Marka 12:33 - Tedim Bible Revision 2017

³³ Mite in a lungsim khempeuh, a pilna khempeuh le a hatna khempeuh uh tawh Pasian itin, amau pumpi a it bangin a veengte a it ding uh ahi hi. Pasian biak nadingin biakna tau tunga gan gawhnate le biakna dang khempeuh sangin hih thukham nihte zuih ding thupi zaw takpi hi,” a ci hi.

Tedim Bible

³³ Tua Pasian lungsim khempeuh tawh it a, ama pumpi a it bangin a lawmte zong a it ding in, a pum mei a khul biakna leh sagawh biakna sangin a pha zaw hi,” ci-in a gen hi.

Marka 12:33 Referans Kwoze

Hosea 6:6

Keima deih pen nong it tawntung ding uh hizaw a, gan tawh nong biakna uh ka deih pen hi lo zaw hi. Gan tawh nong biakna uh sangin kei nong theih ding uh ka deih zaw hi.

1 SAMUEL MASA 15:22

Tua ciangin Samuel in, “Topa in meihal biaknate le biakpiaknate Topaʼ thu man ding zahin deih ahi hiam? En in, biakpiakna sangin thu man ding hoih zaw a, tuutal thaute sangin thu ngaih ding hoih zaw hi.

Mattiu 12:7

Lai Siangtho sungah, ‘Ganhing tawh biak ding ka deih kei a, migitna ka deih zaw hi,’ a cihnopna thu teltakin thei le-uhcin a mawh lopi kimlai na mawhsak kei ding uh hi.

Mattiu 9:13

Lai Siangtho sungah, ‘Ganhing tawh biak ding ka deih kei a, migitna ka deih zaw hi,’ ci-in a genna pen bang a cihnopna ahi hiam, va kan un. Mite in a zahtak mihoihte a sam dingin a hong pai ka hi kei a, mite in a pampaih mite a sam dingin a hong pai ka hi hi,” a ci hi.

Late 50:23

Biakpiak nadingin lungdam piakna hong paipih mi in kei a hong pahtawi ahi hi. Ka thu a mang mite khempeuh ka hon khia ding hi,” a ci hi.

Hebru 10:8

“Ganhing le khawh sa tawh biakna na deih kei a, meihal tawh biakna le mawhmaisak nadingin biaknate tawh na lungkim kei hi,” a cih ciangin hih biakpiaknate khempeuh Thukham tawh kizui-in hih bangin kam na pau veve lai a,

Paunak 21:3

Topa in biakpiakna sangin thuman thutang deih zaw hi.

Thu-hilhkikna 6:5

Topa noteʼ Pasian, na lungsim khempeuh uh, na nuntakna khempeuh uh le na thahatna khempeuh uh tawh na it ding uh hi.