Mangmuhna 5:8 - Tedim Bible Revision 2017

⁸ Tua laizial a lak khit ciangin ganhing lite le upa sawm nih le lite, Topaʼ mai ah a kun uh hi. Amaute in harp lasakna khat ciat le Pasianʼ mi siangthote in thungetna-in a zat uh paknamtui a dimin a om paknamtui beel khat ciat a tawi uh hi.

Tedim Bible

⁸ Tua lai takin gawsemte tawi tham loin, misiangthote’ thungetna ahi, paknamtui tawh a dim kham haite a tawi tek uh a, ganhing li tawh upa sawmnih leh lite in Tuuno mai-ah bokin:

Mangmuhna 5:8 Referans Kwoze

Late 141:2

Ka thungetna pen na mai ah paknamtui bangsak inla, ka khutte ka lap tohna pen nitak biakpiakna bangsak in.

Mangmuhna 4:10

nungta tawntungin tokhom tungah a tupa mai ah tua upa sawm nih le lite zong bokin amah bia uh a, tua tokhom mai ah a lukhute uh lawnin, la sa uh a,

Mangmuhna 5:14

Tua ciangin ganhing lite in zong, “Amen,” na ci uh a, upate in zong khukdinin Pasian a bia uh hi.

Mangmuhna 4:4

Tua tokhom kimkot ah tokhom sawm nih le li om a, tuate tungah puan pak silhin kham lukhu a khu upa sawm nih le lite tu uh hi.

Mangmuhna 19:4

Tua ciangin upa sawm nih le lite le ganhing lite in tokhom tungah a tu Pasian mai ah kunin bia uh a, “Amen! Pasian phat un!” a ci uh hi.

Mangmuhna 5:6

Tua upateʼ huam sung, ganhing lite le kumpi tokhom kikalah Tuuno a ding ka mu hi. Tua Tuuno pen a kigo lum sa tawh kibang a, leitung khempeuh ah a kisawl khia, Pasianʼ khateʼ lim ahi ki sagih le mittang sagih a nei hi.

Mangmuhna 4:8

Tua ganhing lite in kha guk ciat nei-in, tua a khateʼ sung lam le a pua lamah mittang a dimtakin om a, a sun a zan tawlnga loin la sa uh a, “A beisa, tu hun, le a tawntungin a om Vanglian Topa Pasian, siangtho hi, siangtho hi, siangtho hi,” a ci uh hi.

Late 33:2

Laiza khausai lasakna tawh Topa phat unla, harp zang sawm khausai lasakna tawh ama tungah la ngaih sa un.

Mangmuhna 15:7

Ganhing lite sung panin khat in a nungta tawntung Pasianʼ hehna a dim hai sagih, vantungmi sagihte kiangah a pia hi.

Mangmuhna 15:2

Tua ciangin mei tawh a kihel limlang peekpi kiphah tuipi tawh a kibang ka mu hi. Ganhing, a lim le a min nambat tawh a kipia sa a zote, Pasianʼ lasakna harpte tawi-in tuipi tawh a kibang gei ah a ding uh hi.

Late 81:2

La khat phuangin, khuang no tumin, a ngaih laiza khausai lasakna le harp khausai lasakna limtakin tum un.

Late 43:4

Tua ciangin na biakna tau ah ahi a, ka lung a hong damsak Pasian kiangah ahi zongin ka pai dinga, laiza khausai lasakna tawh nang kong phat ding hi, aw Pasian, ka Pasian aw.

Late 150:3

Peengkul aw tawh amah phat unla, githa lasakna le harp lasakna tawh amah phat un.

Hebru 1:6

Tua banah, Pasian in leitungah a Tapa neihsun hong paisak ding ciangin, “Pasianʼ vantungmi khempeuh in amah bia ding uh hi,” na ci hi.

Gamlak-vakna 7:62

shekel sawm a gik kham pakan khat, paknamtui a dim tawh;

Johan 1:29

A zing ciangin Johan in ama kiangah Jesu hong pai a muh ciangin, “En un, leitung mawhna a la khia Pasianʼ Tuuno hih lai ah hong pai hi.

Mangmuhna 4:6

A tokhom mailam tengah Kristal suangmanpha bangin a siang kilkel, limlang peekpi kiphah tuipi bangin a dum dide hi. Tua tokhom kiim a pang ciatah a nung le a mai ah mit a dimin a nei ganhing li a om hi.

Mangmuhna 5:11

Tua ciangin ka khuadak leh tokhom le ganhing lite le upateʼ kimkot ah atul-amakin a ding miaimuai vantung miteʼ awging ka za hi.

Mangmuhna 5:12

Amaute in nakpi takin la sa uh a, “A kigo Tuuno in vangliatna le hauhna, pilna le thahatna, pahtawina, minthanna le phatna, a ngah dingin kilawm hi,” a ci uh hi.

Mangmuhna 6:1

Tua ciangin Tuuno in tua ciaptehna sagih sung panin khat a honkhiat ka mu hi. Tua laitakin ganhing lite sung panin khat in vanging bangin nakpi takin, “Hong pai in,” a cihna ka za hi.

Mangmuhna 13:8

Tua ahih manin a kigo Tuuno laibu sungah a nungta ding miteʼ min, leitung pianmapekin a kikhumna ah a kihel lo leitung mi khempeuh in tua ganhing bia ding uh hi.