Malakhi 3:3 - Tedim Bible Revision 2017

³ A ninte kaang tumsakin, ngunte a siangsak pa bangin thukhen dingin hong pai ding hi. Ngun le khamte a kisiansak bangin amah in Levi suanlekhak ahi siampite siangsak ding hi. Tua ciangin Topaʼ tungah a kilawm biakna a pia ding uh hi.

Tedim Bible

³ A ninte kangtumsakin, ngunte a siangsakpa bangin thukhen dingin hong pai ding hi. Ngun leh khamte a kisian’sak bangin amah in Levi’ suan-le-khak ahi siampite siangsak ding hi. Tua ciangin Topa tungah a kilawm biakna pia ding uh hi.

Malakhi 3:3 Referans Kwoze

Isaiah 1:25

Note tungah na kong sem dinga, meikhuk ah haltui bangin na saam-ek teng uh tui khiasakin, na kihel pih na nin khempeuh uh ka la khia ding hi.

Paunak 17:3

Kham le ngunte mei sungah kize-et a, mihingteʼ lungsim Topa in ze-et hi.

Hebru 12:10

I leitung pate in amauʼ hoihsak bangin nuntak tomno sung ngaihsutna-in hong thuhilhin gim hong pia a, ahi zongin Pasian in amah tawh kibangin siangtho-in i om theih nadingin eite hong khualna-in hong thuhilhin gim hong pia hi.

Daniel 12:10

Mi tampite kisiansuahin a hoih le a hoih lo a kikhentel ding uh hi. Migilote in bangmah thei tel thei lo uh ahih manin a gilo semsem ding uh hi. Ahih hangin mipilte in theih tel theihna a nei ding uh hi.

Zekhariah 13:9

Tua a suakta seh khatte pen meikhuk ah ngun a kisiansak bangin, meikhuk ah kham a kize-et bangin, meikhuk ah ze-etin ka siangsak ding hi. Amaute in kei tungah thu hong ngenin, kei zong amauʼ thungetna ka pia ding hi. Keima mi ahihna uh amaute tungah ka gen dinga, amaute in kei pen amauʼ Pasian ka hihna thu a kam uh tawh pulak ding uh hi,” a ci hi.

Titu 2:14

I mawhna khempeuh panin hong hon khia ding le ama neihtuam i suah theih nadingin Jesu a mahmah hong kipumpiak a, eite pen gamtat hoih gamtat ding a lawp mahmah ihi hi.

Filippi 2:17

Noteʼ upna hangin biakpiakna-in keimah hong kigo hitaleh zong, note khempeuh mah bangin kei zong ka lungdam veve ding hi.

Late 66:10

Bang hang hiam cih leh Pasian aw, kote na hong sin khin a, mei tawh ngun a kisin bangin kote na hong sin khin hi.

Mangmuhna 3:18

Tua ahih manin na hauh theih nadingun kei kiang panin kham citak hong lei-in a zumhuaipi-in guaktang a na omna uh na kisel nadingun puan pak hong lei unla, khua na muh theih nadingun mit zatui hong lei un.

1 PETER MASA 2:9

Ahi zongin note pen Pasian in a hong teelkhiat minam, Kumpi siampi pawl, a siangtho minam, Pasianʼ mite na hi uh a, khuamial sung panin a lamdang mahmah ama khuavak sungah a hong sam khia paʼ nasepna a lamdangte a gen khia dingin Pasian in a hong teel mite na hi uh hi.

1 PETER MASA 1:7

Hih bang thuaknate in a um takpi mah na hihna uh hong kilangsak hi. A sia thei khamte nangawn, a hoih taktak mah ahi hiam, ci-in mite in mei tawh sin uh ahih manin, kham sangin a manpha zaw noteʼ upna zong a kiptak mah ahi hiam, ci-in Pasian in hong sin ding mah ahi hi. Tua bangin na thuak zawh uh leh Khris hong kilat Ni ciangin phatna, minthanna le pahtawina na ngah ding uh hi.

ROM (Romans) 12:1

Tua ahih ciangin sanggamte aw, Pasian in eite tam veipi tak hong hehpih ahih manin ama lungkim nading le ama nasep nadingin nomau mahmah a hingtangin Pasian tungah na kipiak nadingun kong thum hi. Tua banga kipiakna pen Pasian biakna man taktak ahi hi.

Luka 3:16

Tua ahih ciangin Johan in amaute kiangah, “Keimah in tui sungah note ka hong phum hi; ahi zongin kei sangin nakpi takin a lian zaw khat hong pai lai ding hi. Ama khedap khau a sutsak ding nangawnin kei ka kilawm zo nai kei hi. Amah in Kha Siangtho le mei sungah note hong phum ding hi.

