Malakhi 3:5 - Tedim Bible Revision 2017

⁵ Vanglian Topa in hih bangin ci hi: “Note tungah thukhen dingin ka hong pai ding hi; ai tawite, numei tawh a mawhte, a man lopi a teci pangte, numeiteʼ thaman piakna ah khemna a zangte; meigong, tagah le gamdang mite a zawhthawh bawlte le kei hong zahtak lo mi khempeuhteʼ lang khat ah thakhatin teci pangin thu ka khen ding hi.

Tedim Bible

⁵ Vanglianpen Topa in hih bangin ci hi: “Note tungah thukhen dingin ka hong pai ding a, ai tawite, numei tawh mawhte, a man lopi-a teci pangte, nasemte’ thaman piakna ah khemna a zangte, meigong, tagah, leh gamdang mite a zawhthawh bawlte, leh kei hong zahtak lo mi khempeuhte’ lang khatah thakhatin teci pangin thu ka khen ding hi.

Malakhi 3:5 Referans Kwoze

Hebru 13:4

Mi khempeuh in nupa thu thupi ngaihsut uh henla, zite pen pasalte tungah citakin, pasalte zong a zite uh tungah citak uh hen. Pasian in a thaangtat mite le nulepa mawhna a gamta mite tungah thu khen ding hi.

Thu-hilhkikna 5:11

“Topa noteʼ Pasianʼ min a sia lamin na zang kei ding uh hi; bang hang hiam cih leh Topa in ama min a sia lamin a zang mi a mawh lo hi, ci lo ding hi.

Jeim 5:4

Na lo uh a hong khawhsakte a thaman pia lo na hih manun tu-in amauteʼ phunna za un. An la dingin na sawl uh miteʼ phunna Vanglian Topa in za khinta hi.

Malakhi 2:14

Bang hangin hong sang lo hiam, na ci uh hi. Na khangno lai uh a na teenpih na zite uh tungah na cihtak lohna uh amah in hong thei a, na zite uh tungah na cihtak tawntungna ding uh Pasian tungah thu ciamin, na zite uh zong na lawmnu mah uh hi napi-in amaute tawh na thuciamna uh na pelhna hang uh ahi hi.

Thu-hilhkikna 27:19

“‘Peemta, pa nei lo le meigong numeite ading thutang a heikhiatsak mipa in gimna ngah tahen,’ ci ding uh hi. Tua ciangin mi khempeuh in, ‘Amen,’ ci ding uh hi.

Mangmuhna 22:15

Ahi zongin a lampial mite, aisan mite, a paktat mite, mi thatte, milim biate le zuaugen nuamsa-in zuau a gengen mite, khuapi pua lamah a om uh hi.

Mangmuhna 21:8

Ahi zongin a meidawite, a leh tatte, a lampialte, mi thatte, a paktatte, aisante, milim biate le zuau gente om nading mun pen sihna nihna ahi kat a kikhulna meiphual pi kuang sung ahi hi,” a ci hi.

Siampi Laibu 20:27

“Numei ahi a, pasal ahi zongin van a kah a, ai a saan leh kithat dinga, suang tawh amaute kidenglum ding hi. Amauʼ sihna amau mah ngawh ding ahi hi,” a ci hi.

Siampi Laibu 20:6

“Mi khat vankahna le aisan lamah kihei-in tuate thu a dot leh, keimah in tua mipa ka maisiat dinga, ama mite lak panin amah ka hawl khia ding hi.

Siampi Laibu 19:13

“Note in na veengte uh na nengniam kei ding uh a, a na na sut kei ding uh hi. A kicial nasem paʼ thaman pen a zingsang dong zan tawntung na kemcip kei ding uh hi.

Malakhi 2:17

Thu na gengenna uh tawh Topa na gimsak uh hi. Note in, “Bangci gimsak ka hi uh hiam?” na ci uh hi. “Topa in a sia-in a gamtate a hoihin ngaihsun a, zong itin amaute tungah lungkim takpi hi,” na cihna khawng uh le, “Thutang a gen Pasian koi lai ah om ahi hiam?” ci-in na dotnate uh tawh na gimsak uh hi.

