Marka 1:24 - Tedim Bible Revision 2017

²⁴ “Nazareth khuami Jesu aw, kote tawh nang bang kisai ihi hiam? Kote a susia dingin hih lai ah hong om na hi hiam? Pasianʼ mi siangtho na hih lam kong thei hi,” ci-in a kiko hi.

Tedim Bible

²⁴ “Nazareth mi Zeisu aw, kote in nang tawh bang kikum i hi hiam? Kote susia dingin hong pai na hi hiam? Nang kua mi na hih ke’n kong thei hi. Pasian’ mi siangtho na hi hi,” ci-in a kiko hi.

Marka 1:24 Referans Kwoze

Mattiu 8:29

Amaute nakpi takin hong kiko uh a, “Pasianʼ Tapa aw, kote bang hong nuammawh na hi hiam? A hun tung nai lopi-in kote gim a pia dingin hong pai na hi hiam?” a ci uh hi.

Jeim 2:19

Pasian khat bek om hi, ci-in na um hi. Tua pen hoih mahmah hi. Dawite nangawn in zong tua bangin umin lau-in liing deldel uh hi.

Luka 4:34

“Nazareth khuami Jesu aw, kote tawh bang kisai ihi hiam? Kote a susia dingin hong pai na hi hiam? Pasianʼ mi siangtho na hih lamtak ka hong thei uh hi,” a ci hi.

Sawltak 3:14

Amah mihoih mi siangtho hi napi-in, amah na nial zawsop uh a, mi that khat a khahkhiat nadingin Pilat kiangah na ngen uh hi.

Mangmuhna 3:7

“Filadelfia khua pawlpi vantungmi kiangah lai gelh inla, Davidʼ tawhtang kemin, ama hon sa kong kuamah in a khak zawh loh, ama khak sa kong kuamah in a hon zawh loh, a thuman a siangtho paʼ thugen in:

Sawltak 2:27

Bang hang hiam cih leh misiteʼ gamah kei nong nusiacip kei dinga, na nasem keimah muatna nong thuaksak kei ding hi.

Luka 8:28

Jesu a muh ciangin nakpi takin awngin a mai ah khukdin a, “A Lian Pasianʼ Tapa Jesu aw, kei bang hong nuammawh na hi hiam? Kei, gim nong piak loh nadingin kong thum hi,” ci-in nakpi takin a kiko hi.

Marka 5:7

nakpi takin kiko-in, “A Lianpen Pasianʼ Tapa Jesu aw, kei bang hong nuammawh na hi hiam? Kei, gim hong pia kei in, ci-in Pasianʼ min tawh kong thum hi,” a ci hi.

Late 16:10

Bang hang hiam cih leh Leinuai nong zuansak kei a, na mihoih pa Leihawmpi na musak kei hi.

Johan 6:69

Tu-in nang ka hong um uh a, Pasian kiang panin a hong pai a Siangtho Pa na hihna thu ka hong thei uh hi,” ci-in a dawng hi.

Luka 1:35

Vantungmi in, “Nangma tungah Kha Siangtho hong tung dinga, nangma tungah Pasianʼ vangliatna hong om ding hi. Tua ahih manin a hong suak ding a siangtho naungek pen Pasianʼ Tapa kici ding hi.

Sawltak 24:5

Hih mipa, buaina a piangsak, a kihtakhuai mi ahihna ka mu uh hi. Mun khempeuh a om Jew mite lakah buaina piangsak a, Nazareth mi pawl a kicite a makai pa ahi hi.

Sawltak 4:27

A cih mah bangin Herod le Pontias Pilat in hih khuapi sung teek mahah Gentail mite le Israel mite tawh kikupna nei uh a, nangmah in Khris dingin na bawl, a siangtho na Nasem pa Jesu thah dingin a vaihawm uh hi.

Luka 24:19

Tua ciangin Jesu in amaute kiangah, “Bang thu ahi hiam?” ci-in a dot ciangin amaute in, “Nazareth khuami Jesu tunga thupiang ahi hi. Amah pen kamsang khat hi a, Pasian le mite khempeuh in a thugen le a nasepna ah vang a nei mahmah khatin a ngaihsut uh ahi hi.

Mattiu 2:23

Nazareth khua ah a teeng uh hi. Kamsangte in, “Amah pen Nazareth khuami kici ding hi,” ci-in a gen kholhna a tun nadingin hih bangin a piang ahi hi.

Luka 8:37

Tua ciangin Gadara gam kiim a om khempeuh lau mahmah uh ahih manin Jesu a paikhiat nadingin a sawl uh hi. Jesu zong gunkuang tungah tuangin a ciah hi.

Paikhiatna 14:12

‘Kote hong hici omsak inla, Egypt miteʼ na hong semsak in,’ ci-in Egypt ah nangʼ tungah hong gen hi lo ka hi uh hiam? Bang hang hiam cih leh sehnel gamah sih sangin Egypt miteʼ na sep ding kote adingin hoih zaw ding hi,” a ci uh hi.

Daniel 9:24

“Na mite le khuapi siangtho, a mawhna le a gamtat khialhnate a beina ding hun kum sawm sagih mun sagih sung a kiseh zo hi. Tua ciangin mawhna kimaisak dinga, a tawntung thutang thu a hong tung ding hi. Gen kholhna le maangmuhna thu a mantakin hong tangtung dinga, a Siangtho Pen Mun biakinnpi kisiansuah ding hi.

Marka 1:23

Tua laitakin kikhopna inn sungah dawivei mi khat hong lut a,

Marka 1:25

Jesu in, “Pau kei in; hih mipa sung panin paikhia in,” ci-in tua dawi tungah thu a pia hi.

Marka 10:47

Nazareth khuami Jesu ahihna thu a theih ciangin nakpi takin awng a, “Davidʼ suan Jesu aw, kei hong hehpih in,” a ci hi.

Marka 14:67

Peter mei awi-in om a muh ciangin limtakin en a, “Nang zong, Nazareth khuami Jesu tawh na kikhawl ngei hi,” a ci hi.

Marka 16:6

Tua tangvalpa in, “Lamdang sa kei un. Singlamteh tungah a kithat Nazareth khuami Jesu na zong uh hi. Amah kithokiksak khin a, hih lai ah om nawn lo hi. Amah a kisialna mun hong en un.

1 JOHAN MASA 2:20

Ahi zongin Khris in note tungah Kha Siangtho hong pia khin ahih manin note khempeuh in a man na thei uh hi.