Marka 10:49 - Tedim Bible Revision 2017

⁴⁹ Tua ciangin Jesu khawlin a nungzuite kiangah, “Va sam un,” a ci hi. Amaute in mittaw pa samin ama kiangah, “Na lung nuamsak in; ding in; amah in nang a hong sam hi,” a ci uh hi.

Tedim Bible

⁴⁹ Zeisu ding-in, “Tua pa vasam un,” a ci hi. Amaute in mittawpa sam uh a, “Nuam in la, tho in, nang hong sam hi,” a ci uh hi.

Marka 10:49 Referans Kwoze

Luka 18:40

Tua ahih manin Jesu zong khawl a, ama kiangah mittaw pa a kipaipih nadingin thu a pia hi. A gei nai hong tun ciangin Jesu in,

Johan 11:28

Tua khit ciangin Martha a inn ah va tai-in a naunu Mary va huausim a, “Siapa hong pai a, nang hong sam hi,” a ci hi.

Hebru 2:17

Tua ahih manin mihingteʼ mawhna a kimaisak theih nadingin Pasianʼ na a sepna ah mite adingin hehpihna le cihtakna tawh Siampi Lianpen a suah theih nadingin a sanggamte tawh a kibangin mihing lim a hong puak ding a kisam ahi hi.

Late 145:8

Topa dikin hehpihna nei a, heh hak mahmah in itna kip lianpi a nei hi.

Late 86:15

Ahih hangin Topa aw, nang pen a hehpih thei, a dik Pasian na hi a, heh hak mahmah in, itna kip le thumanna tawh a kidim na hi hi.

Hebru 4:15

Eiteʼ neih Siampi Lianpen pa in i ginat lohna ah eite a hong hehpih thei lo ding hi lo hi; eite mah bangin ze-etna khempeuh a thuak hi a, ahi zongin mawhna a bawl lo ahi hi.

Mattiu 9:2

Mi pawl khat in khutlekhe zaw mi khat, a lupna pheek tawh hong pua-in Jesu kiang a hong tunpih uh hi. Jesu in amauteʼ upna a muh ciangin a cina mipa kiangah, “Ka ta aw, na lungsim kinuamsak in; na mawhna hong kimaisak khinta hi,” a ci hi.

Marka 10:50

Amah in zong a puan lawn khia a, ding to pahin Jesu kiangah a pai hi.