Mangmuhna 3:9 - Tedim Bible Revision 2017

⁹ Jew mi hi lo napi-in Jew mi hi ung, ci-in zuau a gen Satanʼ pawlte, noteʼ mai ah hong paisakin na khephung uh ah ka boksak dinga, note ka hong itna thu amaute ka theisak ding hi.

Tedim Bible

⁹ En in, ‘Judah mipawl khat ka hi uh,’ a ci zuau thu a gen mipawl ahi, Satan pawlte ahi mite kong pia a, amau in nang khe kiangah bia-in, nang kong it, ci-in amaute ka theisak ding hi.

Mangmuhna 3:9 Referans Kwoze

Mangmuhna 2:9

Na lungkhamnate uh le na zawnnate uh ka thei hi. A taktakin note a hau na hi uh hi. Jew mi hi lo napi-in Jew mi ka hi uh hi, ci-in note a hong gensiatnate uh ka thei hi. Tua bang mite pen Satanʼ pawlte ahi uh hi.

Isaiah 60:14

Nang hong nengniamteʼ tate na mai ah a kun sa-in hong pai ding uh a, nang hong simmawh mi khempeuh na khe mai ah hong bok ding uh hi. Amaute in nang pen Topa’ khuapi, Israel-teʼ Siangtho Paʼ Zion, hong ci ding uh hi.

Isaiah 49:23

Kumpite pen nang hong kem na pate hong hi dinga, kumpinute pen nang hong khoi na nute hong hi ding hi. Amaute in a maitang uh leilak ngatin nang kiangah hong kun ding uh a, na khe-a leivui baangte a liak ding uh hi. Tua ciangin kei pen Topa ka hihna na hong thei ding hi. Kei hong muangte maizum lo ding hi,” a ci hi.

Isaiah 45:14

Topa in Israel tungah, “Egyptʼ hauhna le Ethiopia sumbuk vante le a tun a sang Seba mite nangma kiangah hong pai-in nangma aʼ hong hi ding uh a, amaute in nang hong zui ding uh hi. Amaute sikkhau kibulh sa-in hong pai ding uh a, nangma kiangah hong kun ding uh hi. Amaute in nangma kiangah thumna hong bawl ding uh a, ‘Nangmah bek tawh Pasian om khawm a, kuamah dang om loin, amah sim loh pasian dang om lo hi,’ hong ci ding uh hi.

Isaiah 43:4

Nang pen keima mitah manpha-in, pahtakhuai-in, nangmah hong it ka hih manin nangma tangin mite ka pia a, na nuntakna khek nadingin mihingte ka pia hi.

Esther 8:17

Kumpipaʼ thupiakna a tunna gam le khua khempeuh ah Jew mite adingin lungdamna le kipahna, pawi bawlna le nasep khawlin zum khakna a om hi. Tua hi a, midangte in Jew mite kihta uh ahih manin tua gam a om mi tampi tak in Jew mi ka hi uh hi, a ci uh hi.

Paikhiatna 11:8

Tua ciangin Moses in Faroʼ kiangah, “Na uliante khempeuh keima kiangah hong pai sukin, keima kiangah hong kun ding uh a, ‘Nang le nangmah hong zui khempeuh paikhia un,’ hong ci ding uh hi. Tua khit ciangin kei ka paikhia ding hi,” ci thuah lai hi. Tua ciangin Faroʼ kiang panin amah a heh mahmah sa-in a paikhia hi.

1 SAMUEL MASA 2:36

Na suanlekhak a suakta mite khempeuh ngun peek khat ahi a, anlum lum khat ngen ding ahi zongin ama kiangah pai-in, “An tawm ka neih theih nadingin siampipaʼ omna mun khat peuhpeuh ah kei hong koih in, ci-in kong thum hi,” ci ding uh hi,’ ci hi,” ci-in a gen hi.

Johan 17:23

Leitung mite in kei na hong sawlna thu a theih nading le kei na hong it mah bangin amaute na itna thu a theihna hangun amaute pum khat a suah taktak theih nadingun amaute lakah kei ka om a, kei tawh nang na hong om khawm hi.