Marka 1:7 - Tedim Bible Revision 2017

⁷ Amah in mite tungah thu hilh a, “Ka nungah hong pai ding pa pen kei sangin nakpi takin lian zaw a, kunin a khedap khau a sutsak ding nangawnin ka kilawm zo kei hi.

Tedim Bible

⁷ Ama thuhilhna in, “Kei sangin a lian zawpa khat in ka nungah hong pai ding hi. Ama khedap khau sut ding nangawn ka kilawm kei hi.

Marka 1:7 Referans Kwoze

Sawltak 13:25

Johan in ama nasep a zawh kuan ciangin mite kiangah, ‘Kei kua hi hong ci na hi uh hiam? Kei pen noteʼ ngak pa ka hi kei hi. En un, kei nungah na ngak pa uh hong pai a, ama khedap khau a sutsak ding nangawnin ka kilawm zo nai kei hi,’ ci hi.

Johan 1:27

Keima khit ciangin note lakah amah in nasep hong kipan ahih hangin, kei pen ama khedap khau a sutsak ding nangawnin ka kilawm zo nai kei hi,” ci-in a dawng hi.

Luka 3:16

Tua ahih ciangin Johan in amaute kiangah, “Keimah in tui sungah note ka hong phum hi; ahi zongin kei sangin nakpi takin a lian zaw khat hong pai lai ding hi. Ama khedap khau a sutsak ding nangawnin kei ka kilawm zo nai kei hi. Amah in Kha Siangtho le mei sungah note hong phum ding hi.

Mattiu 3:11

Na kisikkik khitna uh a kilat nadingin tui sungah note ka hong phum a, ahi zongin kei nungah a hong pai pa in Kha Siangtho le mei sungah note hong phum ding hi. Tua a hong pai ding pa pen kei sangin nakpi takin lian zaw a, ama khedap a tawisak ding nangawnin ka kilawm zo nai kei hi.

Mattiu 3:14

Ahi zongin Johan in na tuiphum nuam lo a, “Nang in kei nong tuiphum dingin a kilawm zaw kimlai, keiʼ phum dingin nang hong pai zawsop na hi hiam?” a na ci hi.

1 SAMUEL MASA 25:41

Tua ciangin amah dingin lei ah mai kun a, “En un, na nasem nu uh ka topaʼ nasemteʼ khe a silsak ding nasem ahi hi,” a ci hi.

Marka 1:6

Johan in kalaoh mul kigan puan silhin, savun kawnggak tawh a kawng gak a, kauphe le gamlak khuaizu tawh a kivak hi.

Marka 1:8

Keimah in tui sungah note kong phum a, amah in Kha Siangtho sungah note hong phum ding hi,” a ci hi.

Sawltak 19:4

Tua ciangin Paul in, “Johanʼ hilh tuiphumna pen mawhna a kisik mite ading ahi hi. Amah in Israel mite kiangah, ‘Keima nung a hong pai ding pa Jesu um un,’ ci-in gen hi,” a ci hi.