Marka 11:23 - Tedim Bible Revision 2017

²³ Upna na neih nak uh leh hih mual kiangah, ‘Na omna panin pai khia-in tuipi sung kidenna in,’ ci le-uhcin, na lungsim sung uh ah uplahna om loin na gen bangun piang taktak ding hi, ci-in na up nak uh leh, na cih bangun hong piang ding hi.

Tedim Bible

²³ Ke’n aman takpi kong cih-inah, mi khatpeuh mah in a lungsim sungah um khial lo a, ama cih bangin piang ding, ci-in a up leh, hih mual kiangah, ‘Na omna pan na khinkhia in la, tuipi sung kiden’na in,’ a cih leh, a cih mah bangin a piang ding hi.

Marka 11:23 Referans Kwoze

Mattiu 17:20

Jesu in, “Na upna uh a cingtaak lohna hang ahi hi. Ahi taktakin note kiangah kong genin ah: Ankam tang cia bang upna na neih nak uh leh, hih mual kiangah, ‘Hih lai panin hua lai ah kin in,’ ci le-uhcin kin khia ding hi. Na hih theih loh uh khat zong om lo ding hi.

Johan 15:7

Kei tawh na hong kizop uh a, note sungah ka thu a om nakleh na deih peuhpeuh uh hong ngen le-uhcin hong kipia ding hi.

Mattiu 21:21

Jesu in, “Note kiangah a mantak a kong genin ah: Note in uplahna nei het loin, upna taktak na neih nak uh leh hih theikung tungah a piang bang na hih theih uh banah, hih mual kiang nangawn ah, ‘Na omna pan pai khia-in tuipi sung kidenna in,’ ci le-uhcin na cih bangun piang ding hi.

Late 37:4

Topa sungah lungkim in; amah in na deihna hong pia ding hi.

Johan 14:13

Tapaʼ hangin Pasianʼ pianzia a kilat theih nadingin keima min paulamin na hong nget khempeuh uh kong pia ding hi.

Luka 17:6

Topa in, “Ankam tang cia a pha upna nei le-uhcin, hih nailung kung kiangah, ‘Kizunglot inla tuipi sungah va po in,’ ci le-uhcin na cih bangun piang zo ding hi.

1 KORIN MASA 13:2

Thuhilh siamna nei-in, thusim khempeuh thei-in, na khempeuh thei-in, mualte kinsak zawh nading upna ka neih hangin itna ka neih kei leh ka kimanna bangmah om lo hi.

Mattiu 14:13

Jesu in tua thu a zak ciangin tua mun panin kihem khia-in gamdaihna mun a zuan dingin gunkuang tawh a pai hi. Mite in ama pai khiatna thu a theih uh ciangin a khua ciat panun lei lam tawnin Jesu nung hong zui uh hi.