Marka 12:35 - Tedim Bible Revision 2017

³⁵ Jesu in biakinn sungah thu a hilh laitakin, “Bang hangin Thukham hilh siate in Khris pen Davidʼ suan hi lel hi, ci thei uh ahi hiam?

Tedim Bible

³⁵ Zeisu in biakna innpi sungah thu a hilh lai takin, “Khazih in David’ Ta ahi,’ ci-in laitheite in bangci a gen thei uh hiam?

Marka 12:35 Referans Kwoze

Mattiu 26:55

Tua ciangin Jesu in mihonte kiangah, “Gal le sa bangin hong ngaihsun a, keimah a man dingin namsau le molhtum tawh hong kuan na hi uh hiam? Nisimin biakinn sungah thu ka hilh niloh a, ahi zongin kei nong man kei uh hi.

Johan 18:20

Jesu in, “Mi khempeuhʼ theihin thu ka gen tawntung hi. Jew mihonpi a kikhopna innte le Biakinn sungah thu ka hilh a, thu ka sim genna omngei lo hi.

Johan 7:42

Khris i cih pen Davidʼ suan hi dinga, Davidʼ suahna Bethlehem khua ah suak ding hi, ci-in Lai Siangtho sungah kigelh hi lo ahi hiam?” a ci uh hi.

Luka 21:37

Tua sungteng nisimin Jesu in biakinn ah thu hilh a, nitak ciangin pai khia-in Oliv Mual tungah a giak zel hi.

Luka 20:1

Ni khat, Jesu in biakinn tual sungah mite kiangah thu hilhin, Lungdamna Thu genin a om laitakin, siampi liante, Thukham hilh siate le upate hong pai khawm uh a,

Luka 19:47

Jesu in nisimin biakinn sungah thu a hilh hi. Siampi liante, Thukham hilh siate le upate in amah that nuam uh hi;

Marka 11:27

Tua ciangin Jerusalem tungkik leuleu uh hi. Biakinn kiimah Jesu a vak kawikawi laitakin siampi liante, Thukham hilh siate le upate hong pai uh a,

Mattiu 9:27

Tua lai panin Jesu a paikhiat ciangin mittaw mi nih in a nungah hong zui-in nakpi takin kiko uh a, “Davidʼ suan Jesu aw, kote hong hehpih in,” ci-in a thum uh hi.

Marka 10:1

Tua lai panin Jesu ding khia-in Judea gam le Jordan Gun gal gam tengah a pai hi. Ama kiangah mihon tampi hong kikhawmkik uh a, a hilh ngeisa bangin amaute tungah thu a hilh hi.

Marka 14:49

Nisim nisimin biakinn sungah thuhilhin note tawh ka om khawm a, ahi zongin nong man kei uh hi. Ahi zongin hih thu pen Lai Siangtho sunga a kigelh thu a tun nading ahi hi,” a ci hi.