Mangmuhna 1:11 - Tedim Bible Revision 2017

¹¹ “Na muhte khempeuh laibu sungah gelh inla, Efesa pawlpi, Smyrna pawlpi, Pergamum pawlpi, Thiatira pawlpi, Sardis pawlpi, Filadelfia pawlpi, Laodisia pawlpi, hih pawlpi sagihte kiangah khak in,” hong ci hi.

Tedim Bible

¹¹ “Nangmah in na muhte, lai sungah gelh in la, Efesa khua, Smurna khua, Pergamum khua, Thiatira khua, Sardis khua, Filadelfia khua, Laodikia khua-ah om pawlpi sagihte kiangah khak in,” ci-in hong genna kam ka za hi.

Mangmuhna 1:11 Referans Kwoze

Mangmuhna 3:1

21 “Sardis khua pawlpi vantungmi kiangah lai gelh inla, Pasian Kha Siangtho sagih le aksi sagih a nei paʼ thugen in: Noteʼ gamtatnate ka thei a, note a si hi napi-in a hing min na pua uh hi.

Mangmuhna 1:4

Johan in Asia gam sungah a om pawlpi sagihte tungah a khak lai ahi hi. A beisa hun, tuhun le mailam hunah a om tawntung Pasian kiang pan le ama tokhom mai-ah a om Kha Siangtho sagihte tung pan le,

Habakkuk 2:2

Tua ciangin Topa in hih bangin hong dawng a, “Nangmah ka hong muhsak thu khempeuh a sim nop mahmah dingin tungman peek tungah gelh in.

Jeremiah 30:2

“Topa, Israel miteʼ Pasian in kong genin ah: Kong gen sa thute khempeuh laibu khat sungah khum in.

Mangmuhna 3:14

“Laodisia khua pawlpi vantungmi kiangah lai gelh inla, thuman le citakin teci a pang, Pasianʼ piansakte khempeuh a kipatna ahi Amenʼ thugen in:

Mangmuhna 3:7

“Filadelfia khua pawlpi vantungmi kiangah lai gelh inla, Davidʼ tawhtang kemin, ama hon sa kong kuamah in a khak zawh loh, ama khak sa kong kuamah in a hon zawh loh, a thuman a siangtho paʼ thugen in:

Mangmuhna 2:18

“Thiatira khua pawlpi vantungmi kiangah lai gelh inla, meikuang tawh a kibang mittang nei-in sumngo kihalsan tawh a kibang khe a nei Pasianʼ Tapaʼ thugen in:

Mangmuhna 2:12

“Pergamum khua pawlpi vantungmi kiangah lai gelh inla, a langnihin a hiam mahmah namsau a nei paʼ thugen in:

Mangmuhna 2:8

“Smyrna khua pawlpi vantungmi kiangah lai gelh inla, a kipatna le a tawpna, si ngei napi-in a hingkik paʼ thugen in:

Efesa 1:1

Pasianʼ sawlna tawh Jesu Khrisʼ sawltak ahi keimah Paul in, Efesa khua ah a om thu um mite tungah lai ka hong khak hi.

Isaiah 30:8

Tu-in pai inla, hong tung lai ding hunte ah teci ahi ngitnget dingin amauteʼ mai ah suangpek tungah gelh inla, laibu khat sungah at in.

Mangmuhna 21:5

Tua ciangin tokhom tungah a tupa in, “Tu-in na khempeuh a thakin ka bawl hi,” ci hi. Tua ciangin, “Hih thute thumanin muantaak ahih manin lai ah gelh in,” hong ci lai hi.

Mangmuhna 19:9

Tua ciangin vantungmi in keima kiangah, “Hih thu gelh in: Tuunoʼ zi neihna pawi ah a kisam mite a hampha mahmah ahi hi,” hong cih khit ciangin, “Hihte pen Pasianʼ gen taktak kammal ahi hi,” hong ci thuah lai hi.

Mangmuhna 14:13

Tua ciangin vantung panin awging khat ka za a, “Tu a kipanin Topa thu ah a si mite mi hampha mahmah ahi hi, cihna gelh in,” a ci hi. Tua ciangin Kha Siangtho in, “Hi takpi hi. Amauteʼ nasepna thaman in amaute zui ding ahih manin a nasep gimna panun tawlnga-in nuamsa-in om ding uh hi,” ci-in a dawng hi.

Mangmuhna 10:4

Tua van sagih a gingteʼ thugen a man khit phetin tua a thugente lai ah a gelh dingin ka kithawi hi. Ahi zongin vantung panin awging khat ka za a, “Tua thute lai ah gelh kei inla, tua van sagih a gingteʼ thugen imcip in,” hong ci hi.

