Malakhi 2:10 - Tedim Bible Revision 2017

¹⁰ Eite khempeuh in, eite a hong piangsak Pasian ahi Pa khat bek nei hi lo ihi hiam? Tua hi napi-in bang hangin eite khatlekhat tungah citak loin, Pasian in i pu i pate tawh a bawl thuciamna palsat ihi hiam?

Tedim Bible

¹⁰ Eite khempeuh in, eite a hong piangsak Pasian ahi pa khat bek nei hilo i hi hiam? Tua hi napi-in bang hangin eite khat leh khat tungah citak loin, i pu i pate tawh a bawl, Pasian’ thuciamna palsat i hi hiam?

Malakhi 2:10 Referans Kwoze

Late 100:3

Topa, Pasian ahihna thei un. Eite hong bawlpa amah hi a, eite ama aʼ ihi hi. Eite ama mi ihi a, ama gankhahna sunga om a tuute ihi hi.

Malakhi 2:11

Judah mite citak loin, Pasian tungah a thuciamna uh palsat uh a, Israel miteʼ lak le Jerusalem khua sungah siatna tampi gamta uh hi. Topa in a it mahmah biakinn ninsak uh hi. Topa ahi lo, pasian dang a bia numeite, zi-in la-in a teenpih uh hi.

1 KORIN MASA 8:6

eite adingin Pasian khat bek, Pa khat bek a om hi. Ama adingin i nuntakna pa, na khempeuh a piangsak pa ahi hi. Eite tungah nuntakna a hong pia, na khempeuh a piangsak Topa Jesu Khris khat bek a om hi.

Efesa 4:6

Mi khempeuhʼ Pa ahi Pasian khat bek om a, mi khempeuhʼ Topa hi-in, na khempeuh hih kimin, mun citeng ah a om hi.

Isaiah 63:16

Bang hang hiam cih leh, Abraham in kote hong huh loin, Israel in kote hong phawk loh hangin nang pen koteʼ Pa na hi hi. Topa aw, nang pen koteʼ Pa na hi a, nangmah in tanglai pek pan kote a hong hon khia pa na hi hi.

Isaiah 64:8

Ahi zongin Topa aw, nang pen koteʼ Pa na hi hi. Kote pen tungman bang hi-in, nang pen beelseek pa bang na hi a, kote khempeuh nangma bawl mite ka hi uh hi.

Sawltak 7:26

A zing ciangin Israel mi nih a kilaii mu leuleu a, amaute a phelh dingin kipanin, ‘Lawmte aw, minam khat hi lo na hi uh hiam? Bang hangin khatlekhat tua ci kibawl na hi uh hiam?’ ci hi.

Mattiu 3:9

‘Abrahamʼ suante ihi ngawn hi,’ cihna lungsim nei mawk kei un. Keʼn kong cih in ah, Pasian in hih suangte nangawn Abrahamʼ suanlekhakte-in a bawl thei hi lel hi.

Johan 8:41

Note pen na pa uh gamtat bangin a gamta na hi uh hi,” a ci hi. Tua ciangin amaute in, “Kote pen zawlta ka hi kei uh a, ka Pa uh Pasian ahi hi,” a cih uh ciangin,

Mattiu 22:16

Amauʼ nungzuite le Herod mi pawl khat, Jesu kiangah a paisak uh hi. Amaute in, “Sia aw, thu ahi bang a gen tawntung na hihna thu ka thei uh hi. Mite kuamah zahtak tuam nei lo na hih manin midangteʼ pau ding bangmah phamawh sa loin Pasian in miteʼ gamtat ding a deihna bangin tangtakin thu na hilh tawntung hi.

Mattiu 10:21

Unau le unau, pa in a ta, tate in a nu a pate langpangin sihna a thuak dingin khatlekhat kiheek ding uh hi.

Malakhi 2:8

“Ahi zongin, no siampite na hih uh leh lampi man panin na pial khin uh hi. Na thuhilhnate un mi tampi tak khialsak hi. Note tawh ka bawl thuciamna na palsat khin uh hi.

Malakhi 1:6

Vanglian Topa in siampite tungah hih bangin hong ci hi: “Tapa in a pa zahtak a, nasem pa in a topa kihta hi. Kei pen na pa uh hi napi, bang hangin hong zahtak lo a, na topa uh hi napi, bang hangin hong kihta lo na hi uh hiam? No siampite in kei hong simmawh napi-in, ‘Bang hong ci simmawh ka hi uh hiam?’ na cilai uh hi.

Ezekiel 33:24

“Mihing ahi Ezekiel aw, Israel gam khuapi siate sungah a teeng mite in, ‘Abraham, mi khat bek hi napi-in gambup kipia hi. Tu-in eite a tampi ihih ciangin hih gam pen eima aʼ hi taktak hi,’ ci uh hi.

Isaiah 51:2

Na pa uh Abraham le noteʼ pianna Sarah ngaihsun dih un. Bang hang hiam cih leh khat bek ahih laitakin amah ka sam khia a, amah thupha pia-in tampi ka phasak hi.

Isaiah 44:2

Nangmah a hong bawl, gil sung panin nang a hong piangsak, nang a hong huh ding Topa in hih bangin ci hi: Ka nasem pa Jakob aw, ka teel sa Israel aw, lau kei in.

Isaiah 43:15

Kei pen Topa, noteʼ Siangtho Pa, Israel a Piangsak pa, noteʼ Kumpi ka hi hi,” ci hi.

