Malakhi 2:17 - Tedim Bible Revision 2017

¹⁷ Thu na gengenna uh tawh Topa na gimsak uh hi. Note in, “Bangci gimsak ka hi uh hiam?” na ci uh hi. “Topa in a sia-in a gamtate a hoihin ngaihsun a, zong itin amaute tungah lungkim takpi hi,” na cihna khawng uh le, “Thutang a gen Pasian koi lai ah om ahi hiam?” ci-in na dotnate uh tawh na gimsak uh hi.

Tedim Bible

¹⁷ Na thugen genna uh tawh Topa na gimsak uh hi. Note in, “Bangci gimsak ka hi uh hiam?” na ci uh hi. “Topa in a sia-a gamtate a hoihin ngaihsun a, zong itin amaute tungah lungkim takpi hi,” na cihna khawng uh leh, “A thutang gen Pasian koi lai-ah om ahi hiam?” ci-in na dotnate uh tawh na gimsak uh hi.

Malakhi 2:17 Referans Kwoze

Isaiah 43:24

Kei adingin paknamtui nong leisak nai kei a, nangmah in biakna sa a thaute tawh nong taisak nai kei hi. Ahih hangin nang in na khialhna tawh kei tungah van gik nong suan khin a, na mawhna tawh kei nong gimsak khin hi.

Zefaniah 1:12

“Tua laitakin Jerusalem khua sung meivak tawh ka zong dinga, thuphawk loin, a ngeina bangun omcip a, ‘Topa in a pha hitaleh a sia hitaleh bangmah bawl ngei lo hi,’ a ci mite, gim ka pia ding hi.

Thuhilh-sia 8:11

A mawhte gim kipia pahpah lo ahih manin mihingte in khialh ding haksa sa lo uh hi.

Amos 2:13

Tu-in buhlomte in a pua bawngleeng a netcip suk bangin note na omna mun uh ah kong nengcip suk ding hi.

Ezekiel 16:43

Na neu lai-a kong bawlna na mangngilh a, hih bang tengin na gamtatnate tawh kei nong hehsak hi. Tua ahih manin na gamtatna tawh kizui-in kong thuk hi. A muhdahhuai na gamtat dangte banah bang hangin hih paktatna gamta thuah na hi hiam?” Topa in ci hi.

Ezekiel 8:12

Tua ciangin amah in, “Mihing ahi Ezekiel aw, Israel mite a kimu lo munah a gamtatnate uh tu-in na mu hiam? Amaute in milim a dimna inn sungah biakna a bawl uh hi. Amaute in, ‘Topa in hong mu lo hi. Topa in hih gam nusia khinta hi,’ ci-in paulap zong uh hi,” hong ci hi.

Jeremiah 15:6

Nangmah in kei nong taisan zo hi, Topa in kong ci hi. Kei nong nungngat niloh hi. Tua ahih manin ka khut zanin nang kong susia hi. Ka hehna ka ki-ip zo nawn kei hi.

Isaiah 30:18

Tua ahih ciangin note hong hehpih nuamin Topa in hong ngak a, note tungah hehpihna hong lah ding amah kipakta hi. Bang hang hiam cih leh Topa pen a thutang Pasian hi a, amah a muangte khempeuh thupha ngah ahi hi.

Isaiah 7:13

Tua ciangin Isaiah in, “Davidʼ innkuan aw, ngai un! Mite na lunggim sakna uh kicing sa lo a, ka Pasian zong lunggimsak lai na hi uh hiam?

Isaiah 1:14

Noteʼ Khadet nite le na pawite uh ka mudah hi. Tuate pen kei adingin van gikpi khat suak khin a, tuate khempeuh ka puakna-in ka gim hi.

JOB (Job) 36:17

Ahi zongin tu-in na ngah dinga kilawm gimna a thuak ta na hi hi.

JOB (Job) 34:17

Vanglian pa in thutang a deih lo dingin ngaihsun na hi hiam? Nang in a thuman Pasian mawhsak na hi hiam?

1 SAMUEL MASA 2:3

Tua bangin kiphatsakna tawh pau nawn kei inla, na kam sung pan kihihsakna ging khiasak kei in. Bang hang hiam cih leh Topa pen a thei Pasian hi a, amah in gamtatnate a tawi khai hi.

Malakhi 3:8

Keimah in note kong dotnop thu pen, mi khatpeuh in Pasianʼ na guksak ding kilawm ahi hiam? Kilawm lo hi napi-in note in nong guksak uh hi. Ahi zongin note in, ‘Bang hong guksak ka hi uh hiam?’ na ci uh hi. Sawm-ah-khat piakna le biakpiaknate ah nong guksak uh hi.

Malakhi 2:14

Bang hangin hong sang lo hiam, na ci uh hi. Na khangno lai uh a na teenpih na zite uh tungah na cihtak lohna uh amah in hong thei a, na zite uh tungah na cihtak tawntungna ding uh Pasian tungah thu ciamin, na zite uh zong na lawmnu mah uh hi napi-in amaute tawh na thuciamna uh na pelhna hang uh ahi hi.

Ezekiel 9:9

Tua ciangin amah in hong dawng a, “Israel mite le Judah miteʼ mawhna nak liat mahmah hi. Gam sung khempeuh mi thahna tawh kidimsak uh a, Jerusalem khuapi, siatna namkim tawh kidimsak uh hi. Amaute in, ‘Topa in i gam susia khin a, Topa in eite hong mu lo hi,’ ci uh hi.

JOB (Job) 34:36

Jobʼ thugente khempeuh ngaihsun le-uhcin, migilo bangin a kampauna na thei ding uh hi.

Thu-hilhkikna 32:4

“Eiteʼ belh Topa, a nasepna kicing a, ama sepna khempeuh thumanna ahi hi. Thumanna nei-in, mawhna a nei lo Pasian hi a, amah thutangin thuman hi.

JOB (Job) 9:24

Migiloteʼ khut sungah leitung kipia a, amah in thukhen mangteʼ mit a tuncipsak hi - amah hikeileh kua hi ding ahi hiam?

Isaiah 29:15

Topa’ kiang panin amauʼ thu vaihawmna a seelcip, khuamial sungah a gamta, “Kua in hong mu ding hiam? Kua in hong thei ding hiam?” a cite in gimna ngah tahen.

Isaiah 43:22

“Ahih hangin Jakob aw, ka min nong lo kei hi. Israel aw, kei nong cimtak hi.

Jeremiah 17:15

En in, amaute in, “Topaʼ hong tawnnate koi laitak ah om ahi hiam? Tu-in hong tung tahen!” a ci uh hi.

Jeremiah 44:22

Topa in na hoih lohnate uh le na bawl uh kihhuainate hangin note hong thuak zo nawn lo hi. Tua ahih manin tu ni mahmah in zong na gam uh gamlak suak khin a, miteʼ kihamsiatna suakin kuamah teeng nawn lo hi.

Ezekiel 18:25

“Ahi zongin note in, ‘Topaʼ hihna zia man lo hi,’ na ci uh hi. Israel mite aw, ka thugen hong ngai un. Keima hihna zia a man loin ngaihsun na hi uh hiam? A man lo pen nomauʼ ngaihsutna zia hizaw hi.

Jeremiah 12:1

Topa aw, nang tawh thu i kiseel ciangin nang a tawntungin na man den hi. Ahih hangin thu khat ka hong dong nuam lai hi. Bang hangin migilote daupai uh a, mi khem hatte gualzo sese ahi uh hiam?