Bang hang hiam cih leh Pasian in a galte khempeuh zo-in a khe nuai ah a koih khit hun dong mateng Khris in uk ding hi.

Sawltak 1:16

“Lawmte aw, Jesu a mante lam a lak Judas thu, Kha Siangtho in Davidʼ kam panin a gen kholhna Lai Siangtho sung thu a tun ding kisam hi.

Nehemiah 9:30

Kum tampi sung lungduaina tawh amaute na thuak a, na kamsangte tungtawnin amaute na hilh hi. Ahi zongin amaute in ngai nuam lo uh hi. Tua ahih ciangin gamdang miteʼ khut sungah amaute na pia hi.

2 SAMUEL NIHNA 23:2

“Topaʼ kha in kei tungtawnin thu hong gen a, ka kam sungah ama thugente om hi.

2 PETER NIHNA 1:21

Bang hang hiam cih leh mihingte in a deih manin mailam thugen kholh theihna a kingah hi lo a, Kha Siangthoʼ sawlna tawh Pasianʼ kiang panin a hong pai thute a kigen ahi zaw hi.

1 PETER MASA 1:11

Khris in gimna thuakin, tua khit ciangin minthanna a ngah nading thu Kha Siangtho in a gen ciangin, amaute sungah a om tua Khrisʼ Kha Siangtho in kua a cihna hi a, bang hun ciang hi ding hiam, ci-in a kankan uh pen tu hun thu a gen ahi hi.

Hebru 4:7

“Tu ni,” cihna kammal na om lai ahih manin Pasian in nidang khat seh lai ahihna thu hong kilang hi. Lai Siangtho sungah, “Tu ni-in Pasianʼ aw na zak uh leh na lungsim uh khauhsak nawn kei un,” a cihna mun i mat khit sa mah bangin tua zawh kum tampi khit ciangin David tungtawnin thu hong genkik hi.

2 TIMOTI NIHNA 3:16

Pasianʼ na a sem mite mi cingtaak hi-in, na hoih namkim a sep theih nadingun Lai Siangtho pen Pasianʼ lamlahna tawh a hong kipia hi a, thuman thutak hilh nading, a khialte taii nading, a man lote a manin puah nading, a manin nuntak theih nading thuhilh nadingin a manpha mahmah ahi hi.

Sawltak 28:25

Tua ciangin Paul in, “Kha Siangtho in kamsang Isaiah tungtawnin na pu na pate uh tungah a thugen man mahmah hi. Tua a genna ah, ‘Pai inla, hih mite tungah hih bangin va gen in: Thu na ngaihngaih uh hangin na tel kei ding uh a, na etet uh hangin na mu kei ding uh hi. Bang hang hiam cih leh hih mite lungsim mawk a, a bil uh humcip uh a, mit sicip uh hi. Tua bang hi kei le-uh, a mit un khua mu dinga, a bil un khua za dinga, a lungsim un thu mu thei ding hi. Tua bang hileh kei lamah hong kihei ding uh a, keimah in amaute ka damsak ding hi,’ ci-in a gen hi,” a cih khit ciangin amaute khatlekhat kithutuak loin a paikhia uh hi.

Mattiu 5:35

Leitung zong kiciamna-in na zang kei un - Pasianʼ khengakna mah hi veve hi. Jerusalem khuapi zong kiciamna-in na zang kei un - Kumpi lian ahi Pasianʼ khuapi mah hi veve hi.