Marka 1:21 - Tedim Bible Revision 2017

²¹ Tua ciangin Kapernaum khua tung uh a, a Sabbath ni-in kikhopna inn sungah Jesu pai-in thu hilh ding a kipan hi.

Tedim Bible

²¹ Amaute Kapernaum khua-ah lut uh a, Nipi ni-in Zeisu kikhopna inn sungah thakhatin lut a, thu a hilh hi.

Marka 1:21 Referans Kwoze

Marka 6:2

A Sabbath ni ciangin kikhopna inn ah thu a hilh hi. Ama thuhilh a za mi tampite in lamdang sa-in, “Hih pa in hih thute koi panin a ngah ahi hiam? Hih pa tungah a kipia pilna a bang pilna ahi hiam? Bangci-in nalamdang hici bawl theih ahi hiam?

Marka 1:39

Tua ahih ciangin Galilee gam sung khempeuh ah amah zin a, a kikhopna uh innte ah thu hilhin dawite a hawl khia hi.

Mattiu 4:23

Galilee gam sung khempeuh ah Jesu pai kawikawi a, amauʼ kikhopna innte ah thu hilhin, vantung ki-ukna hangin lungdamna thute hilh a, natna tuamtuam a nei cina khempeuh a damsak hi.

Sawltak 17:2

A pai ngei zel mah bangin Paul zong kikhopna inn ah pai a, Sabbath ni thum sung Lai Siangtho siksanin mite tawh thu kikum a,

Sawltak 18:4

Sabbath nisimin kikhopna inn ah limtakin thu gen a, Jew mi le Grik mite in thu a up nadingun a hanciam hi.

Mattiu 4:13

Galilee gam Nazareth khua ah omsuak loin paikhia leuleu a, Zebulun le Naftali gam sung Galilee Tuili gei-a om Kapernaum khua ah a va teeng hi.

Luka 13:10

Sabbath ni khatin Jesu in kikhopna inn khat sungah thu hilhin a om hi.

Luka 10:15

No Kapernaum khuapi mite aw, van a sangna munah hong kipahtawi ding sa na hi uh hiam? Hell khuk sungah hong kilawnsuk ding hi,” a ci hi.

Luka 4:16

Tua ciangin ama khanna Nazareth khua ah Jesu pai a, Sabbath ni ciangin a pai ngei bangin kikhopna inn ah a pai hi. Lai Siangtho a sim dingin amah dinga,

Marka 10:1

Tua lai panin Jesu ding khia-in Judea gam le Jordan Gun gal gam tengah a pai hi. Ama kiangah mihon tampi hong kikhawmkik uh a, a hilh ngeisa bangin amaute tungah thu a hilh hi.

Marka 2:1

Tua zawh ni tawm khat khit ciangin Kapernaum khua ah Jesu hong paikik a, inn ah a omna thu hong kitheithang hi.

Marka 1:20

Jesu in amaute a muh phetin sam pah a, amau tegel in zong a pa uh Zebedi le a thacialte uh nusia-in Jesuʼ nung a zui uh hi.

Marka 1:29

Tua ciangin kikhopna inn panin amaute pai khia-in Simon le a nau Andruʼ inn ah paisuak pah uh a, James le a nau Johan in zong a zui uh hi.

Marka 1:33

Tua khuami khempeuh a inntual ah hong kikhawm uh hi.

Marka 3:1

Tua ciangin kikhopna inn sungah Jesu paikik a, tua lai ah a khut a lang khat a zaw mi khat na om hi.

Luka 4:23

Tua ciangin Jesu in amaute kiangah, “Paunak khat ah, ‘Zato pa aw, nangmah kidamsak tawm in,’ a cihna thu kei tungah nong cih nop ding uh ka thei hi. ‘Kapernaum khua ah na bawl thu ka zakte uh zong hih lai na khua ah hong bawl in,’ zong nong ci nuam ding uh hi,” a ci hi.