Mangmuhna 15:4 - Tedim Bible Revision 2017

⁴ Topa aw, nang, kua in hong kihta lo dinga, na liatna hong phat lo ding ahi hiam? Nang bek na siangtho hi. Thumanin na sepnate mi khempeuh in mu uh ahih manin minam khempeuh nang kiangah hong pai-in, na mai ah hong bia ding uh hi,” a ci uh hi.

Tedim Bible

⁴ Topa aw, nang min kua in kihta lo, phat loin a om ding hiam? Bang hang hiam na cih uh leh, Nang bek na siangtho a, Nangma dikna gamtatnate in a kilang zo ahih ciangin Mipawl khempeuh in na mai-ah hong thuumin, hong bia ding uh hi,” ci-in a phat uh hi.

Mangmuhna 15:4 Referans Kwoze

Late 86:9

Topa aw, na bawl sa minam khempeuh hong pai-in na mai ah hong kun ding uh a, nangma min hong phat ding uh hi.

Malakhi 1:11

Leitung khempeuh ah a om minam khempeuh in kei hong zahtak uh a, kei adingin mun khempeuh ah paknamtui halin, a kisang thei ding biakpiakna hong pia uh hi. Mi khempeuh in kei hong zahtak uh hi.

Jeremiah 10:7

Gam khempeuhteʼ Kumpipa aw, nang a hong kihta lo ding kua om ahi hiam? Nang, kihtak ding mah na hi hi. Bang hang hiam cih leh leitung mipil khempeuhte le amauʼ gam sung khempeuh lakah nang tawh a kibang kuamah om lo hi.

Late 22:27

Leitung mi khempeuh in phawkin Topaʼ lamah kihei ding uh a, minam khempeuh in ama mai ah bia ding uh hi.

Mangmuhna 11:15

Tua ciangin a sagihna vantungmi in a peengkul hong tum a, vantungah nakpi takin aw hong ging a, “Leitung uk nading aana neihna pen i Topa Khris aʼ hong suak khin a, amah in a tawntungin uk paisuak ding hi,” hong ci hi.

Mangmuhna 14:7

Amah nakpi takin kiko a, “Amah in mihingte thu a khen ding hun hong tung ta ahih manin Pasian kihta unla amah phat un. Vanlelei, tuinak le tuipite a bawlpa hong bia ta un,” a ci hi.

Zekhariah 14:16

Tua bangin galte a kizawh gawp khit ciangin, galte sung panin a nungta lai mite in Vanglian Topa, kumpi ahihna hangin a bia ding le ama gualzawhna pawi a bawl dingin kum simin Jerusalem ah pai tawntung ding uh hi.

Isaiah 25:3

Tua ahih ciangin mi thahatte in nangma min hong thangsak dinga, thu khual lo minamteʼ khuapite in nang hong zahtak ding uh hi.

Isaiah 45:23

Kei mahmah ka kiciam khin a, a kikhelkik ngei nawn lo ding thukip hih bang ahi hi: ‘Keima mai ah mi khempeuh hong khukdin dinga, keima tungah thuman ding hong kiciam ding hi,’ cihna, keiʼ kam sung panin thumanna tawh pusuak khia khinzo hi.

Mangmuhna 4:8

Tua ganhing lite in kha guk ciat nei-in, tua a khateʼ sung lam le a pua lamah mittang a dimtakin om a, a sun a zan tawlnga loin la sa uh a, “A beisa, tu hun, le a tawntungin a om Vanglian Topa Pasian, siangtho hi, siangtho hi, siangtho hi,” a ci uh hi.

1 PETER MASA 1:16

Lai Siangtho sungah zong, “Keimah siangtho ka hih manin note zong na siangtho un,” na kici hi.

Zekhariah 2:11

Tua hun ciangin Topa kiangah minam tampi hong pai ding uh a, ama mite a suak ding uh hi. Topa in note hong ompih dinga, tua ciangin note kiangah kei a hong sawl ahihna thu na thei ding uh hi.

Mangmuhna 16:7

Tua ciangin biakna tau panin aw khat hong ging a, “A Vanglian Topa Pasian aw, na thukhennate thumanin thutang hi,” a cihna ka za hi.

Mangmuhna 19:2

A thukhennate thumanin thutang a, a paktatna tawh leitung mi khempeuh a siasak, a paktat nu tungah thu khen khinta a, ama nasemte a thahsakna hangin ama tungah a phu la khinta hi,” a ci uh hi.

Isaiah 26:9

Ka lungsim khempeuh tawh zanin nang kong deih a, zingsang khuavak ciangin lungsim tak tawh nang kong zong hi. Bang hang hiam cih leh leitung le a mite tungah thu na khen ciangin leitung a a teeng mite in thuman i cih bang hiam, cih a phawk ding uh hi.

