Marka 12:17 - Tedim Bible Revision 2017

¹⁷ Tua ciangin Jesu in, “Tua ahihleh, Sisarʼ neihsate Sisarʼ tungah pia unla, Pasianʼ neihsate Pasianʼ tungah pia un,” a ci hi. Tua ama thudawnna hangin lamdang a sa mahmah uh hi.

Tedim Bible

¹⁷ Zeisu in, “Kaisar kumpipa’ sum, Kaisar kumpipa na pia un. Pasian’ sum, Pasian na pia un,” a ci hi. Amaute in amah lamdang a sa uh hi.

Marka 12:17 Referans Kwoze

ROM (Romans) 13:7

Tua ahih manin phiangsiah piak dingte tungah pia-in, mangmu piak dingte tungah pia-in, zahtak dingte zahtak bawlin, pahtawi dingte pahtawi ta un.

1 PETER MASA 2:17

Mi khempeuh zahtak bawlin thu up pih mite na it unla, Pasian zahtak bawlin kumpipa zong na zahtak un.

ROM (Romans) 6:13

Mawhna gamtat nadingin na pumpi nate uh khat beek na zang nawn kei ding uh hi. Note pen misi hi napi-in a kihingkiksak mite bang na hih manun, a hoihin a hong zat theih nadingin na pumpi bup uh Pasianʼ tungah na pia zaw ding uh hi.

Paunak 24:21

Ka ta aw, Topa le kumpipa zahtak khawm inla, amau a langpangte tawh kipawl kha kei in.

ROM (Romans) 12:1

Tua ahih ciangin sanggamte aw, Pasian in eite tam veipi tak hong hehpih ahih manin ama lungkim nading le ama nasep nadingin nomau mahmah a hingtangin Pasian tungah na kipiak nadingun kong thum hi. Tua banga kipiakna pen Pasian biakna man taktak ahi hi.

Mattiu 22:46

Kuamah in ama thudotna kam khat beek dawng thei lo uh hi. Tua hun a kipanin kuamah in Jesu kiangah thu a dong ngam nawn kei uh hi.

Mattiu 22:22

Amaute in hih thu a zak uh ciangin lamdang sa mahmah uh a, ama kiang panin a paikhia uh hi.

Malakhi 1:6

Vanglian Topa in siampite tungah hih bangin hong ci hi: “Tapa in a pa zahtak a, nasem pa in a topa kihta hi. Kei pen na pa uh hi napi, bang hangin hong zahtak lo a, na topa uh hi napi, bang hangin hong kihta lo na hi uh hiam? No siampite in kei hong simmawh napi-in, ‘Bang hong ci simmawh ka hi uh hiam?’ na cilai uh hi.

Marka 12:30

Na Topa Pasian uh, na lungsim khempeuh, na nuntakna khempeuh, na pilna khempeuh le na thahatna khempeuh uh tawh na it un, a cihna ahi hi.

Mattiu 22:33

Mihonte in hih thu a zak uh ciangin ama thuhilhna hangin lamdang a sa uh hi.

Paunak 23:26

Ka ta aw, ka thugente ciamteh inla, keima gamtat bangin nang zong gamta in.

Mattiu 8:10

Jesu in hih bupa thugen a zak ciangin lamdang sa a, amah a zui mihonte kiangah, “A mantak a kong genin ah Israel mite lak nangawn ah hih bang upna a nei ka mu nai kei hi.

Mattiu 22:21

amaute in, “Sisarʼ lim le a min kigelh hi,” a ci uh hi. Tua ciangin Jesu in amaute kiangah, “Sisarʼ nate Sisarʼ tungah na pia unla, Pasianʼ nate Pasianʼ tungah na pia un,” a ci hi.

Marka 12:16

Amaute in zong dangka peek khat hong paipih uh a, tua ciangin Jesu in, “Hih dangka tunga om kuaʼ lim hi a, kuaʼ min ahi hiam?” ci-in a dot ciangin, “Rom Kumpipa Sisarʼ lim le a min ahi hi,” ci-in a dawng uh hi.

Luka 20:25

Tua ciangin Jesu in, “Tua ahihleh, Kumpipa aʼ teng Kumpipa tungah na pia unla, Pasian aʼ teng Pasianʼ tungah na pia un,” a ci hi.