Mangmuhna 7:2 - Tedim Bible Revision 2017

² Tua ciangin a nungta Pasianʼ ciaptehna a tawi vantungmi khat, nisuahna lam panin hong pai to ka mu hi. Leitung le tuipi suksiat theih nading vangliatna a kipia vantungmi lite kiangah amah in nakpi takin gen a,

Tedim Bible

² Tua lai takin a nungta Pasian’ ciamtehna a tawi vantungmi khat in, nisuahna lam pan hong kahto ka mu hi. Tua mi in leitung leh tuipi gimna a bawl thei vantungmi lite kiangah,

Mangmuhna 7:2 Referans Kwoze

Efesa 4:30

Ni khat ni ciangin Pasian in note hong tatkhiat taktak nading thu a ciantakin hong lahna le Pasianʼ neihsa na hihna uh hong ciaptehna-in Kha Siangtho hong pia ahih manin, tua Pasianʼ Kha Siangtho na dahsak kei un.

2 KORIN NIHNA 1:22

Amah in eite pen ama aʼ ihihna ciaptehna eite tungah hong bawl a, ama aʼ ihihna le eite tungah a hong piak ding na khempeuh a hong pia takpi ding ahihna a kitel nadingin eiteʼ lungsim sungah Kha Siangtho a hong ma piak hi.

Mangmuhna 9:4

Amaute in lopate, singkungte a kipan a hing khat peuhpeuh bangmah cih loin, a taltang uh ah Pasianʼ ciaptehna a om lo mite bek a gimsak nadingun thu a kipia hi.

2 TIMOTI NIHNA 2:19

Ahi zongin Pasian in a phuh sa sutpi kilok zo ngei lo ding hi. Tua sutpi tungah, “Topa in ama mi kua teng hiam cih thei hi,” cihna le, “Topa tawh kipawl ing, a ci peuhmah in mawhna su kha lo ding hi,” cihna kigelh hi.

Efesa 1:13

Note in zong hotkhiatna a hong ngahsak thei Lungdamna Thu a man za-in Khris na up uh ciangin, Pasian in a hong ciam sa bangin ama mi na hihna uh a kilat nadingin note tungah Kha Siangtho hong piakna tawh a hong ciamteh hi.

Mangmuhna 5:2

Tua ciangin a thahat vantungmi khat ka mu a, amah in nakpi takin, “Hih laizial a ciaptehnate la khia-in a laizial a phel dingin a kilawm kua om ahi hiam?” hong ci hi.

Johan 6:27

A ning thei ante ngaihsutin nei masa kei unla, nuntak tawntungna an kan masa zaw un. Pa Pasian in tua an a pia dingin kei hong seh sa ahih manin keimah in note tungah nuntak tawntungna an kong pia ding hi,” ci-in a dawng hi.

Mangmuhna 1:3

Hih laibu a sim mite mi hampha hi a, hih thu kigente ngai-in, hih laibu sungah a kigelh thu a zuite zong mi hampha mah ahi uh hi. Bang hang hiam cih leh hih thu kigente a tun ding hun hong naita hi.

Mangmuhna 10:4

Tua van sagih a gingteʼ thugen a man khit phetin tua a thugente lai ah a gelh dingin ka kithawi hi. Ahi zongin vantung panin awging khat ka za a, “Tua thute lai ah gelh kei inla, tua van sagih a gingteʼ thugen imcip in,” hong ci hi.

Mangmuhna 10:1

Tua ciangin a thahat vantungmi khat, meiipi in tuamin, a lu tungah sakhituihup khimin, a maitang nitaang tawh kibangin, a khete meikuang khuampi tawh a kibang khat, vantung panin a hong kum suk ka mu hi.

Mangmuhna 8:3

Tua ciangin kham kibawl paknamtui kuang a tawi vantungmi a dang khat hong pai-in biakna tau mai ah a ding hi. Pasianʼ mite in thungetna-in a zat paknamtuite tawh hal beh ding le tokhom mai ah a om kham kibawl biakna tau tungah piak dingin amaute tungah paknamtui tampi tak a kipia hi.

