Malakhi 1:9 - Tedim Bible Revision 2017

⁹ Tua ahih ciangin no siampite aw, Pasian in eite hong hehpih theih nadingin ama kiangah thum un. Na hih ngeisa bangun na nget uh hangin na ngetnate uh hong pia lo ding hi; tua pen nomauʼ khialhna ahi hi.

Tedim Bible

⁹ Tua ciangin no siampite aw, Pasian in eite hong hehpih theih nadingin ama kiangah thuum un. Na hih ngeisa bangun na ngetnate uh hong pia lo ding a, tua in nomau’ khialhna ahi hi.

Malakhi 1:9 Referans Kwoze

1 PETER MASA 1:17

Mi khempeuh amau gamtatna tawh kizui-in a kibang kimin thu a khen Pasian kiangah thu na nget uh ciangin, “Pa aw,” ci na hih manun hih leitungah na om lai teng uh amah zahtakin om un.

Jeremiah 27:18

Amaute kamsang taktak ahih uh a, Topa in ka hopih taktak ahih uh leh, Topaʼ biakinnpi sung, Judah kumpipaʼ inn sung le Jerusalem khua sungah a kinusia lai beelte Babylon khua ah a kipuakkhiat nawn loh nadingin Vanglian Topa kiangah hong thum uh hen.

Paikhiatna 32:11

Ahih hangin Moses in Topa ama Pasian tungah thum a, “Topa aw, na vangliatna le na thahatna tawh Egypt leitang panin na paikhiatpih ahi nangma mite tungah bang hangin sin so ding na hi hiam?

ROM (Romans) 2:11

Bang hang hiam cih leh Pasian in kuamah deidan loin mi khempeuh tungah a kibangin thu a khen hi.

Johan 9:31

Pasian in thukham a palsat miteʼ thu ngai lo a, amah bia-in, ama deih bangin a gamta miteʼ thu ngai hi, ci-in ko ka thei uh hi.

Jeremiah 26:19

“Tua hi napi, Judah kumpipa Hezekiah le Judah mi khempeuhte in amah that zenzen uh ahi hiam? Kumpipa in Topa zahtakin, Topaʼ pahtak ding a nget ciangin Topa in zong amauʼ tungah siatna tunsak dingin a gen sa khelkik zaw hi lo ahi hiam? Ahih hangin eite in eiteʼ tungah siatna lianpi khat i tungsak dektak hi,” a ci uh hi.

Joel 2:17

Topaʼ na a sem siampite, biakinn sung innliim le biakna tau kikalah kapin thu ngen uh henla, “Topa aw, na mite hong hehpih in. Minam dangte in, ‘Na Pasian uh koi ah om ahi hiam,’ ci-in kote hong simmawhsak kei in. Amauteʼ nuihsatin kote hong omsak kei in,” ci uh hen.

Kah la 2:19

Zanin tho zelzel inla, Pasian tungah kiko in. Na tate in hehpihna a ngah nadingin na lungsim khempeuh pia in. Kongzing khempeuh ah naupangte puksi khin dektak uh hi.

2 KHANG TANGTHU NIHNATE 30:27

Tua ahih ciangin siampite le Levi mite dingin mite thupha pia uh a, amauʼ awging kiza-in, amauʼ thungetna in vantung a a siangtho ama teenna a ban to hi.

Joel 2:12

Topa in hih bangin ci hi: “Tu mahmah nangawnin lungsim tak tawh kisikkikin, an tangin, kapin, thumna tawh kei kiangah hong paikik un.

Amos 5:22

Meihal biakna le an tawh biakna nong paipih uh hangin tuate kong sang kei ding hi. Thunuam a biakpiak nadingin na hong paipih uh a thau mahmah ganhingte zong et-in ka nei vet kei ding hi.