Marka 12:12 - Tedim Bible Revision 2017

¹² Hih thu gentehna pen amaute a cihnopna a a gen ahih lam Jew makaite in thei uh ahih manin Jesu a kimat theih nading a hanciam uh hi. Ahi zongin mihonpite kihta uh ahih manin Jesu bangmah cih loin a paisan uh hi.

Tedim Bible

¹² Amaute in amah mat nading a zon’ uh hangin mihonpi a kihta uh hi. Bang hang hiam i cih leh, amau a cihna a gen ahih lam a thei uh hi. Tua lai takin amah nusia-in a paikhia uh hi.

Marka 12:12 Referans Kwoze

Marka 11:18

Siampi liante le Thukham hilh siate in hih thu a zak uh ciangin Jesu a thah theih nading uh lampi a zong uh hi. Ahi zongin mihonpi in ama thuhilhna lamdang sa uh ahih manin amaute in Jesu a kihta uh hi.

Johan 7:44

Mi pawl khat in Jesu man nuam uh hi; ahi zongin kuamah in su ngam lo hi.

Johan 7:30

Tua ciangin amaute in Jesu mat ding hanciam uh hi; ahi zongin ama hun tung nai lo ahih manin kuamah in va su lo hi.

Johan 7:25

Jerusalem khuami pawl khat in, “Thah dingin a sawm pa uh hih pa hi lo ahi hiam?

Marka 11:32

“Mihingteʼ tung pan hi,” cih ding lah, mi khempeuh in Johan pen kamsang taktakin ngaihsun uh ahih manin mite i kihta zel hi, a ci uh hi.

Mattiu 22:22

Amaute in hih thu a zak uh ciangin lamdang sa mahmah uh a, ama kiang panin a paikhia uh hi.

Luka 20:19

Jesu in hih thu gentehna a gen pen amaute a cihnopna hi, ci-in Thukham hilh siate le siampi liante in thei uh ahih manin Jesu man pah nuam uh hi; ahi zongin mihonte kihta uh ahih manin man pah ngam lo uh hi.

Luka 20:6

“Mihing tung panin a ngah hi,” ci leuleu lehang, Johan pen kamsang taktak hi, ci-in mi khempeuh in um uh ahih manin suang tawh hong deng lum ding uh hi, a kici uh hi.

Mattiu 21:26

Ahi zongin, “Mihingte kiang pan hi,” ci leuleu lehang, mi khempeuh in Johan pen kamsang hi, ci-in ngaihsun uh ahih manin mihonte i kihta zel hi, kici uh hi.