Solomon la 8:6

Kei sim loh kuamah ngai kei inla, kei sim loh kuamah kawi kei in. Itna zong sihna zahin thahat a, ngaihna zong sihna zahin khauh hi. Itna, mei bangin kuang khia a, meikuang lian pen a suak hi.

Hebru 12:22

Ahi zongin note pen Zion Mual, a nungta Pasianʼ khuapi, vantung Jerusalem, sim zawh loh vantung mite a omna,

1 THESALONIKA MASA 1:9

Note kiangah ka hong pai lai-un kote na hong limbawlna thu uh le a nungta a man Pasianʼ thu zui-in a bia ding le,

Mattiu 26:63

Jesu pau loin a om hi. Tua ciangin siampi lianpen pa in, “Pasianʼ Tapa, Khris na hih leh na hih loh nong gen nadingin a nungta Pasianʼ min tawh khauh takin ka hong sawl hi,” a ci hi.

Malakhi 4:2

Ahi zongin ka thu a hong mang note tungah dikna ni hong taang ding a, tua in nizang bangin note tungah cidamna hong tun ding hi. Bawng khumna panin a kikhah bawngnote bangin suakta-in nuam na sa ding uh hi.

2 KUMPI NIHNATE 19:4

Ama topa ahi Assiria kumpipa in a nungta Pasian a zahko dingin a sawl a ulian paʼ kammalte khempeuh Topa na Pasian in za-in, Topa na Pasian in a zak sa thute nial khin kha ding hi. Tua ahih ciangin a om lai mite adingin thu ngen in,’ ci hi,” a ci uh hi.

1 SAMUEL MASA 17:36

Na nasem pa in humpinelkai le vomte that khin ngei hi. Amah in a nungta Pasianʼ galkapte ninsak ahih manin dawibia hih Filistia-pa pen tuate khat tawh kibang lel ding hi,” a ci hi.

1 SAMUEL MASA 17:26

David in ama kiang a ding mite kiangah, “Hih Filistia-pa thatin Israel-teʼ tung panin hih mindaina a beisak pa adingin bang kihih ding ahi hiam? A nungta Pasianʼ galkapte a to dingin hih dawibia Filistia-pa kua ahi hiam?” a ci hi.

Thu-hilhkikna 5:26

Bang hang hiam cih leh a si thei mihing khempeuh sung panin eiteʼ zak bangin mei sung panin a nungta Pasian a pau khiatna awging za-in a nungta lai kua om ahi hiam?

Malakhi 3:1

Hih bangin na thugenna uh tawh kisai-in Vanglian Topa in hong dawng a, “Ka pai nading lampi a bawl khol dingin ka kamtai pa ka sawl ding hi. Tua ciangin na ngakngak uh Topa a biakinn sungah thakhat thu-in hong pai ding hi. Na muhnop uh kamtai pa hong pai-in ka thuciamna hong taangko ding hi,” ci hi.

Isaiah 41:2

A paina peuh ah a gualzo, nisuahna panin a hong pai mipa kua in hanthawn ahi hiam? Amah in ama khut sungah minam dangte pia khin ahih manin amah in kumpite tuancil hi. Amah in a namsau tawh amaute leivui bangin bawl a, ama thal tawh buhkung leeng a bangsak hi.

Ezekiel 9:4

“Jerusalem khua sung khempeuh ah pai kawikawi inla, hih khuapi sungah a muhdahhuai gamtatnate a kisepna hangin dahin a lungkham mi khempeuhteʼ taltang ah ciaptehna va bawl in,” ci-in a sawl hi.

Mattiu 16:16

Simon Peter in, “Nang pen a nungta Pasianʼ Tapa, Khris na hi hi,” ci-in a dawng hi.

Mangmuhna 9:14

Tua awging in peengkul a tawi vantungmi a gukna kiangah, “Eufratis Gun lianpi ah a kihencip vantungmi lite khah khia in,” a ci hi.

Mangmuhna 16:12

A gukna vantungmi in Eufratis Gun lianpi tungah a hai hong bung a, nisuahna lam kumpite hong pai nading lam a bawl kholhna-in a tuite hong kangcip hi.