Jeremiah 29:23

Bang hang hiam cih leh amaute, Israel gamah hai gamtat uh hi: A inn veengteʼ zite mawhpih uh a, thu ka piak lohpi ka min tawh zuau thu a gen uh hi. Keimah Topa in ka mu a, teci ka hi hi, hong ci hi,” ci-in ka gelh hi.

Paunak 16:6

Thumanna le cihtakna mawhmai ngahna hi a, Topa zahtakna siatna tawh kipelhna ahi hi.

Paunak 8:13

Topa zahtakna pen thusia muhdahna hi a, kiphatsakna le kihihsakna, gamtat sia le thuzuau ka mudah hi.

ROM (Romans) 3:8

Thupha a pian nadingin gamtat sia gamta ni, ci ding ihi hiam? Mi pawl khatte in tu-a bang teek mahin gen hi, ci-in hong mawhsak uh a, ka heh theihtheih nadingin kam a pau se uh hi. Tua bang mite in amau thuak dingin a kilawm gimna a thuak ding uh hi.

Micah 1:2

No minam khempeuhte aw, hih thu za un: Leitungah a teeng mi khempeuhte aw, hih thu ngai un: Noteʼ lang khat ah Topa Pasian in teci pang a, a vantung biakinn panin thu hong gen hi.

Late 81:8

Ka mite aw, note kong thuhilh laitakin limtakin hong ngai un. Israel-te aw, keima thu a hong ngai hi hoh le-uhcin!

Nehemiah 5:15

Keima hun ma-in a ukte in mite tungah van gikpi suan uh a, amauteʼ tung panin nisimin an le leenggahzu ngun shekel sawm li man a la uh hi. Amauʼ nasemte nangawn mite tungah kiliansak lai uh hi. Ahi zongin Pasian ka zahtakna hangin tua bangin kei ka gamta kei hi.

Thu-hilhkikna 24:17

“Peemtaʼ thu ahi a, pa nei lo miʼ thu ahi zongin tuate ading thutang na heisak kei ding uh a, meigong numeiʼ puan zong khapna-in na laksak kei ding uh hi.

Siampi Laibu 20:10

“Pasal khatpeuh a veengpaʼ zi tawh a mawh leh, tua a khial pa le a khial nu kithat khawm ding hi.

Paikhiatna 18:21

Tua tham loin, mi khempeuh lak panin Pasian a zahtak mi, a muanhuai mi le sumgolh a mudah mi, misiamte na teel khia ding hi. Tua bang mite pen a tul, a za, a sawm nga, a sawmte tungah a uk dingin na koih ding hi.

Paikhiatna 1:17

Ahih hangin naudomte in Pasian zahtak uh hi. Egypt kumpipa in amaute a thupiak bangin gamta lo uh a, nau pasalte nungtasak uh hi.

Piancilna 42:18

A ni thum ni-in Josef in amaute kiangah, “Keimah in Pasian zahtak ka hih manin hih bangin gamta un. Tua hileh na nungta ding uh hi.

Jeim 5:12

Hih thute khempeuh banah, sanggamte aw, thu khat peuhpeuh na gen uh ciangin kiciam se kei un. Vantung ahi a, na khat peuhpeuh tawh ahi zongin kiciam kei un. Pasianʼ thukhenna na thuakkhak loh nadingun ahite, “Hi,” ci lel unla, ahi lote, “Hi lo,” na ci lel un.

1 THESALONIKA MASA 4:6

Hih bang thute ah kuamah in Khris sungah na sanggamte uh tungah na khialh loh nading uh le na khasiatsak loh nading uh hong deih hi. Pasian in hih bangin a gamta mite gim pia ding hi, ci-in khauh takin note kiangah ka hong gen khol khinzo uh hi.

Luka 23:40

Ahi zongin a khat pa in a lawmpa taii a, “Pasian nangawn kihta lo na hi hiam? I vekpi-in gim hong kipiakna kibang kim hi.

