Marka 10:30 - Tedim Bible Revision 2017

³⁰ tu khang hunin a zah za khat innte, sanggam pasalte, sanggam numeite, nute, tate, leitangte ngah ding uh a, bawlsiatna zong ngah ding uh hi. Hong tung ding hunah zong nuntak tawntungna ngah lai ding uh hi.

Tedim Bible

³⁰ a lo a nusiat leh, tu lai takin a zah zakhat innte, sanggampate, sanggamnute, nute, pate, tate, lote, bawlsiatna tawh ngah a, nung ciangin hong piang ding hunah nuntak tawntungna ngah lo ding kuamah a om kei hi.

Marka 10:30 Referans Kwoze

Filippi 3:8

Hih bang nate bek hi loin, ka Topa Jesu Khris ka theihna manpha zaw lua sa ka hih manin na dang khempeuh ka sum ngam zaw lai hi. Khris hangin na dang khempeuh ka nusia khin a, Khris tawh ka kipawl theih nadingin na dang khempeuh ninneng bang lelin ka ngaihsun hi.

Luka 18:30

tuhunin a zah tampi le hong tung ding hunah nuntak tawntungna a ngah lo ding kuamah om lo hi,” a ci hi.

2 KORIN NIHNA 6:10

Dahna ka thuak uh hangin ka lungdam uh a, kote a zawng tawh kibang napi-in mi tampi ka hausak uh a, bangmah a nei het lo tawh kibang napi-in a taktakin ka neih loh uh bangmah om lo hi.

Jeim 1:12

A hoih takpi mah hiam, ci-in sinna a thuak ciangin a nang zote a hampha mahmah ahi hi. Tua bangin a nang zote in, amah a itte tungah Pasian in a piak dingin a ciam nuntakna lukhu a ngah ding uh hi.

Malakhi 3:10

Ka biakinn ah an a om theih nadingin sawm-ah-khat a kimin hong paipih un. Kei hong ze-et un; vantung kongkhakte hongin, note adingin na hoih tampi kong piakna na mu ding uh hi.

Jeim 5:11

Tua bangin a thuak mite a hampha mahmah hi, i ci hi. Job in a thuakna ah a lungduaina na thei uh a, Topa in dikna le hehpihna nei ahih manin a tawpna ah Job tungah a piak thuphate na thei uh hi.

Paunak 16:16

Kham sangin pilna hoih zaw a, ngun sangin thutheihna deihhuai zaw hi.

Mangmuhna 3:18

Tua ahih manin na hauh theih nadingun kei kiang panin kham citak hong lei-in a zumhuaipi-in guaktang a na omna uh na kisel nadingun puan pak hong lei unla, khua na muh theih nadingun mit zatui hong lei un.

1 TIMOTI MASA 6:6

Pasian biakna hangin a neihsa teng tawh a lungkim mite pen biakna in mihau a suaksak takpi mah ahi hi.

Sawltak 5:41

Uliante omna panin sawltakte paikhia uh a, Jesuʼ hangin mindaina a thuak dingin Pasian in kilawm hong sa hi, ci-in ngaihsun uh ahih manin a lungdam mahmah uh hi.

2 KHANG TANGTHU NIHNATE 25:9

Tua ciangin Amaziah in Pasianʼ mipa kiangah, “Ahi ta zongin Israel galkapte tungah ka piak sa talen za khat thu bang cih ding ihi hiam?” a ci hi. Pasianʼ mipa in dawngin, “Topa in hih sangin nakpi takin a tam zaw hong pia thei hi,” a ci hi.

1 JOHAN MASA 3:1

Pa Pasian in eite bangzah takin hong itna thu thei un. Ama hong itna lian mahmah ahih manin eite pen Pasianʼ tate hong kici a, hong kicih mah bang ihi takpi hi. Leitung mite in tu hun ciang dong Pasian thei lo uh ahih manin eite zong a hong thei lo uh ahi hi.

2 THESALONIKA NIHNA 2:16

I Topa Jesu Khris mahmah leh, eite hong itin, a hong hehpihna tawh thakhauhna le lametna a hong pia tawntung eiteʼ Pa Pasian in

ROM (Romans) 6:23

Bang hang hiam cih leh mawhna in thaman hong piak pen sihna hi a, ahi zongin i Topa Jesu tawh i kipawl manin Pasianʼ hong piakkhong pen nuntak tawntungna ahi hi.

ROM (Romans) 5:3

Haksatna i thuak laitak nangawnin i lungdam veve hi. Bang hang hiam cih leh haksatna in thuak zawh hatna piangsak a,

Sawltak 16:25

Zankim laitakin Paul le Silas in Pasian kiangah thu ngenin la sa uh a, thong kia dangte in amauʼ thungetna le lasaknate a ngai uh hi.

Johan 10:23

Biakinn huang sung Solomonʼ Talap a kici sungah Jesu vak kawikawi-in a om laitakin

Mattiu 12:32

Mihing Tapa langpangin a gensiate a mawhna uh kimaisak thei dinga, ahi zongin Kha Siangtho langpangin a gensiate pen tu hun a kipan a tawntungin a mawhna uh kimaisak lo ding hi.

Mattiu 6:33

Thudang khempeuh sangin Pasianʼ ukna le ama deihna na zuih theih nading uh thupi ngaihsut masa zaw un. Tua hileh hih na kisapna dangte khempeuh uh zong hong pia thuah veve ding hi.

Mangmuhna 2:9

Na lungkhamnate uh le na zawnnate uh ka thei hi. A taktakin note a hau na hi uh hi. Jew mi hi lo napi-in Jew mi ka hi uh hi, ci-in note a hong gensiatnate uh ka thei hi. Tua bang mite pen Satanʼ pawlte ahi uh hi.

Late 84:11

Bang hang hiam cih leh Topa Pasian pen eite a hong hupa a minthang i kumpi hi a, maipha le pahtawina a hong pia pa ahi hi. Thumanin a gamta mite tungah Topa in na hoih bangmah siit lo hi.

1 JOHAN MASA 2:25

Khris in eite tungah piak dingin a hong ciam sa thu pen hih nuntak tawntungna ahi hi.

Mattiu 13:8

Ahi zongin pawl khatte, lei hoihna mun tu-in hong khang hi. Pawl khatte in a zah za khat, pawl khatte in a zah sawm guk, a dangte in a zah sawm thum a gah hi,” ci-in a gen khit ciangin,

Sawltak 14:22

Thu um mite a upna uh ah citakin a om nadingun hanthawnin tha pia uh a, “Pasianʼ Ukna sungah i om theih nadingin haksatna tampi thuak ding hi hang,” ci-in a hilh uh hi.

1 TIMOTI MASA 4:8

Pumpi kisekin kisinna manpha hi. Ahi zongin kha thu ah kisekin kisinna pen tu hun laitak le a hong tung ding hunah nuntakna hong pia thei ahih manin manpha zaw lai hi,