Isaiah 43:1

Ahih hangin Jakob aw, nangmah hong piangsak pa, Israel aw, nangmah hong bawlpa, Topa in tu-in hih bang ci hi: “Hong hon khia khin ka hih manin lau kei in. Na min tawh kong sam khinzo a, nang pen kei-aʼ na hi hi.

JOB (Job) 31:15

Kei a hong piangsak Pasian mah in keima nasemte zong a piangsak ahi hi.

Nehemiah 13:29

Ka Pasian aw, amaute in siampi nasepna le siampite le Levi miteʼ thuciamna siasak uh ahih manin amaute thei ta in.

Joshua 24:3

Tua ciangin Gun gal panin na pu uh Abraham la-in Kanaan gam khempeuh ah ka paipih a, a suanlekhakte tampi ka phasak hi. Ama tungah Isaac ka pia a,

Paikhiatna 19:5

Tua ahih ciangin tu-in note in ka thu mangin ka thuciamna na zuih uh leh mite khempeuh lak panin note pen keima mi na hi ding uh hi. Bang hang hiam cih leh leitung khempeuh keima aʼ hi a,

Hebru 12:9

Tua banah, i leitung pate in gim hong pia a, zong i zahtak lai hi. Tua ahihleh kha thu tawh kisai ah i Paʼ thu mang pha zaw-in i nuntak ding kisam hi.

1 THESALONIKA MASA 4:6

Hih bang thute ah kuamah in Khris sungah na sanggamte uh tungah na khialh loh nading uh le na khasiatsak loh nading uh hong deih hi. Pasian in hih bangin a gamta mite gim pia ding hi, ci-in khauh takin note kiangah ka hong gen khol khinzo uh hi.

Efesa 4:25

Tua ahih manin zuaugen nawn kei unla, Khris pumpi nate ihihna hangin pawl khat ihih manin khatlekhat tungah thuman kigen ni.

ROM (Romans) 9:10

Tua bek zong hi lo lai hi. Rebekah in eiteʼ pupi Isaac tawh tapa nih nei hi.

ROM (Romans) 4:1

Tu-in eiteʼ pianna i pupi Abrahamʼ thu ngaihsun ni. Ama tunga thupiang hih bang ahi hi:

Sawltak 17:25

Amah pen mi khempeuh tungah nuntakna le na khempeuh a pia pa ahih manin mihingte in ama adingin na khat peuhpeuh a sepsak ding a kisam ahi kei hi.

Sawltak 7:2

Stefen in, “Ute pate aw, ka thugen hong ngai un. I pupi Abraham, Haran khua ah a tenma, Mesopotamia gamah a om lai-in, ama kiangah a minthang Pasian kilang a,

Johan 8:56

Noteʼ pupi Abraham in keima hun a tun ding lawp mahmah a, amah in tua hun mu-in nuam mahmah hi,” ci-in a dawng hi.

Johan 8:53

Koteʼ pupi Abraham zong si ahih manin amah sangin a lian zaw dingin ki-um na hi hiam? Tua banah kamsangte khempeuh zong si ahih manin nang a kua-in kingaihsun na hi hiam?” a cih uh ciangin,

Johan 8:39

Amaute in, “Koteʼ pa Abraham ahi hi,” ci-in a dawn uh ciangin Jesu in, “Abrahamʼ tate taktak hi le-uhcin Abrahamʼ gamtat bangin na gamta ding uh hi.

Luka 3:8

Na kisikna uh a kilat nadingin gamta un. Note khatlekhat in, ‘Abrahamʼ suante ihi ngawn hi,’ mawk cih kei un. Keʼn kong cih in ah, Pasian in hih suangte nangawn Abrahamʼ suanlekhakte-in bawl thei lel hi.

Luka 1:73

I pu Abraham tungah kamciamna kho khat bawl a,

Sawltak 17:24

Tua Pasian pen leitung buppi le a tunga om khempeuh a piangsak Pasian hi a, vanlelei a uk Topa ahih manin mihingteʼ lam sa biakinn sungah teeng lo hi.

Sawltak 17:26

Mihing khat tung panin leitung minam khempeuh hong piangsakin, leitung khempeuh ah a omsak hi. Amah in mihingte a piansak ma pekin, mihingteʼ nuntak tanvei ding le a ten nading uh mun a seh sa ahi hi.

Paikhiatna 19:4

Egypt mite tungah ka bawlna le muvanlai in a kha tawh a note a puak bangin note hong pua-in keima kiangah kong paipihna na mu khin uh hi.

Paikhiatna 24:3

Moses hong pai-in Topaʼ thugente khempeuh le biakna ngeinate khempeuh mite kiangah a gen hi. Mi khempeuh in aw kikhatin dawng uh a, “Topaʼ gen sa thute khempeuh ka hih ding uh hi,” a ci uh hi.

Paikhiatna 24:7

Tua ciangin amah in thuciamna laibu la-in, miteʼ zakin tua laibu a sim hi. Amaute in, “Topaʼ gen sa khempeuh kote in ka hih ding uh a, kote ka thumang ding uh hi,” a ci uh hi.

Jeremiah 31:9

Amaute a kap kawmin hong pai ding uh a, keimah in hehnemin amaute ka pikik ding hi. Tui omna lui gei ah amaute ka paipihkik dinga, lam nuamah paipihin a tuk kei ding uh hi. Bang hang hiam cih leh Israel miteʼ pa ka hi a, Efraim, ka ta upa pen ahi hi.

Isaiah 64:7

Tua ahih ciangin nangmah a hong pom dingin a hanciam tawm, nangma min a lo kuamah om lo hi. Bang hang hiam cih leh kote kiang panin nang in na maitang na seel a, mawhna khut sungah kote na hong pia hi.