Mangmuhna 11:2 - Tedim Bible Revision 2017

² Ahi zongin biakinn pualam tualte teh kei in. Minam dangteʼ khut sungah kipia khin a, amaute in kha sawm li le nih sung Khuapi Siangtho tuancil gawp ding uh ahih manin tua a tualte teh loin nusia lel in.

Tedim Bible

² Biakinnpi pua lamah a om gawl sung teh kei in, siit in. Bang hang hiam na cih leh, tua gawl sung mun Gentailte ading a kipia zo hi. Amaute in Khuapi Siangtho zong kha sawmli leh kha nih tawntung a sik gawp ding uh hi.

Mangmuhna 11:2 Referans Kwoze

Mangmuhna 12:6

A numei pen Pasian in ama adingin a bawl kholhsakna mun gamlak ah tai a, tua munah ni tul khat za nih sawm guk sung kikhoi ding hi.

Luka 21:24

Mi pawl khat, namsau tawh kithat dinga, pawl khat, galmatin gam dangah kiciah pih ding hi. Tua ciangin Gentail miteʼ uk hun a bei matengin Jerusalem khuapi a siacipin om ding hi.

Daniel 7:25

“Amah in a Lianpen Pasian langpangin thu gen dinga, Pasianʼ mite a bawlsia ding hi. Amah in amauteʼ biakna tawh kipawl thukhamte le pawi bawlna hunte kheelsak ding hanciam dinga, ama khut sungah kum thum le alang sung Pasianʼ mite a om ding uh hi.

Mangmuhna 11:3

Ka teci nihte puanhampi silhin ka paisak dinga, amaute in ni tul khat za nih sawm guk sung Pasianʼ thu a gen ding uh hi,” hong ci hi.

Daniel 12:7

Puan pak silhpa in a khut tegel vantung lamah laam to-in, Tawntung Pasianʼ min tawh thuciamna a bawl hi. Amah in, “Kum thum le alang hi ding hi. Pasianʼ mite a kibawlsiatna a bei ciangin hih thute khempeuh hong piang ding hi,” ci-in a gen ka za hi.

Mangmuhna 21:2

Mothak khat a pasal tawh a kituah dingin a kizem bangin vantung Pasian kiang panin Khuapi Siangtho ahi Jerusalem khua thak a hong pai suk ka mu hi.

Isaiah 52:1

Zion aw, khanglo in; khanglo inla na tha khauhsak in. Khuapi siangtho Jerusalem aw, na puan hoihte silh in. Bang hang hiam cih leh dawibia mite le a nin mite nang sungah hong pai nawn lo ding hi.

Mangmuhna 22:19

hih laibu sungah a kigelh thute a hem khia na om uh leh Pasian in zong hih laibu sungah a kigelh nuntakna singgah le Khuapi Siangtho sungah na ngah ding uh hamphatnate note kiang panin hong hepkhiatsak ding hi.

Mattiu 27:53

Han khuk panin amaute paikhia uh a, sihna panin Jesu a thawhkik khit ciangin, amaute zong khuapi siangtho sungah hong lut uh a, mi tampi in a mu uh hi.

Mattiu 5:13

“Note pen leitung mite adingin ci tawh na kibang uh hi. Ahi zongin ci a alna bei leh i alsakkik theih nading lampi om nawn lo hi. A kizat nading bangmah om nawn lo a, miteʼ tuatcil gawp dingin kipaai lel hi.

Mattiu 4:5

Tua ciangin Dawimangpa in gamlak panin Jerusalem khua ah Jesu paipih a, biakinn khumzang a sang pen munah a kah toh pih khit ciangin,

Daniel 8:10

Vantung galkapte nangawn a do zo zah dong dingin a thahatna hong khangto a, aksi pawl khatte leitungah lawn khia-in, a tuancil gawp hi.

Ezekiel 42:20

Tua ahih manin a umna kulh a pang li-in a teh ciangin a pang li mahin kikim a, pang khat ciangin pi za giat sawm li vive pha a, tua deina kulh pen biakna-a a siangtho le a mawkmawkte a kikhenna ahi hi.

Mangmuhna 11:11

Ahi zongin ni thum le ni lang a cin khit ciangin amaute sungah Pasian kiang panin nuntakna hu lutin, amaute a khe-un hong ding uh ahih manin a mute khempeuh nakpi takin lau mahmah uh hi.

Hebru 10:29

Tua bang ahihleh Pasianʼ Tapa a simmawh, mawhna a hong maisak Pasianʼ thuciamna sisan a thudon lo, Pasianʼ hehpihna a hong puak Kha Siangtho a hehsakteʼ thuak ding bangzah takin lian zaw kan ding ahi hiam?

Daniel 7:19

Tua ciangin a dangte tawh a kibang lo a kihtakhuai sik-ha le sumngo khecin a nei sapi lina thu ka thei nuam hi. Amah in nene-in na khempeuh tuancil gawp hi.

Kah la 1:10

A galte in a neih a lam khempeuh a laksak khin mang hi. Biakinnpi sungah lut uh a, Topa in Gentail-te a pai ding a phal lohna munah a lut uh a mu hi.

Isaiah 48:2

Note tua bang hi napi-in, khuapi siangtho sungah a teeng mite ihi a, Israel Pasian i muang hi. Ama min pen Vanglian Topa ahi hi, ci-in kisaktheihna-in na nei zaw lai uh hi.

Late 79:1

Pasian aw, na luah gam sungah dawi biate hong pai uh hi. Amaute in na biakinn siangtho ninsak gawp uh a, Jerusalem khuapi siasak gawp khin uh hi.

Gamlak-vakna 14:34

Na gam vaan sung uh ni phazah tawh kizui-in, ni sawm li, ni khat ciangin kum khat, note in na mawhna uh kum sawm li sung na thuak ding uh a, keima lungkim lohna na thei ding uh hi,’ ci hi.

Isaiah 5:5

Tu-in, ka leenggui lo tungah ka hih ding thu note tungah kong gen ding hi. A daai ka la khia dinga, kine mang ding hi. A gawl ka susia dinga, kituancil ding hi.

Ezekiel 4:6

Hih bangin na gamtat khit ciangin na taklam delhphahin na kihei leuleu dinga, Judah miteʼ mawhna ni sawm li sung gim na thuak leuleu ding hi. Nangma thuak ni khat pen amauʼ thuak ding kum khat tang ahi hi.

Daniel 8:13

Vantungmi khat in a dang vantungmi khat kiangah thu a dot ka za a, “Hih maangmuhna bang tanvei sawt dinga, a muhdahhuai mawhna in nisim biakpiakna bang tanvei khaktan ding ahi hiam? Vantung galkapte le biakinnpi bang tanvei kituancil ding ahi hiam?” a ci hi.

Daniel 8:14

Amah in, “Zingsang le nitak biakpiakna tul nih le za thum vei a cin khit ciangin biakinnpi kipuahkik ding hi,” a ci hi.

Mangmuhna 21:10

Tua laitakin Kha Siangtho tawh ka kidim a, tua vantungmi in mual sang mahmah khat dawnah hong paipih hi. Vantung Pasian kiang panin a hong pai suk Khuapi Siangtho ahi Jerusalem khua a hong lak hi.