Marka 11:32 - Tedim Bible Revision 2017

³² “Mihingteʼ tung pan hi,” cih ding lah, mi khempeuh in Johan pen kamsang taktakin ngaihsun uh ahih manin mite i kihta zel hi, a ci uh hi.

Tedim Bible

³² ‘Mi tung pan hong piang,’ ci leeng mite i kihta hi. Bang hang hiam i cih leh, mi khempeuh in Johan pen kamsangpa a sa uh hi,” ci-in khat leh khat a kikum uh hi.

Marka 11:32 Referans Kwoze

Marka 12:12

Hih thu gentehna pen amaute a cihnopna a a gen ahih lam Jew makaite in thei uh ahih manin Jesu a kimat theih nading a hanciam uh hi. Ahi zongin mihonpite kihta uh ahih manin Jesu bangmah cih loin a paisan uh hi.

Mattiu 21:46

Jesu a man dingin kithawi uh a, ahi zongin mihonte in kamsang khatin ngaihsun uh ahih manin mihonte a kihtak manun a man ngam kei uh hi.

Mattiu 14:5

Herod in Johan that nuam hi. Ahi zongin mite in kamsangin ngaihsun uh ahih manin mite a kihtakna hangin thatsak ngam lo hi.

Sawltak 5:26

Tua ciangin biakinn ukpa le a mite va pai-in sawltakte hong paipihkik uh hi. Mihonte in suang tawh amaute a den gawp khak ding lau uh ahih manin sawltakte ngongbawl loin thudam tawh a paipih uh hi.

Johan 10:41

Ama kiangah mi tampi tak hong kikhawm uh a, “Johan in nalamdang bangmah bawl lo hi. Ahi zongin Johan in hih mipa thu a gen khempeuh a vekpi-in mankim hi,” a ci uh hi.

Luka 22:2

Siampi liante le Thukham hilh siate in mihonpite kihta uh ahih manin kuama theih lohin Jesu a kithah theih nading lampi a zong uh hi.

Luka 20:19

Jesu in hih thu gentehna a gen pen amaute a cihnopna hi, ci-in Thukham hilh siate le siampi liante in thei uh ahih manin Jesu man pah nuam uh hi; ahi zongin mihonte kihta uh ahih manin man pah ngam lo uh hi.

Marka 6:20

Bang hang hiam cih leh Johan pen a thuman mihoih khat hi, ci-in Herod in ngaihsun ahih manin amah zahtakin siatna a thuak nading panin hu hi. Ama thugente in a lungsim nuam losak hi; ahi zongin a thugen za nuam veve hi.

Mattiu 11:9

Tua ahih kei leh bang a en dingin pai na hi uh hiam? Kamsang pa a en ding maw? Hi hi; kamsang pa a en dingin na pai uh a, tua na muhpa uh kamsang mawkmawk ciang bek hi loin a lian zaw khat ahi hi.

Marka 11:31

Tua ciangin amaute khatlekhat kikum uh a, “Pasian kiang pan hi,” ci lehang, “Tua ahihleh bang hangin Johanʼ thu um lo na hi uh hiam?” hong ci dinga,

Marka 11:33

Tua ahih ciangin, “Ka thei kei uh hi,” ci-in a dawng uh hi. Jesu in zong, “Hih nate kua thu tawh ka bawl cih thu kei zong kong gen kei ding hi,” a ci hi.