Marka 12:32 - Tedim Bible Revision 2017

³² Tua ciangin Thukham hilh siapa in, “Sia aw, na gen mah bangin hi ka sa mahmah hi. Topa bek mah Pasian hi a, amah sim loh pasian dang kuamah om lo hi.

Tedim Bible

³² Laitheipa in, “Topa aw, Pasian khat bek hi a, tua Pasian sim loh adang Pasian a om kei hi cih thu na gen in ahi takpi hi.

Marka 12:32 Referans Kwoze

Thu-hilhkikna 4:39

Tua ahih ciangin tunga om vantung hitaleh nuai-a om leitung hitaleh Topa pen Pasian ahihna thu tu ni-in thei unla, na lungsim uh ah ciamteh un; kuamah dang om lo hi.

Marka 12:29

Jesu in, “Thukham a lian pen in: Israel mite aw, ngai un: I Topa Pasian bek mah Topa ahi hi.

Isaiah 46:9

Hun lui thute phawk un; bang hang hiam cih leh kei pen Pasian ka hi a, a dang om lo hi. Kei pen Pasian ka hi a, kei tawh a kibang a dang om lo hi.

Isaiah 45:18

Vantungte a piangsak pa (amah Pasian!) Leitung piangsakin a bawl pa (a kipsak pa; a awngthawl dingin bawl loin, ten nadingin leitung a piangsak pa!) Topa in hih bangin ci hi: “Kei pen Topa ka hi a, kuamah dang om lo hi.

Isaiah 45:14

Topa in Israel tungah, “Egyptʼ hauhna le Ethiopia sumbuk vante le a tun a sang Seba mite nangma kiangah hong pai-in nangma aʼ hong hi ding uh a, amaute in nang hong zui ding uh hi. Amaute sikkhau kibulh sa-in hong pai ding uh a, nangma kiangah hong kun ding uh hi. Amaute in nangma kiangah thumna hong bawl ding uh a, ‘Nangmah bek tawh Pasian om khawm a, kuamah dang om loin, amah sim loh pasian dang om lo hi,’ hong ci ding uh hi.

Isaiah 44:8

Lau kei unla, kihta kei un. Tanglai pek panin note kiangah hong genin hong pulak khin hi lo ka hi hiam? Note khempeuh keima teci na hi uh hi. Kei sim loh pasian dang om ahi hiam? Suangpi dang om lo hi. Khat beek ka thei kei hi,” a ci hi.

Thu-hilhkikna 6:4

“Israel-te aw, za un: Topa i Pasian, Topa khat bek ahi hi.

Thu-hilhkikna 4:35

Topa Pasian hi, ci-in na theih nadingun noteʼ tungah hih thu hong kilak hi a, amah sim loh kuamah dang om lo hi.

Thu-hilhkikna 5:7

“‘Keimah longal pasian dang na nei kei ding uh hi.

Marka 12:33

Mite in a lungsim khempeuh, a pilna khempeuh le a hatna khempeuh uh tawh Pasian itin, amau pumpi a it bangin a veengte a it ding uh ahi hi. Pasian biak nadingin biakna tau tunga gan gawhnate le biakna dang khempeuh sangin hih thukham nihte zuih ding thupi zaw takpi hi,” a ci hi.