Mangmuhna 7:4 - Tedim Bible Revision 2017

⁴ Israel mite sung panin a namnamin Pasianʼ ciaptehna tawh a taltang uh ah a kiciamteh mi a vekpi-in 144,000 pha hi, ci-in hong kigen hi.

Tedim Bible

⁴ Israel’ suan mipawlte khempeuh lak panin ciamtehna a ngah mi a kisim zong ka za a, sangkhat leh thenli leh tulli ahi hi. Tuate in:

Mangmuhna 7:4 Referans Kwoze

Mangmuhna 14:1

Tua ciangin ka khuadak leh Zion Mual tungah Tuuno adingin a om ka mu hi. Amah tawh mi tul za le tul sawm li le tul li ding khawm uh a, tua miteʼ taltang ah Tuuno le a paʼ min kigelh hi.

Mangmuhna 14:3

Tokhom, ganhing lite le upateʼ lam nga-in tua mihonpite in la thak khat a sa uh hi. Tua la pen leitungah a kitan khia sa mi tul za le tul sawm li le tul lite sim loh kuamah dang in sa thei lo uh hi.

Luka 22:30

Keima Ukna sungah an ne tui dawnin sabuai kiimah na tu ding uh a, Israel minam sawm le nihte tungah thu a khen dingin thukhenna tokhom tungah na tu ding uh hi,” a ci hi.

Mattiu 19:28

Jesu in amaute kiangah, “Keʼn limtak a kong genin ah: A hong tung ding hun thak sungah a minthanna tokhom tungah Mihing Tapa a tut hun ciangin kei a hong zui note zong, tokhom sawm le nihte tung mahah tu-in Israel minam sawm le nihte tungah thukhenin na om ding uh hi.

Mangmuhna 9:16

Mi a that ding sakol tung tuang galkap mak sawm nih pha hi, ci-in hong kigen hi.

Jeim 1:1

Pasian le Topa Jesu Khris sila keimah James in Leitung mun khempeuh ah kithehthangin a om minam sawm le nihte tungah hopihna lai ka hong gelh hi.

ROM (Romans) 9:27

Isaiah in Israel miteʼ thu a genna ah, “Israel mite, tuipi gei-a sehnel zahin a tam hangin mi tawmno khat bek suakta ding uh hi.

Zekhariah 9:1

Topaʼ thugenna: Hadrak gam miteʼ gimtuahna ding Topa in thu khen zo a, Damaskas khuapi in zong tuak ding hi. Israel minam khempeuh, Topa-aʼ ahih mah bangin leitung minam khempeuh zong Topa-aʼ mah ahi hi.

Ezekiel 48:19

Khuapi sungah nasemin a om mi peuhmah in Israel minam sung panin kuamah kideidanna om loin hih leitang kho thei ding uh hi.

Ezekiel 47:13

Tua ciangin Topa Pasian in kei kiangah, “Israel minam sawm le nihteʼ gamh dingin leitang hawm ding a gamgi ding hih bang hi ding hi. Josef minamte in a dangteʼ ngah zah nih ngah ding uh hi.

Piancilna 15:5

Amah in a pua lamah paipih a, “Vantung lam enin aksite sim in; na sim thei hiam?” a ci hi. Tua ciangin amah in, “Na suanlekhakte, tua mah bang ding hi,” a ci hi.

Paikhiatna 28:21

Israel tapateʼ min tawh kituakin amauteʼ min a omna suang sawm le nih om ding hi. Tuate pen minam sawm le nihte adingin amauʼ min ciat kigelhin, min gelhna tawh kibang ding hi.

Mangmuhna 7:5

Tuate pen Israel minam sawm le nih sungah nam khat ah then khat tul nih ciat hi a, tua minamte pen Judah minam, Reuben minam, Gad minam, Asher minam, Naftali minam, Manasseh minam, Simeon minam, Levi minam, Issakhar minam, Zebulun minam, Josef minam le Benjamin minam ahi uh hi.

Luka 14:22

Tua khit a sawt loin a nasem pa in, ‘Topa aw, na cih bangin ka sam khin a, ahi zongin om nading mun om lai hi,’ a ci hi.