Marka 10:21 - Tedim Bible Revision 2017

²¹ Tua ciangin Jesu in itna tawh tua mipa enin, “Na khat bek na kisam lai hi. Pai inla, na neih khempeuh na zuak khit ciangin mizawngte tungah na sum khotte va pia in. Tua hileh vantungah sum na hau ding hi. Tua khit ciangin ka nung hong zui in,” a ci hi.

Tedim Bible

²¹ Zeisu in tua pa a et ciangin it a, “Na khat na sam lai hi. Pai in la, na neihsa teng zuakin mizawngte na pia in. Tua ahih leh, vantung gam sungah sum na nei ding hi. Tua khit ciangin ka nung hong zui in,” a ci hi.

Marka 10:21 Referans Kwoze

Mangmuhna 2:4

Ahi zongin note ka hong mawhsakna khat om a, tua in: A masa lai-a kei na hong it bangun tu-in na hong it nawn kei uh hi.

Luka 10:42

Ahi zongin a kisam taktak khat bek om a, Mary in tua a kisam na pen a semsem ahih manin, a nasep kikhawlsak lo ding hi,” ci-in a dawng hi.

Jeim 2:10

Mi khatpeuh in thukham dang khempeuh a zuih hangin khat a khialh nakleh a vekpi-in a khial mah ahi hi.

Sawltak 2:45

Amaute in a neih a lam teng uh zuak uh a, a sumte pen amau kisapna tawh kizui-in amaute lakah a hawm uh hi.

Luka 18:22

Jesu in hih thu a zak ciangin ama kiangah, “Na khat na kisam lai hi. Na neihsa khempeuh zuak inla, mizawngte tungah na sum khotte pia in. Tua hileh vantungah na hau ding hi. Tua khit ciangin ka nung hong zui in,” a ci hi.

Mattiu 16:24

Tua ciangin Jesu in a nungzuite kiangah, “Mi khatpeuh ka nungzui a suahnop leh, ama deihna bangin gamta nawn loin, a singlamteh kisuanin hong zui ding hi.

Mangmuhna 2:20

Ahi zongin note ka hong mawhsak nading thu khat om hi. Kamsang numei ka hi, ci-in thu a gen Jezebel na nial kei uh hi. Ama thuhilhna hangin ka nasemte in numei pasal paktatna gamta-in milim biakna ante a ne uh hi.

Mangmuhna 2:14

Ahi zongin note ka hong mawhsak nading thu tawm khat a om hi. Milim biakna ante nesakin, nulepa paktatna piangsak a, Israel mite mawhna a gamtasak Balak tungah thu a hilh Balaamʼ thuhilhnate a um mi pawl khat note lakah a om hi.

Hebru 10:34

Note in a hoih zaw, a kip zaw nate a nei na hih lam uh kithei na hih manun thong kia mite thuakpih ngamin, na neihsa uh hong kilaksak hangin zong lungdam takin na om thei veve lai uh hi.

Luka 12:33

Na neihsa uh zuak unla, mizawngte tungah tua sumte na pia un. Note adingin a sia thei lo sumkholna na bawl unla, gutate in a luh zawh lohna, leikha in zong a nek zawh lohna, cikmahin a kiam ngei het loh nading mun vantungah na sumte uh na khol un.

Marka 8:34

Tua ciangin Jesu in mihonpite le a nungzuite ama kiangah sam a, “Mi khatpeuh ka nungzui a suahnop leh ama deihna bangin gamta nawn loin a singlamteh kisuanin hong zui ding hi.

Paunak 23:23

Thuman, pilna, siamna, thungaihsut theihna lei in; zuak khiat dingin tuate pammaih lua hi.

Luka 19:41

Jerusalem khua hong nai semsem a, a khuapi a muh ciangin Jesu in tamlawh a,

Luka 9:23

Tua ciangin Jesu in a nungzuite le mi khempeuh kiangah, “Mi khatpeuh in kei hong zuih nop leh ama deihna bangin gamta nawn loin nisimin a singlamteh pua-in hong zui ding hi.

Mattiu 19:21

Jesu in, “Mi cingtaak na hih nop leh pai-in na neihsate va zuak inla, na sum khotte, mizawngte tungah va pia lecin, vantungah sum na hau ding hi. Tua ciangin hong pai inla kei hong zui in,” a ci hi.

2 KORIN NIHNA 12:15

Note kong huh theih nadingin lungdam takin ka neih khempeuh kong piak nop banah keima pumpi mahmah zong ka hong kipia nuam hi. Tua zah takin ka hong itna pen it lohna tengin hong nei zawsop ding na hi uh hiam?

Johan 16:33

Keimah tawh na hong kipawlna uh hangin lungnopna na neih theih nadingun hih thu a hong gen ka hi hi. Leitung gimna na thuak ding uh hi. Ahi zongin keimah in leitung nate zo khinta ka hih manin lungnuamin om un,” a ci hi.

Johan 12:26

Ka nasemte keima omna ah a om theih nadingin ka na a sem nuam peuhmah in kei hong zui ding uh a, ka Pa in ka na a sem mite a pahtawi ding hi,” a ci hi.

Luka 16:9

“Note kiangah kong genin ah, hih na leitung sum uh a bei ciangin tawntung nuntakna inn ah hong kilutsak theih nadingin lawm zonna-in hih leitung sumte na zang un.

2 TIMOTI NIHNA 3:12

Khris Jesu tawh kipawlin Pasianʼ deihna bangin a nungta nuam khempeuh in bawlsiatna a thuak ding mah hi a,

Piancilna 34:19

Tangvalpa in Jakobʼ tanu deih ahih manin tua banga a gamtat ding zekai lo hi. Amah pen, a kipahtawi a thupi pen khat ahi hi.

Marka 10:22

Tua mipa mihau khat ahih manin hih thu a zak ciangin, mai khingin a dah sa-in a paikhia hi.