ROM (Romans) 15:9

le Gentail mite in zong ama hehpihna hangin Pasian a phat theih nadingun Khris a hong paina hang ahi hi. Bang hang hiam cih leh Lai Siangtho sungah, “Tua ahih ciangin Gentail mite lakah ka lungdamna nang tungah kong ko dinga, nangma minphatna late ka sa ding hi,” cihna le

Hosea 3:5

Tua khit ciangin Israel mite in Topa amauʼ Pasian le a kumpipa uh David lamah hong kiheikik ding uh hi. Tua hun ciangin amaute in Topa zahtakin, ama letsongte a ngah ding uh hi.

Isaiah 6:3

Amaute khatlekhat kisamin: “Vanglian Topa, siangtho, siangtho, siangtho; leitung khempeuh ama minthanna tawh kidim,” ci-in awng uh hi.

Late 111:9

Amah in ama mite hon khia a, a tawntung a kimang dingin thupiakna a bawl khin hi. Ama min siangtho-in vanglian mahmah hi.

Mangmuhna 6:10

Amaute nakpi takin kiko uh a, “A thuman, a siangtho, a Vanglian Topa aw, leitungah a om lai, kote a hong that mite tungah cik ciangin thu khenin, kote hong thahna hangin cik ciangin phu la ding na hi hiam?” a ci uh hi.

Habakkuk 1:12

Topa aw, a cil pek a kipan a tawntungin Pasian na hi a, nang pen a tawntungin keima Pasian, a Siangtho Pa na hi hi. Topa aw, kote gim a hong pia dingin amaute na seh hi bek hi. Ka belh Suangpi aw, kote nong thuhilhna ding bekin amauteʼ tungah vang a pia bek na hi hi.

Mangmuhna 3:7

“Filadelfia khua pawlpi vantungmi kiangah lai gelh inla, Davidʼ tawhtang kemin, ama hon sa kong kuamah in a khak zawh loh, ama khak sa kong kuamah in a hon zawh loh, a thuman a siangtho paʼ thugen in:

Late 105:7

Amah pen Topa, eiteʼ Pasian hi a, ama thupiaknate leitung khempeuh in a zuih ding ahi hi.

Late 99:9

I Topa Pasian phat unla, ama mual siangtho ah bia un; bang hang hiam cih leh i Topa Pasian a siangtho hi.

Late 22:3

Ahih hangin nang na siangtho a, Israel-teʼ pahtawi-in na tu hi.

1 SAMUEL MASA 2:2

“Topa bangin a siangtho kuamah dang om lo a, amah sim loh kuamah dang om lo a, i Pasian tawh a kibang hong hu dang om lo hi.

Isaiah 60:5

Tua ciangin nangmah in mu-in na maitai dinga, na lungsim liingin na lungdam ding hi. Bang hang hiam cih leh tuipi tawnin nangma kiangah van hong kipuak dinga, minamteʼ hauhna khempeuh nangma kiangah hong tung ding hi.

Jeremiah 16:19

Aw Topa, ka hatna le ka kulhpi, lungkham hun ciangin ka bukna pa aw, leimong panin gamdang mite nangma kiangah hong pai ding uh a, “Ka pu ka pate un zuau thu le bangmahin a kimang lo milimte longal bangmah dang a luah kei ding uh hi.

Isaiah 57:15

Bang hang hiam cih leh a sang, a lian, a nungta tawntung Pa, ama min Siangtho ahi pa in hih bangin ci hi: “Kei pen a sangna mun le a siangtho munah ka om a, a kiniamkhiat miteʼ lungsim le a kisik miteʼ lungsim a thakhauhsakkik dingin kisikna le kiniamkhiatna lungsim a neite tawh zong kei ka om khawm hi.

Isaiah 24:15

Nisuahna lam a om mite in Topa phat ding uh hi. Tuipi dunga teeng mite in Topa, Israel-teʼ Pasian phat ding uh hi.

Late 99:5

I Topa Pasian phat unla, ama khengakna munah bia un. Amah siangtho hi.

Late 97:8

Pasian aw, Zion in za-in nuam a, na thukhennate hangin Judah khuapite lungdam uh hi.

Late 22:23

Topa a zahtak mi khempeuh aw, amah phat un. Jakobʼ suan mi khempeuh aw, amah min thangsak un. Israel mi khempeuh aw, amah lamdang sa un.

Jeremiah 5:22

kei hong kihta lo na hi uh hiam, Topa in kong ci hi. Keima mai ah liing lo na hi uh hiam? Tuipi gei-a om sehnelte keima koih hi a, tui ka dalsak tawntung hi. Tuihualte in a lawhlawh hangin zo zo lo uh a, a gin zuazua uh hangin kantan zo tuan lo uh hi.

Mangmuhna 16:5

Tua ciangin tuite a uk vantungmi in, “A beisa hun a kipanin tu hun dongin a om a Siangtho Pa aw, hih bangin na thukhenna ah nang na thuman hi.

Mangmuhna 19:8

Puan hoih mahmah, siangin a pak mahmahte, ama silh dingin kipia hi,” a ci uh hi. Tua puan hoih pen Pasianʼ mi siangthoteʼ gamtatna mante ahi hi.