Marka 1:27 - Tedim Bible Revision 2017

²⁷ Mi khempeuh in lamdang sa uh a, khatlekhat in, “A bangci thu ahi hiam? Bang thu thak hilh tuan ahi hiam? Hih mipa in dawi gilote thupiak nading aana nei a, dawi gilote in ama thu a mang uh hi,” ci-in a kikum uh hi.

Tedim Bible

²⁷ Mi khempeuhte in lamdang a sa uh a, “Hih thu in bang thu ahi hiam? Thuhilhna thak ahi hiam? Uk neihna tawh kihhuai dawite thu a piak ciangin amau in a thu a mang uh hi,” ci-in khat leh khat a kikum uh hi.

Marka 1:27 Referans Kwoze

Luka 9:1

Tua ciangin Jesu in nungzui sawm le nihte sam a, dawite a hawlkhiat theih nading uh le cinate a damsak theih nadingun vangliatna le aana a pia hi.

Marka 7:37

Amaute in gen zawh loh dongin lamdang sa mahmah uh a, “Hih mipa in sep theih loh bangmah nei lo hi. Bilngongte nangawn khua zasak thei a, a pau thei lote nangawn pau theisak hi,” a ci uh hi.

Mattiu 15:31

A pau thei lote pau thei-in, khezawte damin, khebaite hoihtakin lam pai thei-in, mittawte in khua a muh theihkikna thu mihonpite in a muh uh ciangin lamdang sa mahmah uh a, Israel miteʼ Pasian a phat uh hi.

Mattiu 9:33

Ama sung panin dawi a kihawlkhiat khit phetin tua mipa hong pau theikik pah hi. Mihonpite in lamdang sa mahmah uh a, “Israel gam sungah hih bang thu piang ngei nai lo hi,” a ci uh hi.

Luka 4:36

Kikhopna inn sunga a om mi khempeuh in lamdang sa mahmah uh a, “Hih a kampaute a bangci kampau ahi hiam? Aana le vang neihna tawh dawi thu pia a, dawite a tai khia uh hi,” a ci uh hi.

Marka 10:32

Jerusalem khua manawhin a pai toh laitakun a nungzuite mai ah Jesu na ma pai hi. A nungzuite patau uh a, amaute a zui mihonpite zong a lau uh hi. Jesu in nungzui sawm le nihte tuam sapkik leuleu a, ama tunga piang ding thute genin,

Marka 10:24

Nungzuite in hih thu a zak uh ciangin lamdang sa uh a, ahi zongin Jesu in a thugen zomlai-in, “Tate aw, Pasianʼ Ukna sungah lut ding bangzah takin haksa ahi hiam?

Mattiu 8:9

Kei zong uliante khutnuai ah nasem mi ka hi a, keima khutnuai ah zong galkapte a om hi. Tua galkapte khat kiangah, ‘Pai in,’ ci-in sawl leng, pai a, a dang khat kiangah, ‘Hong pai in,’ ci-in sam leng, hong pai a, ka nasem pa kiangah, ‘Hih sem in,’ ci-in sawl leng, a sem hi,” a ci hi.

Marka 1:26

Dawi gilo in tua mipa kongkaw sakin a linsak gawp khit ciangin nakpi takin awngin ama sung panin a paikhia hi.

Marka 1:28

Tua ahih ciangin hih Jesuʼ thu in Galilee gam sung khempeuh thakhatin a zel pak hi.

Marka 16:5

Han sungah a lut uh leh, a taklam pang uh ah, puan pak a silh tangval khat a tu mu uh a, lamdang sa-in a lau uh hi.

Marka 16:6

Tua tangvalpa in, “Lamdang sa kei un. Singlamteh tungah a kithat Nazareth khuami Jesu na zong uh hi. Amah kithokiksak khin a, hih lai ah om nawn lo hi. Amah a kisialna mun hong en un.

Sawltak 17:19

Tua ahih manin amaute in Paul samin, Areopagas mualbo ah paipih uh a, “Tu-a na gengen thuthakte ka thei nuam uh hi.