Paunak 25:4

Ngun a ek teng paikhia lehang sikseek pa in na hoihpi piangsak thei hi.

Late 4:5

A man biakpiaknate lui unla, Topa muang un.

Mangmuhna 1:6

ama Pa Pasianʼ na a sem dingin siampi le kumpi za-ah a hong koih hi. Tua Jesu in minthanna le vangliatna nei tawntung tahen. Amen.

1 PETER MASA 2:5

Note zong nuntakna a pia thei suangpi mah bangin kha thu tawh kisai biakinn lam nadingin na kizang unla, Jesu Khris hangin Pasianʼ san theih biaknate a pia dingin a siangtho siampi na suak un.

2 TIMOTI NIHNA 4:6

Kei ka hih leh Pasian biakna-in hong kipiak ding hun hong tung ta hi. Hih leitung nuntakna ka nusiat ding hun hi ta hi.

ROM (Romans) 15:16

Gentail mite tungah na a sem dingin Khris Jesu sawltak hih theih nading hamphatna lianpi Pasian in kei a hong piakna hang ahi hi. Gentail mite pen Kha Siangtho in Pasianʼ tungah a piak, ama san theih biakpiaknate a suah theih nadingin Pasian kiang panin a hong pai Lungdamna Thu ka hilhna ah siampi bangin na ka sem hi.

Hosea 14:2

Topaʼ lamah kihei unla, “Ka mawhna khempeuh uh hong maisak inla, kong thumna uh hong ngai in. Ka kampauna bangun kong gamta ding uh hi.

Isaiah 48:10

Meikhuk sungah ngun a kisiansak bangin gimna meikhuk sungah note kong ze-et hi. Ahi zongin note bangmahin a kimang lo na hihna uh hong kimu khin hi.

Late 116:17

Lungdam koh biakpiakna nang tungah kong pia dinga, Topaʼ tungah thu kong ngen ding hi.

Late 50:23

Biakpiak nadingin lungdam piakna hong paipih mi in kei a hong pahtawi ahi hi. Ka thu a mang mite khempeuh ka hon khia ding hi,” a ci hi.

Filippi 4:18

Noteʼ hong piak nate kicing piikpeek hi. Epafroditas in noteʼ hong na khakte hong tunpih ahih manin ka kitangsapna khempeuh kicing kim hi. Hih nate pen Pasian biakna-in na piak uh, lungdam takin a hong san, a namtui nate ahi hi.

Isaiah 61:6

Ahih hangin note pen Topa’ siampite hong kici dinga, mihingte in note pen i Pasianʼ nasemte, ci-in hong gen ding uh hi. Minamteʼ hauhna teng note in na ne ding uh a, amauʼ hauhna teng note in na kisaktheih pih ding uh hi.

Mangmuhna 5:10

Pasianʼ na a sem dingin siampi za le kumpi za na pia a, amaute in leitung ukin a om ding uh hi,” a ci uh hi.

Late 50:14

Lungdam biakpiakna Pasian tungah pia unla, Sangpen pa tungah na thuciamnate uh bawl un.

Late 51:19

Tua ciangin biakpiakna man, meihal biakna le meihal biakpiakna bupah na lungkim dinga, na biakna tau tungah bawngtalte hong kipia ding hi.

Jeremiah 9:7

Tua ahih manin Vanglian Topa in a cih in ah, “En un, amaute a siantho nadingun suangtui-in ka ze-et ding hi. Tua lo ka mite bang cih nawn ding ka hi hiam?

Ezekiel 20:38

Note lak panin a lehdo thei mite le kei tungah hong mawh mite ka la khia ding hi. Tu laitakin a om pakna uh gam panin ka la khia dinga, ahi zongin Israel gamah ka ciahsakkik kei ding hi. Tua ciangin Topa ka hihna thu na thei ding uh hi,” a hong ci hi.

Daniel 11:35

Mi pawl khat in thahna a thuak ding uh hi. Tua bangin a pianna thu pen beina a tun mateng sianthosakna le mipha le misia khentelna, Pasianʼ seh sa hun a tunna ahi hi.

Malakhi 4:1

Vanglian Topa in hih bangin ci hi: “En un, mi kiphasak khempeuh le migilo khempeuh, a zung a hiang cih om loin buhtu bangin a kattum ding hun hong tung ding hi. Tua ni ciangin khat zong suakta loin a vekpi-in kaang tum khin ding uh hi.

Gamlak-vakna 8:6

“Israel mite lak panin Levi mi teng la khia inla, amaute siangsak in.

Late 4:6

Mi tampi in, “Thupha tampi hong pia in. Ko tungah na maitang vang hong taangsak in, Topa!” ci uh hi.