Marka 12:11 - Tedim Bible Revision 2017

¹¹ Hih thu Topaʼ bawl hi a, i muh ciangin lamdang i sa hi,’ ci-in Lai Siangtho sungah a kigelh sim ngei lo na hi uh hiam?” a ci hi.

Tedim Bible

¹¹ Tua thu Pasian in bawl a, Eite mai-ah a lamdang hi,” a cihna thu Lai Siangtho sungah a om note in khatvei beek sim ngeilo na hi uh hiam?” ci-in a gen hi.

Marka 12:11 Referans Kwoze

Late 118:23

Hih pen Topaʼ nasepna hi a, eiteʼ mitah lamdang hi.

Habakkuk 1:5

Tua ciangin Topa in a mite kiangah thu gen a, “No, a thuman lo ka minamte aw, na kiim uh a a om minam dangte en dih un; lamdang na sa mahmah ding uh hi. Note kiangah thu hong kigen ciangin na up zawh het loh ding uh thu lamdang khat tu-in a bawl ding ka hi hi.

1 TIMOTI MASA 3:16

I biakna pen a thuthuk a thu lian taktak ahihna thu hih bangin i thei hi: Mihing lim pua-in amah hong kilang a, a man taktak ahihna thu Kha Siangtho in kilangsak a, vantung mite in a mu uh hi. Mi khempeuh tungah ama thu kihilh a, mun khempeuh ah ama thu ki-umin, vantungah amah kila to hi.

Kolose 1:27

Pasian in mi khempeuh adingin a koihcing hih a thupi a deihhuai a thusim pen ama mite tungah pholak ding a sawm ahi hi. Tua thusim in: Khris tawh a kipawlte in Pasian tawh minthanna ngahkhawm ding hi, cihna ahi hi.

Sawltak 2:12

Amaute in lamdang sa-in lungmang mahmah uh a, “A bangci thu ahi hiam?” ci-in khatlekhat a kidong uh hi.

Gamlak-vakna 23:23

Bang hang hiam cih leh Jakob mite a kibum nading om lo a, Israel miteʼ lang khat ah ai san ding om lo hi. Tu-in Israel-te tawh kisai-in, ‘Pasianʼ sepna en un,’ kici ding hi.

Piancilna 24:50

Tua ciangin Laban le Bethuel in dawng a, “Hih thu pen Topaʼ kiang panin hong pai thu ahi hi. A sia ahi zongin a pha ahi zongin nang tungah kong gen ding uh thu dang om lo hi.

Late 118:22

Innlamte in a nilkhiat suang pen innkiu suang bulpi suak khinta hi.

Mattiu 21:42

Jesu in amaute kiangah, “Lai Siangtho sungah, ‘Innlamte in a nilkhiat suang pen innkiu suang bulpi suak khinta hi. Hih pen Topaʼ bawl hi a, i muh ciangin lamdang i sa hi,’ ci-in a kigelhna sim ngei lo na hi uh hiam?