Marka 12:15 - Tedim Bible Revision 2017

¹⁵ Pia ding ihi hiam, pia lo ding ihi hiam?” ci-in a dong uh hi. Ahi zongin Jesu in amau lungsim tawng thei ahih manin, “Bang hangin kei hong thangsiah se na hi uh hiam? Ka et dingin dangka peek khat hong la dih un,” a ci hi.

Tedim Bible

¹⁵ Ka pia ding uh hiam, ka pia kei ding uh hiam?” ci-in a dong uh hi. Zeisu in amaute’ simtatna a theih ciangin, “Bang hangin kei hong ze-et na hi uh hiam? Denarias peek khat ka et dingin hong paipih un,” a ci hi.

Marka 12:15 Referans Kwoze

Mangmuhna 2:23

Tua numeiʼ thu a zui mi khempeuh ka that ding hi. Tua hileh, mihingteʼ ngaihsutna le lungsim a kantel pa ka hihna thu pawlpi khempeuh in thei ding uh hi. Noteʼ gamtatna ciat tawh kizui-in ka hong thukkik ding hi.

Hebru 4:13

Pasianʼ mai ah seelcip theih ding bangmah om lo hi. Eite khempeuh i din nading paʼ mai ah a kipiangsak na khempeuh a kiliah a ki-im thei om loin kimu sinsen hi.

1 KORIN MASA 10:9

Amaute pawl khat bangin Topa i ze-et kei ding hi. Gul in amaute na tu lum hi.

Sawltak 5:9

Tua ciangin Peter in tua nu kiangah, “Bang dingin na nupa-un Topaʼ Kha Siangtho ze-et ding thukim khawm na hi uh hiam? En in, na pasal a vuite kongkhak gei mahmah ah om uh a, nang zong hong pua khia ding uh hi,” a ci hi.

Johan 21:17

Jesu in a thum veina dong leuleu a, “Johanʼ tapa Simon aw, kei na hong it hiam?” a cih ciangin, “Kei na hong it hiam?” ci-in thum vei tak a dotna hangin Peter zong a dah suak hi. Tua ahih manin, “Topa aw, nangmah in na khempeuh na thei a, nangmah ka hong itna thu zong na thei hi,” ci-in a dawn ciangin Jesu in, “Ka tuute na kem in.

Luka 20:23

Ahi zongin Jesu in amauʼ ngianbawlna thei ahih manin,

Marka 10:2

Farisi mi pawl khat hong pai uh a, amah a mawhsak theih nading uh a deihna-in, “Mi khat in a zi a ma thei ding mah ahi hiam?” ci-in a dong uh hi.

Mattiu 22:18

Ahi zongin Jesu in amauʼ gitloh geelna thei ahih manin, “Mihoih a kineihkhem mite aw, bang hangin kei hong thangsiah se na hi uh hiam?

Ezekiel 17:2

“Mihing ahi Ezekiel aw, Israel mite kiangah thu gentehna khat gen inla,

Mattiu 20:2

Ni tha ngeina ngun peek khat piak dingin a kithukim khit uh ciangin a leenggah lo ah na a sem dingin pawl khat a kuansak hi.

Marka 12:14

Amaute in, “Sia aw, nangmah in thutang genin, midangteʼ pau ding phamawh na sak lohna, ulianteʼ maitang zahtak tuan loin, Pasian in mite a gamtat dingin a deihna thute tangtakin na hilhna ka thei uh hi. Tua ahih manin Rom Kumpipa Sisar tungah siah i piak ding kilawm ahi hiam, kilawm lo ahi hiam?

Marka 12:16

Amaute in zong dangka peek khat hong paipih uh a, tua ciangin Jesu in, “Hih dangka tunga om kuaʼ lim hi a, kuaʼ min ahi hiam?” ci-in a dot ciangin, “Rom Kumpipa Sisarʼ lim le a min ahi hi,” ci-in a dawng uh hi.

Johan 8:6

Hih bangin a dot uh ciangin Jesu a mawhsak theih nadingun a thangsiahna uh ahi hi. Jesu zong kun suk a, a khutme tawh leilak a gelh hi.