Marka 11:4 - Tedim Bible Revision 2017

⁴ Amau tegel zong pai pah uh a, kongzing a kong gei khat ah la no a kikhih khat mu uh ahih manin a khau a sut pah uh hi.

Tedim Bible

⁴ Amaute pai uh a, lampi ah inn kongkhak mai-ah lano khat kikhihsa a muh uh ciangin a khau a sut uh hi.

Marka 11:4 Referans Kwoze

Hebru 11:8

Pasian in ama tungah piak dingin a ciam leitang ah Abraham a pai dingin a sap lai-in Abraham in Pasianʼ sapna a manna pen a upna hang mah ahi hi. A pai nading mun nangawn thei lopi-in a gam le a lei nusia-in a ding khia hi.

Johan 2:5

Ahi zongin Jesuʼ nu in nasemte kiangah, “Ama hong gen bangbangin gamta un,” a ci hi.

Mattiu 26:19

Nungzuite zong Jesu gen bangin gamta uh a, Paisan Pawi an ding a bawl uh hi.

Mattiu 21:2

“Mai-a a om khua ah va pai un. Na tun uh ciangin la nuta khau a kikhih na mu ding uh hi. Hong sut unla hong kai un.

Marka 11:3

Mi khatpeuh in, ‘Bang hangin tua la khau sut na hi uh hiam?’ hong cih leh, ‘Topa in deih hi; hih lai mahah kong kaikik pah ding uh hi,’ ci-in gen un,” a ci hi.

Marka 11:5

Tua kiim a om mite in, “Bang hangin tua la no khau sut na hi uh hiam?” ci-in a dot uh ciangin,