Late 36:1

Mawhna in migilo paʼ lungsim tawng ah thu gen a, amah in Pasian zahtakna nei het lo hi.

Piancilna 20:11

Abraham in, “Hih lai munah Pasian zahtakna om het lo hi. Ka ziʼ hangin amaute in kei hong that ding hi, ci-in ngaihsun kha ka hih manin hih bangin a gamta ka hi hi.

Thu-hilhkikna 18:10

Note lakah a tanu ahi a, a tapa ahi zongin biakna-in a zang, ai a saan, khong a khai, mailam thu a gen, ai a tawi,

Isaiah 57:3

No, ai san numeiteʼ tapate, numei tawh a mawh mite le numei pangtatteʼ tuletate aw, hih lai ah hong pai un.

Jeremiah 5:2

“Topa a nuntak bangin,” ci-in a kiciam uh hangin a zuaupi uh ahi hi.

Jeremiah 5:29

“Hih thute hangin amaute gim pia lo ding ka hi hiam, Topa in ka ci hi. Hih bang minamʼ tungah thukkik lo ding ka hi hiam, ka ci hi.

Jeremiah 23:10

Bang hang hiam cih leh mun khempeuh ah angkawmte a dim hi. Topaʼ hamsiatna hangin gam sung tengah kahna dim a, gamlak lo nona munte a keu mang hi. Amaute gamtat sia uh a, a vangliatna uh a man lopi-in a zang uh hi.

Jeremiah 27:9

Tua ahih manin Babylon kumpipaʼ na sem kei un, ci-a note kiangah a hong gen na kamsangte uh, na aisan theite uh, na mang man theite uh le na mang san theite uhʼ thugennate um kei un.

Jeremiah 27:10

Bang hang hiam cih leh noteʼ kiang a hong gen uh thu pen zuau thu hi a, tua hangin na gam uh panin gamlapi ah note hong kipaikhiat pih ding hi. Keimah in note kong hawl khia dinga, note na si ding uh hi.

Jeremiah 42:5

Tua ciangin amaute in kei kiangah, “Topa na Pasian in kote adingin nang tungah a hong gen bangbang ka zuih kei tak mah uh leh Topa in mantakin thei tahen.

Habakkuk 1:12

Topa aw, a cil pek a kipan a tawntungin Pasian na hi a, nang pen a tawntungin keima Pasian, a Siangtho Pa na hi hi. Topa aw, kote gim a hong pia dingin amaute na seh hi bek hi. Ka belh Suangpi aw, kote nong thuhilhna ding bekin amauteʼ tungah vang a pia bek na hi hi.

Zekhariah 11:12

Tua ciangin kei zong amaute kiangah, “Hoih na sak uh leh ka tuucin thaman hong pia un. Hoih na sak kei uh leh lah tang lel un,” ka ci hi. Tua ciangin ka thaman dingin ngun shekel sawm thum hong pia uh hi.

Paikhiatna 20:7

“Topa noteʼ Pasianʼ min a sia lamin na zang kei ding uh hi. Bang hang hiam cih leh Topa in ama min a zang khialte gim pia ding hi.

Paikhiatna 22:20

“Topa bek sim loh pasian dang khat peuhpeuh tungah biakna a pia mi peuhmah kithat ding hi.

Thu-hilhkikna 15:13

Na kiang panin a suakta-in na pai khiatsak ciangin khuthawm guakin na paisak kei ding hi.

JOB (Job) 7:2

Sila nasemte in niliim lunggulhin nasem pa in a thaman a ngak tawh kibang hi lo ahi hiam?

JOB (Job) 31:12

Ka neih khempeuh a kaang tum thei mei husia tawh a kibang ahi hi.)

Malakhi 1:6

Vanglian Topa in siampite tungah hih bangin hong ci hi: “Tapa in a pa zahtak a, nasem pa in a topa kihta hi. Kei pen na pa uh hi napi, bang hangin hong zahtak lo a, na topa uh hi napi, bang hangin hong kihta lo na hi uh hiam? No siampite in kei hong simmawh napi-in, ‘Bang hong ci simmawh ka hi uh hiam?’ na cilai uh hi.