Marka 10:44 - Tedim Bible Revision 2017

⁴⁴ a makai ahi nuam khat peuhpeuh, a dangte khempeuhʼ sila hi ding hi.

Tedim Bible

⁴⁴ Note lakah makai a suak nuamte in note sila suak uh hen.

Marka 10:44 Referans Kwoze

Mattiu 5:40

Mi khatpeuh in na puan sungsilh a ngah nop manin zumah hong khia-in hong laksak leh na puan tungsilh zong na pia thuah lai in.

Marka 9:35

Tua ciangin Jesu tu a, a kiangah nungzui sawm le nihte samin, “Mi khat peuhpeuh a lian pen a suahnop leh a neu pen suak photin mi khempeuhʼ nasem hi masa ding hi,” a ci hi.

Marka 10:43

Ahi zongin note lakah tua bangin hi lo ding hi. Note lakah a lian nuam khat peuhpeuh, a dangte khempeuhʼ nasem hi dinga,

Marka 10:45

Bang hang hiam cih leh Mihing Tapa zong, midangte ama na a semsak dingin a hong pai hi lo hi. Midangteʼ na a sem ding le mi tampi a tatkhiat nading ama nuntakna a pia dingin a hong pai ahi zaw hi,” a ci hi.

Filippi 2:7

Amah kiniamkhiat tawm zaw a, nasem lim a hong pua zaw hi. Mihing bangin amah hong kibawl a, mihing teekteek mah a hong sun hi.