Mangmuhna 1:19

Tua ahih ciangin tu-a na muh, tu laitakin a om thute le tu nung ciangin a hong piang ding thute, lai sungah gelh in.

Mangmuhna 1:8

A beisa hun, tuhun le mailam hunah zong a om tawntung ding a Vanglian Topa Pasian in, “Kei pen na khempeuh a Kipatna le a Tawpna ka hi hi,” a ci hi.

1 TIMOTI MASA 1:3

Masedonia gam lam manawhin ka pai lai-in Efesa khua ah na om ding ka hong sawl mah bangin tu-in zong tua khua mahah na om lai inla, thu upna man lo a hilh mite, a thuhilh a khawl nadingun thu na pia in.

Thu-hilhkikna 31:19

“Tua ahih ciangin hih lai gelh inla, Israel mite hilh in. Hih la, kei adingin Israel miteʼ lang khat ah teci a suah theih nadingin amaute tungah hilh in.

Mangmuhna 1:17

Amah ka muh ciangin misi bangin ama khe phungah ka puk hi. Ahi zongin amah in ka tungah a taklam khut hong nga a, “Lau kei in; kei pen a kipatna le a tawpna ka hi a,

Mangmuhna 1:2

Johan in zong a muhsa thu khempeuh na gen leuleu hi. Hih thute pen Johan in Pasian kiang panin hong pai thute le Jesu Khris in ama tungah a lahkhiat thuman thutakte a genna thu ahi hi.

1 KORIN MASA 16:8

Ahi zongin hih Efesa khua mahah Pentekos Pawi hun ciang dong ka om ding hi.

1 KORIN MASA 15:32

Hih leitung a phattuam nading bekin ngaihsun ni ci lehang, sahang tawh kilaii bang keekin Efesa khua mite tawh ka kihihna uh ah gim thaman bang ngah ka hi uh hiam? Misite hinkikna om lo ding hileh, “Zing ciangin si kha ding ihih manin i duhduhin an ne zu ne-in nuam takin om ni,” ci-in paunak a om bangin gamtat lel ding ahi hi.

Sawltak 20:17

Paul in Miletas khua panin Efesa khua ah thu puak a, Efesa pawlpi upate in a na dawntuah nadingin a vaikhak hi.

Sawltak 18:24

Alexandria khuami Apollos a kici Jew mi khat, Efesa khua ah hong pai hi. Amah thugen siam mahmah a, Lai Siangtho zong a thei mahmah khat ahi hi.

Sawltak 16:14

Tua ka thuhilhna uh a za mite lakah Thiatira khuami, a manpha mahmah puansan a zuak, Lydia kici numei khat a om hi. Tua nu pen Pasian a bia numei khat hi a, Paulʼ thugente a sang thei dingin Pasian in a lungsim a honsak hi.

Kolose 2:1

Note a kipan Laodisia khua mite le kei a hong thei ngei nai lo mi khempeuhte ading nangawnin hahkat takin na ka sem hi.

Mangmuhna 1:20

Tu-in ka taklam khut sungah na muh aksi sagihte le kham kibawl meivakna sagihte a khiatna in: Aksi sagihte pen pawlpi sagihteʼ vantung mite a cihna hi a, meivakna sagihte pen pawlpi sagihte a cihna ahi hi.

Mangmuhna 2:1

“Efesa khua-a pawlpi vantungmi kiangah lai gelh inla, a taklam khut ah aksi sagih tawi-in, kham kibawl meivakna lakah a pai kawikawi Jesuʼ thugenna hih bang ahi hi:

Mangmuhna 2:24

Ahi zongin Thiatira khua-a om note pawl khat in tua numeiʼ thuhilhna hoih lote na zui kei uh a, mite in, ‘Satanʼ thu thukpite hi,’ a cih thute na su kha kei uh hi. Note tungah van gik bangmah ka hong suan kei ding hi.

Mangmuhna 3:4

Ahi zongin Sardis khua sunga om note lakah a puan a ninsak nai lo tawm khat na om uh hi. Tua bang mite kilawm uh ahih manin kei tawh puan pak silhin ka tonkhawm ding uh hi.

Mangmuhna 22:10

Tua ciangin vantungmi in kei kiangah, “Hih laibu sungah a kigelh thute a tun ding hong nai ta ahih manin imcip kei in.

Mangmuhna 22:16

“Keimah Jesu in pawlpite adingin hih thute nang kiangah a hong gen dingin ka vantungmi ka hong sawl hi. Kei pen Davidʼ zung le a suan ahi, zingsol ka hi hi,” a hong ci hi.